(កោះកុង)៖ អណ្តូងទឹកដ៏ធំ ដែលផ្ទុកទឹកជាងមួយម៉ឺនលីត្រ និងជាទឹកស្អាតត្រូវបាន អង្គការសម្ព័ន្ធមិត្តសត្វព្រៃ (Wildlife Alliance) ក្រសួងបរិស្ថាន ក្រោមក្របខណ្ឌគម្រោងរេដបូកតំបន់ជួរភ្នំក្រវាញខាងត្បូងដែលបានកសាងឡើងនៅក្នុងឃុំជីផាត ស្រុកថ្មបាំង ខេត្តកោះកុងកំពុងបានផ្តល់ភាពងាយស្រួលដល់ប្រជាសហគមន៍ប្រើប្រាស់ដោយមិនត្រូវចំណាយថវិការហើយ និងពិសេសមានទឹកស្អាតប្រើប្រាស់ទៀតផង។ ក្រុមប្រជាសហគមន៍អេកូរទេសចរណ៍ជីផាត ដែលធ្លាប់តែជួបបញ្ហាខ្វះទឹកស្អាតប្រើប្រាស់ នារដូវប្រាំងនោះអាចប្រើប្រាស់ទឹកអណ្តូងដ៏ធំនេះដោយពុំមានខ្វះខាតទាំងរដូវប្រាំង ឬរដូវវស្សាសោះឡើយ ។ អណ្ដូងខ្នាតធំ ដើរដោយប្រព័ន្ធសូឡា និងបូមទឹកដោយស្វ័យប្រវត្តិមួយនេះ ត្រូវបានអង្គការសម្ព័ន្ធមិត្តសត្វព្រៃ និងក្រសួងបរិស្ថាន ដាក់សម្ពោធឱ្យប្រើប្រាស់ កាលពីពាក់កណ្តាល ខែមករា ឆ្នាំ២០២៣ ។ លោក អន សុវណ្ណ ប្រធានសហគមន៍អេកូទេសចរណ៍ជីផាត បានឱ្យដឹងនៅថ្ងៃទី១៩ ខែ មិថុនា ឆ្នាំ ២០២៥ថា ៖ ការកសាងអណ្តូងទឹកនេះសម្រាប់ជួយដោះស្រាយដល់ប្រជាពលរដ្ឋដែលជួបកង្វះខាតទឹកស្អាតប្រើប្រាស់ពិសេសនារដូវប្រាំងដែលមានភូមិមួយក្នុងចំណោមភូមិចំនួន៤ក្នុងឃុំ ជីផាត តែងជួបបញ្ហាទឹកប្រើប្រាស់ ដែលកាលនោះបើកាលណាគេជីកអណ្តូងទឹកទៅតែង មានសារជាតិកំបោរ និង ជាតិច្រេះមិនអាចប្រើប្រាស់កើត។ តែអណ្តូងទឹករបស់គម្រោងរេដបូកនេះ ក្រៅពីជួយដល់សុខភាពពួកគាត់ហើយ នៅជួយដល់ការមិនត្រូវចំណាយថ្លៃទឹកប្រើប្រាស់ប្រចាំថ្ងៃថែមទៀត។ តាមរយៈគម្រោងរេដបូកតំបន់ជួរភ្នំក្រវាញខាងត្បូងនេះដែរកន្លងមកក្រៅពីបានជួយអណ្តូងទឹកនេះ នៅបានជួយដល់អាហាររូបករណ៍កូនសិស្សក្រីក្រ ផ្លូវថ្នល់ចំនួន៣ខ្សែ ជួយដល់សាលារៀន មណ្ឌលសុខភាព និង សមិទ្ធផលមួយចំនួនទៀតដែលសុទ្ធសឹងជួយដល់ប្រជាសហគមន៍រហូតមកដល់ពេលនេះ ធ្វើឱ្យហេដ្ឋារចនាសម្ព័ន្ធក្នុងឃុំល្អប្រសើរ…

កោះកុង ៖ ធនាគារ វីង (ខេមបូឌា) ម.ក បានបន្តពង្រីកបណ្តាញប្រតិបត្តិការរបស់ខ្លួននៅទូទាំងប្រទេស ជាមួយនឹងការបើកសម្ពោធសាខាថ្មីមួយបន្ថែមទៀតនៅខេត្តកោះកុង ដោយនាំយកសេវាកម្មធនាគារដែលសាមញ្ញងាយស្រួលប្រើប្រាស់ ឆាប់រហ័ស និងមានសុវត្ថិភាព ដើម្បីបំពេញតម្រូវការទៅដល់សហគមន៍នៅក្នុងតំបន់ភាគនិរតីនៃប្រទេសកម្ពុជា ។ ពិធីសម្ពោធនេះ ត្រូវបានរៀបចំនៅថ្ងៃទី១៦ ខែមិថុនា ប្រព្រឹត្តទៅក្រោមអធិបតីភាពរបស់លោកជំទាវ មិថុនា ភូថង អភិបាល នៃគណៈអភិបាលខេត្តកោះកុង វត្តមានអ្នកឧកញ៉ា គិត ម៉េង ប្រធានក្រុមប្រឹក្សាភិបាល ធនាគារ វីង និងជាអគ្គនាយកក្រុមហ៊ុនរ៉ូយ៉ាល់គ្រុប, ឧកញ៉ា គិត សូឡា អគ្គនាយកប្រតិបត្តិការ នៃក្រុមហ៊ុន រ៉ូយ៉ាល់គ្រុប អន្តរជាតិ ព្រមទាំងមានការអញ្ជើញចូលរួមពីភ្ញៀវកិត្តិយស និងមន្ត្រីអាជ្ញាធរមូលដ្ឋានជាច្រើនរូបទៀត ។ បណ្ឌិត ឌីមីត្រូ កូលេកកូ អគ្គនាយកធនាគារ វីង បានលើកឡើងថា ៖ ក្នុងនាមជាធនាគាររបស់កូនខ្មែរសុទ្ធសាធ យើងខ្ញុំពិតជាមានមោទនភាពក្រៃលែងក្នុងនាមជាគ្រឹះស្ថានហិរញ្ញវត្ថុក្នុងស្រុក ហើយបានប្តេជ្ញាចិត្តចូលរួមលើកកម្ពស់ជីវភាពរបស់សហគមន៍ និងសូមថ្លែងអំណរគុណចំពោះការស្វាគមន៍យ៉ាងកក់ក្តៅពីសំណាក់ប្រជាពលរដ្ឋខេត្តកោះកុង ហើយបានត្រៀមខ្លួនរួចជាស្រេចក្នុងការគាំទ្រកំណើនសេដ្ឋកិច្ចរយៈពេលវែងក្នុងខេត្តនេះ ។ កោះកុង គឺជាខេត្តមួយដែលមានសក្ដានុពលធំធេង សម្បូរទៅដោយធនធានធម្មជាតិ ហើយកំពុងមានការអភិវឌ្ឍហេដ្ឋារចនាសម្ព័ន្ធគួរឱ្យកត់សម្គាល់…

ព្រះសីហនុ ៖ JHL Collection មានមោទកភាពជាខ្លាំងនូវសមិទ្ធផលនៃការពង្រីក និងពាំនាំយីហោរបស់ខ្លួនមកកាន់ឆាកអន្តរជាតិ ជាមួយនឹងការបង្ហាញខ្លួនជាលើកដំបូងរបស់ Arjuna រីសត និងស៉្បា ដែលបានបើកដំណើរការកាលពីពេលថ្មីៗនេះ ។ ការសាងសង់និងរៀបចំរបស់ Arjuna រីសត និងស៉្បា ទទួលបានការបំផុសគំនិតដោយរឿងព្រេងនិទាន Arjuna និងដំណើររាជវង្សសាវតាខ្មែរ ។ Arjuna រីសត និងស៉្បា ជាសណ្ឋាគារផ្កាយប្រាំក្នុងយុគសម័យថ្មីដែលមានភាពប្រណីត ស្រស់បំព្រង និងរំលេចដោយវប្បធម៌ចម្រុះរះនៅលើឆ្នេរសមុទ្រកម្ពុជា ។ ទីតាំងនៅក្នុងរីសត Kampong Dewa ជាគោលដៅប្រណីតរួមបញ្ចូលគ្នាដំបូងគេក្នុងខេត្តព្រះសីហនុដែលលើសពីសណ្ឋាគារធម្មតា Arjuna រីសត និងស៉្បាគឺជាគោលដៅពិសេសមួយសម្រាប់អតិថិជនគ្រប់ៗរូប ។ ភ្ញៀវអាចទទួលបានបទពិសោធន៍សេវាកម្មសណ្ឋារគារផ្កាយប្រាំលំដាប់អន្តរជាតិ ដែលបញ្ចូលទៅនឹងវប្បធម៌ដ៏កក់ក្តៅ និងបេះដូងរបស់ប្រទេសកម្ពុជា អ្នកនាង Rina Mariani អ្នកគ្រប់គ្រងទូទៅនៃ Arjuna រីសត និងស៉្បា បានមានប្រសាសន៍ថា “ការរចនា Arjuna រីសត និងស៉្បា គឺជាការរួមបញ្ចូលគ្នានូវភាពអស្ចារ្យ និងភាពដែលគួរឱ្យស្ញប់ស្ញែងនៃសាវតាររាជវង្សខ្មែរជាមួយនឹងការរចនាដ៏ប្រណីតបែបសហសម័យ ។ គ្រប់ចំនុចលម្អិតទាំងអស់ រាប់ចាប់ពីសិល្បៈនៃក្បាច់រចនា…

KEY VISUAL: TIGER X MANCHESTER UNITED X LEGENDS [ភ្នំពេញ,ប្រទេសកម្ពុជា – ថ្ងៃទី 11 ខែមិថុនា ឆ្នាំ 2025] — ស្រាបៀរថៃហ្គ័រ ដែលជាស្រាបៀរដ៏ពេញនិយមនៅទ្វីបអាស៊ី បាននាំយកនូវព្រឹត្តិការណ៍ Tiger Street Football ដ៏ល្បីល្បាញកាលពីប៉ុន្មានឆ្នាំកន្លងទៅ ដោយត្រលប់មកវិញ ជាមួយនូវបទពិសោធន៍ថ្មី និងអស្ចារ្យជាងមុនសម្រាប់អ្នកគាំទ្រដែលតែងតែទន្ទឹងរង់ចាំកន្លងមក។ ការវិលត្រលប់មកវិញលើកនេះ នឹងមានការចូលរួមពីកីឡាករបាល់ទាត់លំដាប់ថ្នាក់ពិភពលោក លោក Dimitar Berbatov ដែលគេស្គាល់ថា ជាអតីតកីឡាករដ៏ល្បីល្បាញ មិនខ្លាចញញើតនៅលើទីលានប្រកួត ប្រចាំក្លិបមែនឆេស្ទ័រ នឹងធ្វើដំណើរមកប្រទេសកម្ពុជា ដើម្បីលើកទឹកចិត្តកីឡាករកម្ពុជាជំនាន់ថ្មីដែលពោរពេញដោយភាពក្លាហាននៅក្នុងព្រឹត្តិការណ៌ Tiger Street Football ប្រចាំឆ្នាំ 2025។ អំពីព្រឹត្តិការណ៌ Tiger Street Football ឆ្នាំ 2025៖ លើសពីការប្រកួតបាល់ទាត់ធម្មតា ព្រឹត្តិការណ៌ Tiger Street Football គឺជាវេទិកាមួយដែលផ្តល់ឱកាសដល់កីឡាករជំនាន់ថ្មី ដែលពោរពេញដោយទេពកោសល្យ…

(ភ្នំពេញ)៖ ក្រុមការងារជំរុញការវិនិយោគក្នុងខេត្តព្រះសីហនុ និង រដ្ឋបាល​ខេត្ត​ព្រះសីហនុ កាពីព្រឹកថ្ងៃទី ៦ ខែ មិថុនា ឆ្នាំ ២០២៥ នៅទីក្រុងហ័ងសាន ខេត្ត​អានហួយ ប្រទេសចិន បានសហការរៀបចំ «វេទិកាជំរុញការវិនិយោគ​ក្នុងខេត្ត​ព្រះសីហនុ» ដើម្បីផ្សព្វផ្សាយអំពីកម្មវិធីពិសេសជំរុញការ​វិនិយោគក្នុងខេត្ត​ព្រះសីហនុ និង ទាក់ទាញការចាប់អារម្មណ៍របស់វិនិយោគិនចិន មកវិនិយោគ​នៅខេត្តព្រះសីហនុ លើវិស័យ ឧស្សាហកម្ម ពាណិជ្ជកម្ម ទេសចរណ៍ អចលនទ្រព្យ ការដឹកជញ្ជូន និង វិស័យមួយចំនួនទៀតដែលមានសក្តានុពល ។ ក្រោមការដឹកនាំ​របស់ឯកឧត្តមបណ្ឌិតសភាចារ្យ ហ៊ាន សាហ៊ីប ទីប្រឹក្សាសម្តេចធិបតីនាយករដ្ឋមន្រ្តី និង ជាប្រធានក្រុមការងារជំរុញការវិនិយោគក្នុងខេត្តព្រះសីហនុ, ក្រុមការងារបន្ត​ផ្តល់អាទិភាពក្នុងការទាក់ទាញការវិនិយោគ ទាំងក្នុងស្រុក និង ក្រៅស្រុក រួមជាមួយ​នឹងការផ្តល់ការលើកទឹកចិត្តពិសេស, ការសម្រួលនីតិវិធី និង ការសម្របសម្រួល​ដោះស្រាយសំណូមពររបស់វិស័យឯកជន ។ វេទិកានេះ បានប្រព្រឹត្តិទៅក្រោមការដឹកនាំរបស់ ឯកឧត្តម ម៉ាង ស៊ីណេត អភិបាល នៃគណៈអភិបាលខេត្តព្រះសីហនុ, ឯកឧត្តម អ៊ឹម សុខធី ប្រធានលេខា​ធិការដ្ឋាន​ក្រុមការងារជំរុញការវិនិយោគក្នុងខេត្តព្រះសីហនុ និង…

ភ្នំពេញ ៖ ក្រុមហ៊ុនតូតាល់អេនើជី ម៉ាឃីធីង ខេមបូឌា ដែលជាក្រុមហ៊ុនផ្គត់ផ្គង់ថាមពល ទូទាំងពិភពលោក បានចាប់ដៃសហការលើភាពជាដៃគូយុទ្ធសាស្រ្តជាមួយធនាគារ វីង ដែលជាធនាគារឌីជីថលរីកចម្រើនយ៉ាងឆាប់រហ័សមួយនៅក្នុងប្រទេសកម្ពុជា ដើម្បីផ្តល់ជូននូវដំណោះស្រាយហិរញ្ញវត្ថុដែលនឹងជួយជំរុញកំណើនអាជីវកម្មដៃគូចែកចាយរបស់ក្រុមហ៊ុនតូតាល់អេនើជី នៅទូទាំងប្រទេសកម្ពុជា ។ តាមរយៈកិច្ចសហការនេះ ធនាគារ វីង នឹងផ្តល់ជូននូវដំណោះស្រាយហិរញ្ញវត្ថុ ក៏ដូចជាឥណទានតបតាមតម្រូវការជាក់ស្តែងដើម្បីគាំទ្រនូវកំណើនអាជីវកម្ម និងការពង្រីកដៃគូចែកចាយរបស់ក្រុមហ៊ុនតូតាល់អេនើជី នៅទូទាំងប្រទេសកម្ពុជា ដោយអនុញ្ញាតឱ្យដៃគូចែកចាយទាំងនោះទទួលបានសេវាហិរញ្ញវត្ថុងាយស្រួលប្រើប្រាស់ប្រកបដោយទំនុកចិត្តដើម្បីបង្កើនប្រតិបត្តិការអាជីវកម្មឱ្យរីកចម្រើនជាងមុន។ លោកស្រី Dinah Jogia Kumar អគ្គនាយិកា ក្រុមហ៊ុនតូតាល់អេនើជី បានលើកឡើងថា៖ “ដៃគូចែកចាយរបស់យើង គឺជាឆ្អឹងខ្នងក្នុងការជំរុញកំណើនប្រតិបត្តិការអាជីវកម្មរបស់យើងឱ្យរីកលូតលាស់ជាលំដាប់។ ហើយកិច្ចសហការជាមួយធនាគារ វីង នាពេលនេះ គឺដើម្បីធានាថាពួកគាត់មានមធ្យោបាយដ៏ល្អបន្ថែមទៀតដើម្បីឆ្ពោះទៅមុខជាមួយភាពរីកចម្រើន។ តាមរយៈការផ្តល់ដំណោះស្រាយហិរញ្ញវត្ថុដែលមានភាពបត់បែន យើងមិនគ្រាន់តែអាចពង្រីកទីតាំងស្ថានីយច្រើនជាងមុនប៉ុណ្ណោះទេ តែក៏នឹងនាំមកនូវភាពរីកចម្រើន និងវឌ្ឍនភាពនៅទូទាំងប្រទេសកម្ពុជាទៀតផង។” ក្នុងរយៈពេលប្រាំឆ្នាំកន្លងមកនេះ ក្រុមហ៊ុនតូតាល់អេនើជី បានពង្រីកបណ្តាញស្ថានីយសេវាកម្មរបស់ខ្លួនពី ១០០ទីតាំង កើនដល់ជាង ១៤០ទីតាំង ដែលនេះបង្ហាញពីការប្តេជ្ញាចិត្តដ៏មុតមាំក្នុងការជំរុញកំណើនអាជីវកម្មរបស់ខ្លួននៅទូទាំងប្រទេសកម្ពុជា។ ដើម្បីឆ្លើយតបទៅនឹងកំណើនតម្រូវការដៃគូចែកចាយ ជាមួយនឹងដំណោះស្រាយហិរញ្ញវត្ថុងាយស្រួលប្រើប្រាស់ ភាពជាដៃគូនេះនឹងជួយឱ្យដៃគូចែកចាយរបស់ក្រុមហ៊ុនតូតាល់អេនើជី ទទួលបាននូវលទ្ធភាពក្នុងការវិនិយោគលើហេដ្ឋារចនាសម្ព័ន្ធចាំបាច់នានា ពង្រីកប្រតិបត្តិការ ព្រមទាំងលើកម្ពស់សេវាកម្មឱ្យកាន់តែប្រសើរ។ បណ្ឌិត ឌីមីត្រូ កូលេកកូ អគ្គនាយកធនាគារ…