ខេត្តមណ្ឌលគិរី ៖ នៅព្រឹកថ្ងៃអង្គារ ១០កើត ខែអាសាឍ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី៣០ ខែមិថុនា ឆ្នាំ២០២០ លោកជំទាវ ម៉ុម ថានី រដ្ឋលេខាធិការក្រសួងបរិស្ថាន បានអញ្ជើញចូលរួមលែងសត្វស្វាត្រោសចំនួន១ក្បាល ឲ្យចូលទៅរស់នៅក្នុងព្រៃធម្មជាតិវិញក្នុងភូមិសាស្រ្តដែនជម្រកសត្វព្រៃកែវសីមា។ សត្វស្វាត្រោស១ក្បាលនេះ ត្រូវបានក្រុមការងារអនុវត្តច្បាប់ចល័តនៃមន្ទីរបរិស្ថានខេត្តមណ្ឌលគិរី ទទួលយកបានពីលោក ជឹម ផន្នី ជាប្រជាពលរដ្ឋរស់នៅក្នុងស្រុកពេជ្រាដា ខេត្តមណ្ឌលគិរី ខណៈលោកជួយសង្រ្គោះបានពីការតាមប្រម៉ាញ់ ហើយបានទំនាក់ទំនងទៅកាន់មន្រ្តីបរិស្ថានខេត្តមណ្ឌលគិរី ឲ្យមកទទួលដើម្បីការពារ អភិរក្ស ថែទាំសុខភាព និងលែងឲ្យចូលទៅរស់នៅក្នុងព្រៃធម្មជាតិវិញ។ ក្នុងឱកាសនោះ លោកជំទាវបានថ្លែងអំណរគុណ ដល់មន្រ្តីឧទ្យានុរក្ស ដែលបានសហការជាមួយមន្រ្តីល្បាតនៃអង្គការ WWF ដែលបានខិតខំការពារ និងអភិរក្សធនធានធម្មជាតិសម្រាប់មនុស្សគ្រប់ជំនាន់ ជាពិសេសបានអប់រំចំណេះដឹងបរិស្ថាន និងបានចូលរួមថែទាំសុខភាពសត្វព្រៃ ដែលដកហូតបានពីបទល្មើសធម្មជាតិ និងទទួលបានពីប្រជាពលរដ្ឋប្រគល់ជូនដោយស្ម័គ្រចិត្ត ដើម្បីលែងចូលទៅក្នុងព្រៃធម្មជាតិវិញ។ លោកជំទាវ បានលើកទឹកចិត្តផងដែរឱ្យមានការចូលរួមពីប្រជាពលរដ្ឋឲ្យចូលរួមចំណែកអភិរក្សសត្វព្រៃ ដើម្បីរក្សាការពារនិងបន្តពូជពងកូនសម្រាប់ឲ្យមនុស្សជំនាន់ក្រោយបានឃើញនិងស្គាល់៕    

មណ្ឌលគិរី ៖ លោកជំទាវ ម៉ុម ថានី រដ្ឋលខាធិការ តំណាងឯកឧត្តម សាយ សំអាល់រដ្ឋមន្រ្តីក្រសួងបរិស្ថាន អមដំណើរដោយ ឯកឧត្តម រ័ត្ន វិរៈ អនុរដ្ឋលេខាធិការក្រសួងបរិស្ថាន និងប្រតិភូក្រសួងបរិស្ថាន ក្រសួងសុខាភិបាល តំណាងគណៈអភិបាលខេត្តមណ្ឌលគិរី មន្ទីរបរិស្ថានខេត្ត តំណាងអង្គការWWF នៅព្រឹកថ្ងៃអង្គារ ១០កើត ខែអាសាឍ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី៣០ ខែមិថុនា ឆ្នាំ២០២០  នៅស្នាក់ការបរិស្ថានត្រពាំងត្រាច ដែនជម្រកសត្វព្រៃស្រែពក ខេត្តមណ្ឌលគិរី  បានជួបសំណេះសំណាលផ្សព្វផ្សាយ វិធីបង្ការជំងឺគ្រុនចាញ់ គ្រុនឈាម និងចែកសម្ភារៈ ថ្នាំបង្ការជំងឺគ្តុនចាញ់ គ្រុនឈាម និងដង្កូវព្រូន ដល់មន្រ្តីឧទ្យានុរក្ស តំណាងអាជ្ញាធរមូលដ្ឋាន និងប្រជាពលរដ្ឋនៃសហគមន៍តំបន់ការពារធម្មជាតិក្នុងដែនជម្រកសត្វព្រៃស្រែពក និងដែនជម្រកសត្វព្រៃភ្នំព្រេច នៃភូមិសាស្រ្តខេត្តមណ្ឌលគិរី។ កម្មវិធីនេះ រៀបចំឡើងដើម្បីរួមចំណែកជាមួយរាជរដ្ឋាភិបាល ក្នុងការលុបបំបាត់ទាំងស្រុង នូវជំងឺគ្រុនចាញ់ពីប្រទេសកម្ពុជានៅឆ្នាំ២០២៥ ស្របតាមផែនការយុទ្ធសាស្ត្រជាតិ លុបបំបាត់ជំងឺគ្រុនចាញ់ ឆ្នាំ២០២១-២០២៥ របស់ក្រសួងសុខាភិបាល។ លោក សាយ ម៉េងគីម អភិបាលរងខេត្តមណ្ឌលគិរី…

ភ្នំពេញ៖ ​បុរសម្នាក់ជាជនជាតិចិន​បានបើករថយន្តម៉ាកសឺដេស មួយគ្រឿង ជ្រុលទៅបុកបង្គោលភ្លើងថ្ម​ពេញទំហឹងបណ្ដាលឲ្យរថយន្តខូចខាតផ្នែកខាងមុខយ៉ាងដំណំ។ ហេតុការណ៍នេះកើតឡើងកាលពីវេលាម៉ោង១ និង១០នាទីយប់រំលងអាធ្រាត្រឈានចូលថ្ងៃទី០១ ខែកក្កដា ឆ្នាំ២០២០ ស្ថិតនៅតាមបណ្ដោយផ្លូវលូ៣ ក្នុងសង្កាត់អូបែកក្អម ខណ្ឌសែនសុខ រាជធានីភ្នំពេញ។ តាមប្រភពព័ត៌មានពីកន្លែងកើតហេតុបានឲ្យដឹងថា មុនកើតហេតុគេឃើញបុរសជនជាតិចិនម្នាក់ បើករថយន្តម៉ាកសឺដេសS-550មួយគ្រឿងពណ៌សពាក់ស្លាកលេខភ្នំពេញ 2BC-5188ធ្វើដំណើរទិសដៅពីជើងទៅត្បូងលុះមកដល់ចំណុចកើតហេតុខាងលើ បានជ្រុលទៅបុកបង្គោលភ្លើងថ្ម ពេញទំហឹងបណ្ដាលឲ្យរថយន្តរងការខូចខាតផ្នែកខាងមុខខាងស្តាំយ៉ាងដំណំ។​   ក្រោយកើតហេតុសមត្ថកិច្ចមូលដ្ឋាន បានចុះដល់បានទំនាក់ទំនង ទៅសមត្ថកិច្ចជំនាញចុះមកធ្វើការវាស់វែងយករថយន្តបង្ក ទៅរក្សាទុកនៅការិយាល័យចរាចរផ្លូវគោករាជធានីភ្នំពេញ រង់ចាំធ្វើការដោះស្រាយគ្នាទៅតាមផ្លូវច្បាប់៕ធ.ដ ដោយ៖  ជីម  ភារ៉ា

ភ្នំពេញ៖ មានករណីឆ្លងចរន្ត អគ្គិសនីមួយបានកេីតឡេីងនៅវេលា ម៉ោង ១៤ និង៣០ នាទី រសៀលថ្ងៃអង្គារ ទី៣០ ខែមិថុនា ឆ្នាំ២០២០ បណ្តាលឲ្យឆាបឆេះផ្ទះ ប្រជាពលរដ្ឋងការខូចខាតសម្ភារមួយចំនួនធំ ស្ថិតតាមបណ្ដោយផ្លូវលេខ២០៨ ផ្ទះលេខ 3i ក្រុមទី២ ភូមិ ត្នោតជ្រុំ ៤ សង្កាត់ បឹងទំពុន ទី២ ខណ្ឌមានជ័យ រាជធានីភ្នំពេញ។ សមត្ថកិច្ចបានឲ្យដឹងថា ម្ចាស់ផ្ទះរងគ្រោះខាងលើឈ្មោះ អ៊ឹង ពិសិដ្ឋ ភេទស្រី អាយុ ៣៩ឆ្នាំ មុខរបរនៅផ្ទះ។ ផ្ទះធ្វើអំពី ថ្ម បេតុង ទំហំ ៤ ម៉ែត្រ x ១៦ម៉ែត្រ )។ ករណីខាងលើ បណ្តាលឲ្យឆេះ ម៉ាស៊ីនត្រជាក់ និងសម្ភារមួយចំនួន និងពុំបណ្តាលឲ្យឆេះរាលដាល ដល់ផ្ទះ អ្នកជិតខាង និងមិនបណ្តាលឲ្យមានមនុស្សគ្រោះថ្នាក់ឡើយ។ ក្នុងហេតុការណ៍នេះគេឃើញ មានរថយន្តរបស់ ការិយាពន្លត់…