ខេត្តកំពង់ធំ៖ មន្ដ្រីនគរបាលចរាចរណ៍ផ្លូវគោកខេត្តកំពង់ធំម្នាក់ ត្រូវមិត្តស្រីដែលជាមន្ត្រីនគរបាលដូចគ្នា កាប់ប្រដាប់ភេទបណ្ដាលឲ្យរងរបួសយ៉ាងធ្ងន់ធ្ងរ ហើយករណីនេះ ត្រូវគេសង្ស័យថា អាចកើតឡើងពីភ្លើងប្រចណ្ឌ ។  ហេតុការណ៍នោះ បានកើតឡើងនៅថ្ងៃទី៣០ មិថុនា ឆ្នាំ២០២០ ស្ថិតនៅក្នុងភូមិពោន ឃុំច្រនាង ស្រុកតាំងគោក ខេត្តកំពង់ធំ។ រីឯ ស្រុកតាំងគោក គឺជាស្រុកមួយដែលទើបបង្កើតឡើងថ្មី កាលណីពេលកន្លងទៅនេះ។ មន្ត្រីសមត្ថកិច្ចមូលដ្ឋានបានបង្ហើបឲ្យដឹងថា អំពើហិង្សាដែលបានកើតឡើងនោះ ត្រូវគេសង្ស័យថា អាចកើតឡើងពីការប្រចណ្ឌ ព្រោះអ្នកបង្ក គឺជាស្ត្រី ឈ្មោះ រិទ្ធ ស្រីនាង អាយុ២៨ឆ្នាំ ជាមន្ត្រីនគរបាលចរាចរណ៍ផ្លូវគោកខេត្ត មានទីលំនៅភូមិដំរីជាន់ខ្លា សង្កាត់ដំរីជាន់ខ្លា ក្រុងស្ទឹងសែន ។ ចំណែក ជនរងគ្រោះ ឈ្មោះ  ខៀន សុខល័ក្ខ ភេទប្រុស អាយុ៣៣ឆ្នាំ ជាមន្ត្រីនគរបាលចរាចរណ៍ ដូចជនសង្ស័យ មានទីលំនៅ ភូមិតាំងក្រសៅ ឃុំតាំងក្រសៅ ស្រុកប្រាសាទសំបូរ ខេត្តកំពង់ធំ។ មន្ត្រីដដែលបានបង្ហើបទៀតថា ជនរងគ្រោះ ត្រូវបានស្ត្រីសង្ស័យប្រើកាំបិតប៉័ងតោ កាប់ប្រដាប់ភេទស្ទើរដាច់ និងកាប់១កាំបិតថែមទៀត ត្រូវចំភ្លៅបណ្តាលអោយរងរបួសយ៉ាងធ្ងន់ធ្ងរ។…

ខេត្តព្រះវិហារ៖ រដ្ឋមន្រ្តីក្រសួងកសិកម្ម រុក្ខាប្រមាញ់និងនេសាទ លោក វេង សាខុន មានប្រសាសន៍បែបនេះ នៅក្នុងពេលដែល លោករដ្ឋមន្ត្រី បានអញ្ជើញជាអធិបតី ក្នុងការប្រារព្ធទិវាពិភពលោក ប្រយុទ្ធប្រឆាំងការធ្លាក់ចុះគុណភាពដី និងគ្រោះរាំងស្ងួត នៅថ្ងៃទី៣០ មិថុនាឆ្នាំ២០២០ ក្រោមប្រធានបទ “ ការផលិត និងការប្រើប្រាស់ស្បៀងអាហារ ចំណីសត្វ និងសសៃអំបោះ ប្រកបដោយនិរន្តរភាព “ ស្ថិតនៅភូមិកំពត ឃុំរហ័ស ស្រុករៀង ខេត្តព្រះវិហារ។ នៅក្នុងការប្រារព្ធទិវានេះទៀត ក៏មានការអញ្ជើញចូលរួមពី គណៈប្រតិភូជាន់ខ្ពស់ ក្រសួងកសិកម្ម រុក្ខាប្រមាញ់ និងនេសាទ អភិបាលខេត្តព្រះវិហារ លោក ប្រាក់ សុវណ្ណ តំណាងដៃគូអភិវឌ្ឍន៍ អង្គការជាតិ អន្តរជាតិ មន្រ្តីរាជការគ្រប់ជាន់ថ្នាក់ កងកម្លាំងទាំង៣ និងប្រជាពលរដ្ឋយ៉ាងច្រើនកុះករ ផងដែរ។ ប្រធានមន្ទីរកសិកម្ម រុក្ខាប្រមាញ់ និងនេសាទ ខេត្តព្រះវិហារ លោក ពឹង ទ្រីដា បានថ្លែងថា ប្រជាពលរដ្ឋនៅក្នុងខេត្ត ប្រមាណជា ៨៥ភាគរយ…

កំពង់ឆ្នាំង៖ ប្រជាពលរដ្ឋនៅក្នុងឃុំ៣នៃស្រុកកំពង់ត្រឡាច ទទួលបានផ្លូវក្រាលកៅស៊ូមួយខ្សែប្រវែង ១១ គីឡូម៉ែត្រភ្ជាប់ចេញពីចំណុចសាលាបឋមសិក្សាអ្នកតាហាងឆ្លងកាត់ឃុំ ៣មាន ឃុំកំពង់ត្រឡាច  ឃុំច្រេស និងឃុំតាជេស ស្រុកកំពង់ត្រឡាចខេត្តកំពង់ឆ្នាំង។ ប្រជាពលរដ្ឋបានបញ្ជាក់ឲ្យដឹងដូចគ្នាថា ផ្លូវមួយខ្សែនេះពីដើមជាផ្លូវរទេះគោដែលពិបាកក្នុងការធ្វើដំណើរ សម្រាប់បងប្អូនប្រជាពលរដ្ឋក្រោយមកមានការកសាងផ្លូវជាគ្រោះក្រហមរបស់អង្កការក្រៅរដ្ឋាភិបាល តែវាមានទំហ៊ុផ្លូវនេះតូចពិបាកក្នុងការធ្វើដំណើរណាស់ ក្រោយមកបានរងកាតខូចខាតបើរដូវវស្សាវិញកាន់តែពិបាកខ្លាំង ហើយរដូវប្រាំងខ្សាច់ទៀតផង ។ ប្រជាពលរដ្ឋបានសម្តែងពីទឹកចិត្តសប្បាយរីករាយ ដែលការទន្ទឹងរងចាំយូរហើយនោះតាមការសន្យាឥឡូវបានបានមកដល់ផ្លូវមួយខ្សែរ ដែលកំពង់ធ្វើការសាងសងផ្លូវនេះគម្រោងក្រាលកៅស៊ូដែលមិនធ្លាប់មាន ហើយក៏ជាប្រវត្តិសាស្ត្រ ដែលនៅជនបទមានផ្លូវក្រាលកៅស៊ូបែបនេះ និងងាយស្រួលក្នុងការធ្វើដំណើរដឹកកសិផល ទៅកាន់ទីផ្សារនិងដឹកអ្នកជម្ងឺទៅមន្ទីពេទ្យ សាលារៀនបានរហស័ផងដែរ ។ បងប្អូនប្រជាពលរដ្ឋបានថ្លែងអំណរគុណយ៉ាងជ្រាលជ្រៅ ដឹកនាំរាជរដ្ឋាភិបាលកម្ពុជា ដែលមានសម្ដេចតេជោ ហ៊ុន សែន ជាប្រមុខ និងឯកឧត្តមអភិបាលខេត្តកំពង់ឆ្នាំង ក្រុមការងារថ្នាក់ជាតិ ចុះជួយស្រុកកំពង់ត្រឡាចខណះដែលផ្លូវ មួយខ្សែនេះកាត់តាមភូមិស្រុករបស់គាត់សូមឱ្យសម្ដេច មានសុខភាពបរិបូណ៌ ប្រាជ្ញាឈ្លាសវៃបន្តដឹកនាំ ប្រទេសជាតិជារៀងរហូត ។ អនុប្រធានទី ១ក្រុមការងារថ្នាក់ជាតិចុះជួយស្រុកកំពង់ត្រឡាច ខេត្តកំពង់ឆ្នាំង ឯកឧត្តម ញាណឡេង បានឲ្យដឹងថាផ្លូវមួយខ្សែនេះមានប្រវែង ១១គីឡូម៉ែត្រខ្នងលើ ៦ ម៉ែត្រតភ្ជាប់ចេញពីផ្លូវកៅស៊ូក្នុងឃុំកំពង់ត្រឡាច ទៅឃុំច្រេស និងបានតភ្ជាប់មកផ្លូវក្រាលកៅស៊ូក្នុងឃុំតាជេស ដែលជាគម្រោងសាងសង់របស់ក្រសួងអភិវឌ្ឍន៍ជនបទ។ ពាក់ព័ន្ធនឹងករណីខាងលើនេះប្រធានមន្ទីអភិវឌ្ឍន៍ជនបទខេត្តកំពង់ឆ្នាំង លោក ជិន…

ភ្នំពេញ៖ អនុសាខាកាក បាទក្រហមកម្ពុជា ខណ្ឌមានជ័យ ដឹកនាំដោយ លោក ឌី រ័ត្នខេមរុណ ប្រធានគណៈកម្មាធិការអនុសាខាកាកបាទ ក្រហមកម្ពុជា ខណ្ឌមានជ័យ បានអញ្ជើញទៅទទួលទេយ្យទានសប្បុរសធម៌ពី ព្រះសង្ឃវរោ ថាច់ ច័ន្ទសុធីរ៍ ព្រះគ្រូចៅអធិការ វត្តអង្គពោធិញ្ញាណ ។ ក្នុងឱកាសនោះ ព្រះសង្ឃវរោ ថាច់ ច័ន្ទសុធីរ៍ ព្រះគ្រូចៅអធិការ វត្តអង្គពោធិញ្ញាណ បានមានព្រះថេរដីកាកោតសរសើរ គាំទ្រ អនុសាខាកាកបាទក្រហមខណ្ឌមានជ័យ និងមានទឹកព្រះទ័យសោមនស្សរីករាយ ក្នុងការចូលរួមចែករំលែកលើកកម្ពស់ លើកម្លាំងមនុស្សធម៌របស់កាកបាទ ក្រហមកម្ពុជា និងអនុសាខាកាកបាទក្រហមខណ្ឌមានជ័យ ។ បន្ទាប់មក លោក ឌី រ័ត្នខេមរុណ អភិបាលរង ខណ្ឌមានជ័យ និងជាប្រធានអនុសាខា បានមានប្រសាសន៍ពាំនាំនូវសេចក្តីផ្តាំផ្ញើសាកសួរសុខទុក្ខ ពីសំណាក់ សម្តេចកិត្តិព្រឹទ្ធបណ្ឌិត  ប៊ុន រ៉ានី ហ៊ុនសែន  ប្រធានកាកបាទក្រហមកម្ពុជា ព្រមទាំងសូមថ្លែងអំណរព្រះគុណ ចំពោះ ព្រះសង្ឃវរោ ថាច់ ច័ន្ទសុធីរ៍ ព្រះគ្រូចៅអធិការ វត្តអង្គពោធិញ្ញាណ ព្រះសង្ឃ …

ភ្នំពេញ៖ អនុវត្តន៍តាមការណែនាំចង្អុលបង្ហាញពីលោកចេង មុនីរ៉ា អភិបាលខណ្ឌច្បារអំពៅ នៅព្រឹកថ្ងៃទី១ ខែកក្កដា ឆ្នាំ២០២០ លោករស់ សុភក្តិ អភិបាលរងខណ្ឌ បានដឹកនាំគណៈកម្មការចម្រុះរួមមានមន្ទីរកសិកម្មរាជធានីភ្នំពេញ  មន្ទីរបរិស្ថានរាជធានីភ្នំពេញ និងការិយាល័យកសិកម្មខណ្ឌ ការិយាល័យបរិស្ថានខណ្ឌ ចុះត្រួតពិនិត្យកសិដ្ឋានចិញ្ចឹមមាន់ យកពងមួយកន្លែងស្ថិតនៅភូមិចំពុះក្អែក សង្កាត់ព្រែកថ្មី ខណ្ឌច្បារអំពៅ ។ គណៈកម្មការចុះពិនិត្យកសិដ្ឋានចិញ្ចឹមមាន់នេះធ្វើឡើងទៅតាមការស្នើសុំអន្តរាគមន៍របស់ប្រជាពលរដ្ឋដែលរស់នៅក្នុងភូមិ ចំពុះក្អែក ជិតកន្លែងកសិដ្ឋាន ដោយសារជះក្លិនស្អុយចេញពីកសិដ្ឋានពិបាកទ្រាំ ។  ទីតាំងកសិដ្ឋានខាងលើនេះកន្លងមករដ្ឋបាលខណ្ឌ  បានចុះណែនាំ២លើករួចមកហើយ ដើម្បីអោយម្ចាស់កសិដ្ឋានអនុវត្តន៍តាមគោលការណ៍ ណែនាំរបស់មន្ទីរកសិកម្ម រាជធានីភ្នំពេញ ក៏ដូចជាការិយាល័យកសិកម្មខណ្ឌ មន្ទីរបរិស្ថាន រាជធានីភ្នំពេញ និងការិយាល័យបរិស្ថានខណ្ឌ ពាក់ព័ន្ធលក្ខណៈបច្ចេកទេសនៃការចិញ្ចឹម និងអនាម័យបរិស្ថាន។ បន្ទាប់ពីមានការចុះត្រួតពិនិត្យរួចមកម្ចាស់បានអនុវត្តន៍តាមការណែនាំរបស់អាជ្ញាធរខណ្ឌបានល្អប្រសើរ  ស្រាប់តែមួយរយៈចុងក្រោយនេះស្របពេលរដូវវស្សាចូលមកដល់មានភ្លៀង ខ្យល់ ស្ទើរាល់ថ្ងៃក្លិនស្អុយជះចេញពីកសិដ្ឋាន ប៉ះពាល់ដល់ការរស់នៅរបស់អ្នកភូមិ ទើបប្រជាពលរដ្ឋសុំការចុះអន្តរាគមន៍ ពីអាជ្ញាធរខណ្ឌ ។ លោក រស់ សុភក្តិ អភិបាលរងខណ្ឌដែលដឹកនាំគណៈកម្មការចម្រុះបានអោយដឹងថា តាមការចុះត្រួតពិនិត្យនៅក្នុងកសិដ្ឋាន មន្ត្រីជំនាញខាងបរស្ថាន ពិនិត្យឃើញថា កសិដ្ឋានចិញ្ចឹមមាន់មានបញ្ហាក្លិនស្អុយ លាមកមាន់មានធំក្លិនស្អុយកំរិតទាប នៅពេលមានខ្យល់បក់ម្តងៗ។ ចំណែកមន្ត្រីកសិកម្មពិនិត្យឃើញថា បានធ្វើអនាម័យទ្រុង…