សៀមរាប៖ ឯកឧត្តម ព្រុំ សុខា រដ្ឋមន្ត្រីក្រសួងមុខងារសាធារណៈ បានជំរុញលើកទឹកចិត្តដល់ថ្នាក់ដឹកនាំ មន្ត្រីរាជការនៃមន្ទីរមុខងារសាធារណៈខេត្តសៀមរាប ឱ្យបន្តអនុវត្តន៍ការងារឱ្យកាន់តែមានប្រសិទ្ឋភាព ជំរុញ និងណែនាំដល់ថ្នាក់ដឹកនាំ មន្ត្រីរាជការនៅក្នុងឱវាទមន្ទីរ បន្តបេសកកម្មរបស់ខ្លួន បំរើសេវារបស់ខ្លួនជូនដល់បណ្តា ស្ថាប័នមន្ទីរ អង្គភាព នានាឱ្យមានប្រសិទ្ឋភាព និងប្រកបដោយភាពសក័្តសិទ្ឋស្របតាមកម្មវិធីជាតិកំណែទម្រង់រដ្ឋបាលសាធារណៈ ឲ្យកាន់តែមានភាពឆ្លើយតប ប្រសិទ្ធភាព ប្រសិទ្ធផល និងជំនឿទុកចិត្ត ព្រមជាមួយការលើកកំពស់វប្បធម៌សេវាសាធារណៈ ឆន្ទៈម្ចាស់ការ ភក្តីភាព និងមនសិការវិជ្ជាជីវៈរបស់មន្រីរាជការ ដើម្បីប្រែក្លាយរដ្ឋបាលសាធារណៈ ឲ្យទៅជាអ្នកផ្តល់សេវាសាធារណៈ ដ៏មានប្រសិទ្ធភាពដែលបម្រើ ប្រជាជនឲ្យកាន់តែប្រសើរឡើង គឺមិនមែនត្រឹមតែជាការប្រាថ្នារបស់រាជរដ្ឋាភិបាលប៉ុណ្ណោះទេតែក៏ជាសេចក្តីរំពឹងចង់បានរបស់ប្រជាពលរដ្ឋផងដែរ។ នេះបើតាមប្រសាសន៍ ឯកឧត្តម ក្នុងឱកាសចុះសួរសុខទុក្ខងសំណេះសំណាលជាមួយថ្នាក់ដឹកនាំ មន្ត្រីរាជការនៅមន្ទីរ  មុខងារសាធារណៈខេត្តសៀមរាប កាលពីរសៀលថ្ងៃទី២៨ ខែឧសភា ឆ្នាំ២០២០។ ឯកឧត្តម រដ្ឋមន្ត្រី បានថ្លែងអំណរគុណយ៉ាងជ្រាលជ្រៅ ដល់ថ្នាក់ដឹកនាំ មន្ត្រីរាជការគ្រប់លំដាប់ថ្នាក់នៃមន្ទីរមុខងារសាធារណៈ ខេត្តសៀមរាប ដែលបានលះបង់កម្លាំងកាយចិត្ត និងពេលវេលា រួមគ្នាអនុវត្តន៍បានយ៉ាងមានប្រសិទ្ឋភាពនូវកម្មវិធីនយោបាយរបស់រាជរដ្ឋាភិបាល ក្នុងពេលកន្លងមកប្រកបដោយប្រសិទ្ឋភាព ឈរលើស្មារតីមនសិការ សាមគ្គីភាព។ ឯកឧត្តម រំលឹកឡើងថា៖ រាជរដ្ឋាភិបាលក្រោមការដឹកនាំរបស់សម្តេចអគ្គមហាសេនាបតីតេជោ ហ៊ុន សែន…

ភ្នំពេញ៖ បុរសម្នាក់បានស្លាប់បាត់បង់ជីវិតក្រោយពីបញ្ជូនទៅមន្ទីពេទ្យ និងរងរបួសធ្ងន់ស្រាលចំនួន ៧នាក់ បន្ទាប់ពី រថយន្តបីគ្រឿងបានបុកគ្នាពេញទំហឹង កាលពី វេលាម៉ោង ១២និង៤០នាទីយប់រំលងអធ្រាត្រឈានចូលថ្ងៃសុក្រ ទី២៩ ខែឧសភា ឆ្នាំ២០២០ ត្រង់ចំណុចច្រកចូលបុរីពិភពថ្មីកំបូល នៅក្នុងភូមិត្រពាំងគល់ សង្កាត់កន្ទោក ខណ្ឌកំបូលរាជធានីភ្នំពេញ។ អ្នកស្លាប់ និងអ្នករងរបួសទាំងអស់មិនទាន់ត្រូវបានស្គាល់អត្តសញ្ញាណនោះទេ។ តាមសម្ដីអ្នករត់កង់បីម្នាក់បានឃើញហេតុការណ៍បានប្រាប់ឲ្យដឹងថាដំបូងឡើយគាត់ឃើញរថយន្តម៉ាក KIA FRONTIER ពណ៌ខៀវ ស៊េរីឆ្នាំ២០០៤ ពាក់ស្លាកលេខ កំពង់ចាម2A.5948ដឹកគ្រួសារបានបើកតាមបណ្ដោយផ្លូវជាតិលេខ ៤ទៅដៅពីកើតមកលិច ខណៈមកដល់ចំណុចកើតហេតុខាងលើក៏បត់ឆ្លងផ្លូវ កំពុងតែបត់ឆ្លងស្រាប់តែមានរថយន្តម៉ាកហុីយិន ៣តោន ៧គីឡូពណ៌ស ពាក់ស្លាកលេខភ្នំពេញ3F.3336 ដោយដឹកមាន់ពេញ ជិះគ្នា៣នាក់ បើកយ៉ាងលឿនតាមបណ្ដោយផ្លូវជាតិលេខ ៤ទិសដៅពីកើតមកលិចស្របទិសគ្នាបានបុកចំកែងខាងក្រោយ រថយន្ត បណ្ដាលឱ្យរថយន្ដម៉ាកគានឹងវិលមួយជុំត្រឡប់ក្បាលទៅទឹសខាងកើតវិញរង របួសធ្ងន់ស្រាលអ្នកជិះខាងក្រោយចំនួន ៥នាក់ក្មេងពីរនាក់ និងមនុស្សចាស់ ៣នាក់ ហើយរថយន្តដឹកមាន់មិនទាន់អស់ល្បឿនបានជ្រុលទៅបុក រថយន្ត ហុីយិនដាយ (ហៅ៥ភ្លៅ) ពណ៌ស ពាក់ស្លាកលេខ ភ្នំពេញ3C.5569 ប្រភេទរថយន្តរុឺម៉កសណ្តោង ដែលចតស្ងៀមនៅចិញ្ចើមផ្លូវដីផុត ពីផ្លូវជាតិ ចំពីក្រោយហើយបណ្ដាលឱ្យគៀបតៃកុង និងព្រូចំនួន ៣នាក់ភ្លាមៗក៏មាន…

ខេត្តបន្ទាយមានជ័យ៖ មនុស្ស៤នាក់របួសធ្ងន់ ស្រាល ខណៈរថយន្តបែកកង់រេចង្កូតទៅបុក រថយន្តមួយគ្រឿងទៀតកាលរសៀល ថ្ងៃទី២៨ ខែឧសភា ឆ្នាំ២០២០ នៅលើផ្លូវជាតិលេខ៦ត្រង់ចំណុចចន្លោះបង្គោលខ្សែភ្លើងលេខ ០៦១៤ និង ០៦១៥ ស្ថិតនៅក្នុងភូមិតាប៉ុន ឃុំទឹកជោរ ស្រុកព្រះនេត្រព្រះ ខេត្តបន្ទាយមានជ័យ។ នគរបាលចរាចរណ៍ភ្នំលៀបបានឲ្យដឹងថា៖ មានរថយន្តមួយគ្រឿងម៉ាក MISUMITSI ពណ៌ស ពាក់ផ្លាកលេខបាត់ ដំបង.2A-2376 អ្នកបើកមានឈ្មោះ ឈុន បឿក ភេទប្រុស អាយុ២៤ ឆ្នាំ រស់នៅភូមិភ្នំលៀបខាងកើត ឃុំភ្នលៀប ស្រុកព្រះនេត្រព្រះ ខេត្តបន្ទាយមានជ័យ បើកពីកើតទៅលិច ពេលបើកមកដល់ចំណុចកើតស្រាប់តែរថយន្តបែកកង់មុខខាង ស្តាំក៏រេចង្កូត ទទឹងទ្រូងផ្លូវស្របពេលនោះមានរថយន្តមួយគ្រឿងទៀតម៉ាកម៉ាស់ស្ដា ពណ៌ស ពាក់ស្លាកលេខភ្នំពេញ2BB-9108 អ្នកបើកឈ្មោះ គឹម ហោ ភេទប្រុស អាយុ៣០ឆ្នាំ នៅភូមិឈើទាល ឃុំផ្ដៅជុំ ស្រុកជើងព្រៃ ខេត្តកំពង់ចាម ក្នុងរថយន្តមានអ្នករួមដំណើរចំនួនពីរនាក់មានឈ្មោះ ទួន ពិទូ ភេទប្រុស អាយុ៣២ឆ្នាំ នៅភូមិព្រៃទទឹង ឃុំជ្រៃវៀង…

ឯកឧត្តម សាយ សំ អាល់ រដ្ឋមន្រ្តីក្រសួងបរិស្ថាន និងជាប្រធានក្រុមប្រឹក្សាជាតិអភិវឌ្ឍន៍ដោយចីរភាព នៅរសៀលថ្ងៃព្រហស្បតិ៍ ៧កើត ខែជេស្ន ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី២៨ ខែឧសភា ឆ្នាំ២០២០ បានអញ្ជើញជាអធិបតីដឹកនាំកិច្ចប្រជុំជាមួយតំណាងក្រសួង ស្ថាប័នពាក់ព័ន្ធ ដើម្បីពិភាក្សាពង្រឹងការអភិរក្សជីវៈចម្រុះនៅក្នុងតំបន់ ដែលស្ថិតនៅក្រៅយុត្តាធិការថ្នាក់ជាតិ នាទីស្តីការក្រសួងបរិស្ថាន។កិច្ចប្រជុំបានពិភាក្សាស្វែងរកជំហររួមសម្រាប់ប្រទេសកម្ពុជា លើការបង្កើតតំបន់ការពារធម្មជាតិសមុទ្រ ក្នុងតំបន់ ដែលស្ថិតនៅក្រៅយុត្តាធិការរបស់ប្រទេសណាមួយ (Areas Beyond National Jurisdiction – ABNJ) ដោយផ្អែកលើកត្តាបរិស្ថាន សន្តិសុខ សមត្ថកិច្ច សេដ្ឋកិច្ច និងផ្លូវច្បាប់ ដើម្បីត្រៀមដាក់ជូនសម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ពិនិត្យ និងសម្រេចដ៏ខ្ពង់ខ្ពស់ មុនដាក់ជូនកិច្ចប្រជុំកំពូលលើកទី១៥ (COP-15) នៃបណ្ដាប្រទេសជាសមាជិករបស់អនុសញ្ញាសហប្រជាជាតិ ស្ដីពីជីវៈចម្រុះ នៅទីក្រុងគួនមីង សាធារណរដ្ឋប្រជាមានិតចិន នៅក្នុងចុងឆ្នាំ២០២០នេះ។សូមបញ្ជាក់ថា កិច្ចប្រជុំពង្រឹងការអភិរក្សជីវៈចម្រុះជាមួយតំណាងក្រសួងពាក់ព័ន្ធ រៀបចំឡើងដោយនាយកដ្ឋានជីវៈចម្រុះ ដោយមានការចូលរួមពីថ្នាក់ដឹកនាំក្រសួងបរិស្ថាន ថ្នាក់ដឹកនាំជាជនបង្គោលនៃអនុសញ្ញាពាក់ព័ន្ធ តំណាងក្រសួងមហាផ្ទៃ ក្រសួងការពារជាតិ ក្រសួងសេដ្ឋកិច្ច និងហិរញ្ញវត្ថុ…

កណ្តាល៖កម្លាំងការិយាល័យព្រហ្មទណ្ឌកំរិតស្រាលនៃស្នងការដ្ខាននគរបាលខេត្តកណ្តាលដឹកនាំដោយលោកវរសេនីយ៌ ឡាក់ ម៉េងធី ប្រធានការិយាល័យ ដោយមានការបញ្ជារយ៉ាងម៉ឺងម៉ាត់ពីលោកឧត្តមសេនីយ៍ត្រី ឈឿន សុចិត្ត ស្នងការនគរបាលខេត្តកណ្តាលបានប្រតិបត្តិការណ៌ស្រាវជ្រាវ ប្រើរយះពេល០៥ ថ្ងៃ បានកំណត់មុខសញ្ញា រហូតឈានដល់ឃាត់ខ្លួនជនសង្ស័យលួចកាបូបឆ្លងខេត្តពីខេត្តកណ្តល រហូតដល់ខេត្តសៀម រាបបានដោយជោគជ័យ។ ហេតុការណ៌ចុះឃាត់ខ្លួននេះធ្វើឡើងនៅថ្ងៃទី២៦ ខែឧសភា ឆ្នាំ២០២០ វេលាម៉ោង១៦និង៣០នាទី នៅចំណុចភូមិវាល សង្កាត់គោកចក ក្រុងសៀមរាម ខេត្តសៀមរាប ។លោកវរសេនីយ៌ ឡាក់ ម៉េងធី ប្រធានការិយាល័យព្រហ្មទណ្ឌកំរិតស្រាលនៃស្នងការដ្ឋាននគរបាលខេត្តកណ្តាលបានប្រាប់អោយដឹងនៅយប់ថ្ងៃថ្ងៃទី២៨ ខែឧសភា នេះថា ៖ ហេតុការណ៍ដំបូងបានកើតឡើងនៅថ្ងៃទី២៣ ខែឧសភា ឆ្នាំ២០២០ វេលាម៉ោង១៩និង៣០នាទីចំណុច ភូមិស្វាយលើ ឃុំព្រែកថ្មី ស្រុកកោះធំ ខេត្តកណ្តាល ។ ជនរងគ្រោះឈ្មោះ វ៉ន ដានី អាយុ៣៦ឆ្នាំ ជនជាតិខ្មែរ ទីលំនៅ ភូមិស្វាយលើ ឃុំព្រែកថ្មី ស្រុកកោះធំ ខេត្តកណ្តាល មុខរបរ មេផ្ទះ ។ជនសង្ស័យឈ្មោះ ថន ប៊ុនធីម ភេទប្រុស អាយុ១៦ឆ្នាំ…

  ធនាគារជាតិនៃកម្ពុជា នៅល្ងាចថ្ងៃទី២៨ ខែឧសភា ឆ្នាំ២០២០ បានចេញសេចក្តីប្រកាស​ព័ត៌មាន​ផ្លូវការ មួយបញ្ជាក់ថា ក្រដាសប្រាក់ដុល្លារអាមេរិកប្រភេទ ១$ ២$ និង ៥$ នៅតែចរាចរណ៍​បាន​ជាធម្មតា នៅលើទីផ្សារ មិនមានការហាមឃាត់នោះទេ ។   ក្នុងកិច្ចប្រជុំពិភាក្សា ជាមួយតំណាងគ្រឹះស្ថានធនាគារ និងហិរញ្ញវត្ថុ ស្តីពីបញ្ហាប្រឈម នៃ​ចរាចរណ៍​​ក្រដាសប្រាក់ដុល្លារ អាមេរិកប្រភេទ ១$ ២$ និង ៥$ និងផលវិបាក របស់គ្រឹះស្ថានធនាគារ និងហិរញ្ញ​វត្ថុ និងធនាគារជាតិនៃកម្ពុជា ក្នុងការគ្រប់គ្រង ប្រភេទក្រដាសប្រាក់ទាំងនេះ ធនាគារជាតិ​នៃកម្ពុជា ពិនិត្យឃើញថា ទាំងក្នុងឃ្លាំង គ្រឹះស្ថានធនាគារ និងហិរញ្ញវត្ថុ និងធនាគារជាតិនៃកម្ពុជា មាន​ការ​គរជន់ ក្រដាសប្រាក់ដុល្លារអាមេរិក ប្រភេទ ១$ ២$ និង ៥$ ។   នេះសរបញ្ជាក់ថា តម្រូវការនៃក្រដាសប្រាក់ទាំងនេះ…

ភ្នំពេញ៖ រថយន្តបែនដឹកដីមួយគ្រឿង បានថយក្រោយកិនបុរសម្នាក់ ជាអ្នកស្រោចដំណាំ ក្នុងដេប៉ូខ្សាច់មួយកន្លែង តាមបណ្តោយផ្លូវលេខ៣៦៩ សង្កាត់ព្រែកថ្មី ខណ្ឌច្បារអំពៅ បណ្តាលអោយជនរងគ្រោះស្លាប់យ៉ាងអាណោធអាធ័ម នៅវេលាម៉ោងប្រមាណ១១ ថ្ងៃទី២៨ ខែឧសភា ឆ្នាំ២០២០ ។ ក្រោយកើតហេតុ ជនបង្កបានរត់គេចខ្លួនបាត់ស្រមោល ។  អភិបាលខណ្ឌច្បារអំពៅ លោក ចេង មុនីរ៉ា ថ្លែងឱ្យដឹងថា ដេប៉ូខ្សាច់មួយកន្លែងនេះ គឺ មានច្បាប់អនុញ្ញាតត្រឹមត្រូវ ។ ក្រោយកើតហេតុ ជនបង្កបានរត់គេចខ្លួន ដោយវត្ថុតាងទាំងអស់ ត្រូវបានបញ្ជូនទៅការិយាល័យចរាចរណ៍ផ្លូវគោករាជធានីភ្នំពេញ ដើម្បីចាត់ការតាមច្បាប់ ។ ដោយឡែក អធិការនគរបាលខណ្ឌច្បារអំពៅ លោកវរសេនីយ៍ឯក ម៉ៅ សឿត  ក៏បានឱ្យដឹងដែរថា រថយន្តបែនដឹកដីនេះ ថយក្រោយខ្វះការប្រុងប្រយ័ត្ន ទើបបង្កជាគ្រោះថ្នាក់នេះតែម្តង ដោយបច្ចុប្បន្នសពជនរងគ្រោះ ឈ្មោះ តុក សុកា ភេទប្រុស អាយុ៣០ឆ្នាំ ត្រូវបានប្រគល់ជូនសាច់ញាតិធ្វើបុណ្យតាមប្រពៃណីហើយ ។ សូមរំលឹកថា ដេប៉ូខ្សាច់តាមបណ្តោយផ្លូវ៣៦៩ ក្នុងសង្កាត់ព្រែកថ្មីនេះ គឺ ធ្លាប់បង្កបញ្ហាជាច្រើនដល់ប្រជាពលរដ្ឋផងដែរ ដោយធ្លាក់ដីពេញផ្លូវ…