(បន្ទាយមានជ័យ)៖ ឯកឧត្តម យិត បុណ្ណា រដ្ឋលេខាធិការក្រសួងសាធារណការ និងដឹកជញ្ជូន បានអញ្ជើញចុះពិនិត្យ និងធ្វើសន្និសីទសារព័ត៌មាន ស្តីពីសមិទ្ធផលនានា នៃគម្រោងរៀបចំច្រកទ្វារព្រំដែនអន្តរជាតិស្ទឹងបត់ និងផ្លូវតភ្ជាប់ទៅផ្លូវជាតិលេខ៥ ជាមួយទីភ្នាក់ងារសហប្រតិបត្តិការអភិរឌ្ឍន៍ សេដ្ឋកិច្ចប្រទេសជិតខាង របស់ ថៃ (NEDA) ដឹកនាំដោយ ឯកឧត្តម Perames Vudthitornetiraks ប្រធានស្ថាប័ន NEDA តំណាងស្ថានទូតថៃ ប្រចាំនៅ កម្ពុជា នាថ្ងៃទី២៥ ខែមេសា ឆ្នាំ២០២៤ ។ រាជរដ្ឋាភិបាលកម្ពុជា បានទទួលហរិញ្ញប្បទានពីទីភ្នាក់ងារសហប្រតិបត្តិការដើម្បីអភិវឌ្ឍន៍សេដ្ឋកិច្ចនៃបណ្តាប្រទេសជិតខាង (NEDA) របស់ ថៃ មានទំហំទឹកប្រាក់ ២៦,៤២លានដុល្លារអាមេរិក ដើម្បីសាងសង់ អគារច្រកត្រួតពិនិត្យព្រំដែន និងផ្លូវ, សំណង់ អគារអន្តេវាសិកដ្ឋាន, ចំណតសម្រាប់ផ្ទេរទំនិញឆ្លងកាត់ “ឃ្លាំង ទីលានកុងតែន័រ”, ការជួសជុលកែលម្អផ្លូវចាស់ និង សំណង់កាត់បន្ថយគ្រោះទឹកជនន់ ។ សំណង់អគារច្រកទ្វារអន្តរជាតិស្ទឹងបត់ និងផ្លូវតភ្ជាប់ទៅផ្លូវជាតិលេខ៥ នៅក្នុងខេត្តបន្ទាយមានជ័យ មានចម្ងាយ ៧គីឡូម៉ែត្រ ពីច្រកទ្វារអន្តរជាតិប៉ោយប៉ែត។ សមិទ្ធផល…

ភ្នំពេញ៖ត្រីមាសទី១ ឆ្នាំនេះកម្ពុជា រកចំណូលបានពីការនាំចេញជ័រកៅស៊ូ និងឈើកៅស៊ូចំនួនជាង១០០ ៨៣៧ ៦៨៩ដុល្លារអាមេរិក។ក្នុងនេះចំណូលពីការនាំចេញជ័រកៅស៊ូចំនួន១០០ ៤៨១ ៩៩៥ដុល្លារ និង ចំណូលពីការនាំចេញឈើកៅស៊ូចំនួន៣៥៥ ៦៩៤ដុល្លារ។ យោងតាមរបាយការណ៍ស្តីពីលទ្ធផលការងារនៃអគ្គនាយកដ្ឋានកៅស៊ូប្រចាំ ត្រីមាសទី១ ឆ្នាំ២០២៤ និងទិសដៅ អនុវត្តបន្តបានឳ្យដឹងទៀតថា ដោយឡែកសម្រាប់ចំណូលការនាំចេញជ័រកៅស៊ូ និង ឈើកៅស៊ូប្រចាំខែមីនាកន្លងមកមានចំនួនប១៧ ០៧២ ២៨៦ដុល្លារ។ក្នុងនេះចំណូលពីការនាំចេញជ័រកៅស៊ូចំនួន១៦ ៩២៦ ៣០៥ដុល្លារ និងចំណូលពីការនាំចេញឈើកៅស៊ូចំនួន១៤៥ ៩៨១ដុល្លារ។ បើតាមអគ្គនាយកនៃអគ្គនាយកដ្ឋានកៅស៊ូ ឯកឧត្តម ហ៊ឹម អូន បញ្ជាក់កាលពីពេលកន្លងទៅឳ្យដឹងថា ជ័រកៅស៊ូក្រៅពីការនាំចេញទៅទីផ្សារក្រៅប្រទេស តម្រូវការ ជ័រកៅស៊ូពីរោងចក្រផលិតសំបកកង់យានយន្តនៅក្នុងប្រទេសកម្ពុជាក៏មានចំនួនមួយខ្ពស់ដែរ។សម្រាប់ការថយចុះនៃការនាំចេញទៅក្រៅប្រទេសមួយចំនួននោះក៏ដោយសារតម្រូវការកាន់តែច្រើនក្នុងស្រុក។ចំពោះ ជ័រកៅស៊ូកម្ពុជាភាគច្រើន ត្រូវបានឈ្មួញនាំទៅលក់នៅប្រទេសមួយចំនួនដូចជា វៀតណាម ចិន កូរ៉េ ម៉ាឡេស៊ី សិង្ហបុរី ជប៉ុន និង សហគមន៍អឺរ៉ុប ជាដើម។ សូមជម្រាបថា ផ្ទៃដីកៅស៊ូនៅកម្ពុជាបច្ចុប្បន្នមានចំនួន៤០៧ ១៧២ហិកតា ។ក្នុងនោះ ផ្ទៃដីចៀរជ័រចំនួន៣២០ ១៨៤ហិកតា ស្មើនឹង៧៩ភាគរយ និង ផ្ទៃដីថែទាំចំនួន៨៦ ៩៨៨ហិកតា ស្មើនឹង២១ភាគរយ។…

(ភ្នំពេញ)៖ អ្នកស្រី ស៊ឹម សេរីរ័ត្ន ម្ចាស់សហគ្រាស Home Taste Food ដែលមានទីតាំងនៅខេត្តសៀមរាប បានសាកល្បងនាំចេញត្រីងៀតខ្មែរលើកដំបូងចំនួន ៤.៧តោន ជាផ្លូវការទៅកាន់ទីផ្សារប្រទេសអូស្ត្រាលី តាមរយៈការប្រើប្រាស់និមិត្តសញ្ញាគុណភាព ផលិតផល ជលផលកម្ពុជា ហៅកាត់ថា (CQS)។ នេះបើតាមការឱ្យដឹងពី លោក ជំទាវ អ៊ឹម រចនា អ្នកនាំពាក្យក្រសួងកសិកមុ្ម រុក្ខាប្រមាញ់ និងនេសាទ ។ លោក ជំទាវ អ៊ឹម រចនា នៅថ្ងៃទី ២៥ ខែ មេសា ឆ្នាំ២០២៤នេះ បានឱ្យដឹងទៀតថា ការនាំចេញលើកដំបូងជាលក្ខណៈផ្លូវការនេះមានប្រភេទត្រីកែច្នៃចំនួន ៣ប្រភេទ ក្នុងនេះរួមមាន ៖ ត្រីងៀត ត្រីឆ្អើរ និងត្រីបង្ហើម ធ្វើឡើងដោយដឹកតាមកប៉ាល់ ដែលមានបំពាក់ប្រព័ន្ធត្រជាក់ក្នុងបរិមាណ ៤.៧តោន ដើម្បីយកទៅលក់នៅលើទីផ្សារប្រទេសអូស្ត្រាលី ។ តាមគម្រោងផលិតផលត្រីកែច្នៃទាំង ៣ប្រភេទនេះ នឹងដឹកដល់ប្រទេសអូស្ត្រាលី នៅថ្ងៃទី២៨ ឬ២៩ ខែមេសា ឆ្នាំ២០២៤…

បន្ទាយមានជ័យ៖មុខរបរចិញ្ចឹមគោដូចជាប្រាក់សន្សំ ជួយ បង្កើន ប្រាក់ចំណូលសម្រាប់ជីវភាពគ្រួសារ។ នេះបើតាម ការបញ្ជាក់ របស់ម្ចាស់កសិដ្ឋាន ។ លោក យុទ្ធោ រ៉ី បានចាប់ផ្តើម ចិញ្ចឹមគោតាំងពីឆ្នាំ២០២២ ដោយ មានកសិកដ្ឋានស្ថិត នៅភូមិឃុំគោកកឋិន ស្រុកថ្មពួក ឋិតនៅ ចម្ងាយ ជិត៦០គីឡូម៉ែត្រ ពីទីរួមខេត្តបន្ទាយមានជ័យ ។ អ្នកបានមកដល់ទីនេះតែងចាប់អារម្មណ៍ទៅលើការ ចិញ្ចឹម សត្វគោ របស់ ម្ចាស់កសិដ្ឋាន ជាមួយនឹងការដាំស្មៅពូជ សម្រា ប់ ផ្គត់ផ្គង់ជាចំណីសត្វផងដែរ ។ លោក យុទ្ធោ រ៉ី ម្ចាស់កសិដ្ឋានចិញ្ចឹមគោ បានឱ្យដឹងថា លោក ចិញ្ចឹមគោចាប់ ពីឆ្នាំ២០២២ ដែលជាមុខរបរបន្ថែមពីការងារធ្វើ ស្រែ ចម្ការ។ដំបូងគាត់ចិញ្ចឹមគោមេយកកូនតែ២៥ក្បាល ។មកដល់បច្ចុប្បន្នគោដែលលោកចិញ្ចឹមកើនដល់១៨០ក្បាលទាំង មេពូជនិងគោ ធម្មតា។ពូជគោដែលលោកចិញ្ចឹមគឺទិញត ពីអ្នកចិញ្ចឹមគោនៅមូលដ្ឋាននេះ។ ជាពូជគោ កូនកាត់ប្រាម៉ាន់។ម្ចាស់កសិដ្ឋានចិញ្ចឹមគោបានរៀបរាប់ថាមុនការចិញ្ចឹមគោ លោកបានរៀន ពីអ្នកចិញ្ចឹមមុនៗ និងធ្លាប់បានឆ្លងវគ្គ បណ្ដុះ បណ្ដាល ខ្លី…