អឺរ៉ុប៖ អង់គ្លេស បារាំង អាល្លឺម៉ង់ រុស្ស៊ី និងចិន គ្រោងរៀបចំប្រជុំរួមគ្នាមួយជាមួយអ៊ីរ៉ង់នៅទីក្រុងវីយែន ប្រទេសអូទ្រីស នៅថ្ងៃទី២៨ ខែកក្កដានេះ ដើម្បីពិភាក្សារកវិធីស្រោចស្រង់កិច្ចព្រមព្រៀងនុយក្លេអ៊ែរអ៊ីរ៉ង់ឆ្នាំ២០១៥ ហៅកាត់ថាJCPOA បន្ទាប់ពីសហរដ្ឋអាម៉េរិក ប្រកាសដកខ្លួនចេញកាលពីឆ្នាំ២០១៨។ កិច្ចប្រជុំនេះ ត្រូវបានត្រៀមរៀបចំឡើង ដោយមានសំណើពីប្រទេសបារាំង អាល្លឺម៉ង់ អង់គ្លេស និងអ៊ីរ៉ង់ផ្ទាល់។
 
ប្រទេសជាភាគីហត្ថលេខីទាំង៥ ក្នុងនោះគ្មានសហរដ្ឋអាម៉េរិក នឹងខិតខំព្យាយាមរិះរកវិធីដើម្បីស្រោចស្រង់កិច្ចព្រមព្រៀង JCPOA ឡើងវិញ តាមរយៈការពិភាក្សាលម្អិតទៅលើបញ្ហាស្នូល និងដំណោះស្រាយដែលអាចធ្វើទៅរួច៕ម.ន