ភ្នំពេញ ថ្ងៃទី២៥ ខែឧសភា ឆ្នាំ ២០២៦ – ក្រុមហ៊ុន ខ្វនធឹម អេនដូហ្វីន ឌីជីថល ឯ.ក (Quantum Endorphine Digital – QED)​ គឺជាក្រុមហ៊ុនផ្ដល់សេវាកម្មទំនាក់ទំនងសាធារណៈ និងឌីជីថលឈានមុខគេមួយនៅកម្ពុជា បានសហការជាមួយ PROFITENCE ដែលជាក្រុមហ៊ុនហិរញ្ញវត្ថុសាជីវកម្ម មានមូលដ្ឋាននៅប្រទេសកម្ពុជា ដើម្បីផ្តល់វគ្គបណ្តុះបណ្តាលសមត្ថភាពក្រោមប្រធានបទ «ការពង្រីកអាជីវកម្មតាមថ្នាលឌីជីថល»  ដែលជាផ្នែកមួយនៃ កម្មវិធីបរិវត្តកម្មឌីជីថលសហគ្រាស អនុវត្តដោយមជ្ឈមណ្ឌលបណ្តុះធុរកិច្ចថ្មី «តេជោ» ក្រោមក្រសួងសេដ្ឋកិច្ច និងហិរញ្ញវត្ថុ។ គំនិតផ្តួចផ្តើមនេះ មានគោលបំណងពង្រឹកចំណេះដឹងលើការធ្វើទីផ្សារតាមថ្នាលឌីជីថលរបស់សហគ្រាសធុនតូច និងមធ្យមនៅកម្ពុជា​ ដោយជួយគាំទ្រដល់ការចូលរួមរបស់ពួកគាត់ទៅក្នុងសេដ្ឋកិច្ចឌីជីថល។ សិក្ខាសាលានេះ មានការចូលរួមពីសហគ្រាសដែលបានចុះបញ្ជី និងសហគ្រាសធុនតូច និងមធ្យមប្រមាណ ២១០ មកពីទូទាំងប្រទេសកម្ពុជា ដែលបានរួមចំណែកដល់កិច្ចខិតខំប្រឹងប្រែងថ្នាក់ជាតិដើម្បីពន្លឿនការធ្វើឌីជីថលនីយកម្មរបស់សហគ្រាស។ ជាផ្នែកមួយនៃវគ្គបណ្តុះបណ្តាលនេះ ក្រុមហ៊ុន QED នឹងធ្វើការបទបង្ហាញមួយលើផ្នែក ការធ្វើទីផ្សារឌីជីថលសម្រាប់ពាណិជ្ជកម្មតាមប្រព័ន្ធអេឡិចត្រូនិក ដោយចែករំលែកចំណេះដឹង និងការអនុវត្តជាក់ស្តែង ដើម្បីជួយសហគ្រាសធុនតូច និងមធ្យមបង្កើតវត្ដមានកាន់លេចធ្លោនៅលើថ្នាលឌីជីថល និងធ្វើឱ្យការធ្វើទីផ្សារឌីជីថលរបស់ពួកគាត់កាន់តែល្អប្រសើរជាងមុនបន្ថែមទៀត។ វគ្គបណ្តុះបណ្តាលនេះ នឹងប្រព្រឹត្តទៅចាប់ពីម៉ោង ៨:៣០ ព្រឹក…

ភ្នំពេញ៖ “ពិព័រណ៍ពាណិជ្ជកម្មកម្ពុជា”លើកទី១៨ ឆ្នាំ២០២៥ ក្រោមមូលបទ “យុគសម័យថ្មីនៃពាណិជ្ជកម្ម៖ បង្កើនកិត្យានុភាព​ផលិតផលក្នុងស្រុក”បានបើកសម្ពោធកាលពីព្រឹកថ្ងៃទី៤ ខែធ្នូ ឆ្នាំ២០២៥​ ក្រោមអធិបតី​ភាពឯកឧត្តម ស៊ុន ចាន់ថុល ឧបនាយក​រដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា តំណាងដ៏ខ្ពង់ខ្ពស់សម្តេចមហាបវរ​ធិបតី ហ៊ុន ម៉ាណែត នាយក​រដ្ឋមន្ត្រីនៃ​ព្រះរាជាណាចក្រកម្ពុជា។ “ពិព័រណ៍ពាណិជ្ជកម្មប្រចាំឆ្នាំដែលមានរយៈពេលបួនថ្ងៃចាប់ពីថ្ងៃទី៤ ខែធ្នូដល់ថ្ងៃទី៧ ខែធ្នូ រៀបចំឡើងនៅសាលសន្និបាត ភីអេច ហ្គ្រេនហល បុរីប៉េងហួត បឹងស្នោ រាជធានីភ្នំពេញ។នាពេលសម្ពោធមានការអញ្ជើញចូលរួមពីមន្រ្តតំណាង ក្រសួង ស្ថាប័ន អង្គទូតប្រចាំនៅព្រះរាជាណាចក្រកម្ពុជា ដៃគូអភិវឌ្ឍន៍ និងវិស័យឯកជន ព្រមទាំងភ្ញៀវជាតិ និងអន្តរជាតិ យ៉ាងច្រើនកុះករ។ ក្នុងព្រឹត្តិការណ៍នេះមានស្តង់តាំងបង្ហាញចំនួន ២៥០ស្តង់ក្នុងនោះ ៦០ភាគរយ គឺជាផលិតផលខ្មែរ និងបន្ថែមដោយស្តង់ផលិត​ផលពីប្រទេសមួយចំនួន។ លោកជំទាវ ចម និម្មល រដ្ឋមន្រ្តីក្រសួងពាណិជ្ជកម្ម បានមានប្រសាសន៍ថា «ពិព័រណ៍ពាណិជ្ជកម្មកម្ពុជា» ឆ្នាំ២០២៥ រៀបចំឡើង​ស្រប​ជាមួយនឹងការគាំទ្រផលិតផលខ្មែរពីសំណាក់ប្រជាពលរដ្ឋខ្មែរ ។ពិព័រណ៍នេះមានតាំងបង្ហាញផលិតផលជាច្រើនរួមមាន ផលិតផលដែលមានគុណភាពខ្ពស់របស់ខ្មែរ និងផលិតផលសម្រាប់ការនាំចេញរបស់កម្ពុជា ផលិតផលកម្មន្តសាល ផលិតផល​សិប្បកម្ម ផលិតផលកសិកម្ម និងសេវាកម្ម។…

ភ្នំពេញ៖ ខេត្តហ៊្វូជៀននៃសាធារណរដ្ឋប្រជាមានិត​ចិន និងរាជធានីភ្នំពេញ ដែលបានចងសម្ព័ន្ធមេត្រីភាព​ជាមួយគ្នាកាលពីឆ្នាំ​២០២១ ភាគីចិននឹងបង្កើតការិយាល័យពា​ណិជ្ជ​កម្ម​នៅរាជធានីភ្នំពេញ ដើម្បីជំរុញទំហំនៃការ​វិនិយោគឱ្យកាន់តែមានកម្រិត​ធំជាងមុនបន្ថែមទៀត បើ​ទោះបីខេត្តហ៊្វូជៀនបានវិនិយោគច្រើនរួចមកហើយក៏ដោយ​។ អាន៖ផែនការបង្កើតការិយាល័យពា​ណិជ្ជ​កម្ម​នៅរាជធានីភ្នំពេញនេះជាការបង្ហាញឱ្យដឹងក្នុងជំនួបសម្ដែងការគួរសមនៅ​សាលារាជធានីភ្នំពេញកាលពីរសៀលថ្ងៃទី២ ខែធ្នូ ឆ្នាំ​២០២៥ រវាងឯកឧត្តម ឃួង ស្រេង អ​អភិបាលរាជធានីភ្នំពេញ និង ឯកឧត្តម ហ្វាង ឈុន (Huang Chun)ប្រធានគណៈកម្មាធិការ​អចិន្ត្រៃ​យ៍​ជនជាតិចិន នៅបរទេសកិច្ចការបរទេស ជនជាតិភាគ​តិច និងសាសនានៃសភាប្រជាជនខេត្តហ៊្វូជៀន ។ ឯកឧត្តម ឃួង ស្រេង បានលើកឡើងពីភូមិសាស្ត្រ​របស់​រាជ​ធានីភ្នំពេញ ដែលត្រូវបានពង្រីកជាច្រើនដង ។ រាជធានីភ្នំពេញ មានរោងចក្រវាយនភណ្ឌជាច្រើន មាន​កម្មករ កម្មការិនី បម្រើនៅក្នុងរោងចក្រប្រមាណ ៦០​ម៉ឺន​នាក់។ នៅថ្ងៃអនាគត រាជធានី​ភ្នំពេញនឹងងាយ​ស្រួល​ក្នុងការដឹកជញ្ជូនទំនិញចេញ-ចូល ដោយកម្ពុជា បានកំពុងជីកព្រែកហ្វូណនតេជោ ដែលទំនិញទាំងនោះ​យើងនឹងត្រូវដឹកជញ្ជូនតាមផ្លូវទឹកនេះនាពេលខាងមុខ។ ដូច្នេះឯកឧត្ដម ស្នើសុំឱ្យខេត្តហ្វ៊ូជៀន បន្តការវិនិយោគនៅ​រាជធានី​ភ្នំពេញឱ្យកាន់តែច្រើនបន្ថែមទៀត ។ ចំណែកខេត្តហ្វ៊ូជៀនឯណោះវិញ គឺជាខេត្តមួយនៅ​ជា​ប់​នឹងមាត់សមុទ្រវែងជាងគេមានផ្ទៃដីទំហំ ១២.៤​គីឡូ​ម៉ែត្រការ៉េ មាន​ទីក្រុងចំនួន៩ មានប្រជាពលរដ្ឋចំនួន ៤២​លាននាក់ ។ សម្រាប់ GDP ខេត្ត…

(ភ្នំពេញ)៖ ក្រសួងឧស្សាហកម្ម បានកំណត់ផលិតផល​អាទិ​ភាពក្នុងអនុវិស័យចំនួន៧ ដែលផ្តល់ឱកាសទីផ្សារ​ភ្លាមៗ និងភាពពាក់ព័ន្ធជាយុទ្ធសាស្រ្តសម្រាប់ការ​ពង្រឹ​ង​ខ្សែច្រវាក់តម្លៃក្នុងស្រុក និងឧស្សាហកម្មប្រតិគមន៍ របស់​កម្ពុជា ដែលរួមមានអនុវិស័យវាយនភ័ណ្ឌ, អាហារ និងភេសជ្ជៈ, កៅស៊ូ និងផ្លាស្ទិក, កម្មន្តសាលគីមី និង​ផលិត​ផលប្រើប្រាស់ប្រចាំថ្ងៃ, កម្មន្តសាលគ្រឿងបង្គំ​យាន​យន្ត និងអេឡិចត្រូនិច, ការវេចខ្ចប់ និងផ្លាក​សញ្ញា​, និងគ្រឿងសង្ហារឹម។ ប្រសាសន៍ ឯកឧត្តម ហែម វណ្ណឌី រដ្ឋមន្រ្តីក្រសួង​ឧស្សា​ហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ក្នុងរៀប​ចំ​វេទិកាបង្ហាញសក្តានុពលអាជីវកម្ម និងឧស្សាហកម្មគាំ​ទ្រ​លើកទី១ ដោយផ្តោតលើសារៈសំខាន់​នៃការ​កសាង​ខ្សែច្រវាក់ផលិតកម្មក្នុងស្រុកឱ្យកាន់តែរឹងមាំ និងលើក​កម្ពស់​សមត្ថភាពសហគ្រាសធុនតូច និងមធ្យមក្នុង​ស្រុក​​ឱ្យក្លាយជាកម្លាំងជំរុញបរិវត្តកម្មឧស្សាហកម្ម។វេទិកានេះបានប្រមូលផ្តុំអ្នកវិនិយោគសក្តានុពល មក​ពីសមាគមឧកញ៉ាកម្ពុជា អ្នកដឹកនាំឧស្សាហកម្ម ក្រុម​ហ៊ុន​ពហុជាតិ សហគ្រាសផលិតក្នុងស្រុកដែល​មាន​សក្តា​នុពល ដៃគូអភិវឌ្ឍន៍ និងអ្នករៀបចំគោលនយោ​បាយ​ប្រមាណ ២៥០នាក់។ ឯកឧត្តមរដ្ឋមន្ត្រី បានបន្ថែមថា៖ “កម្ពុជានៅមាន​សក្តា​នុ​ពល​ច្រើន ប៉ុន្តែប្រព័ន្ធអេកូឡូស៊ីយើង​មិនទាន់ជា​ខ្សែច្រ​វាក់​ដែលប្រទាក់ក្រឡាគ្នាពេញលេញ និងកង់ច្រវាក់ខ្លះ​ពុំទាន់មានការអភិវឌ្ឍជ្រោមជ្រែងឱ្យបានរឹងមាំ។ កង្វះ​ទិន្ន​ន័យ ព័ត៌មាន និងការយល់ដឹងអំពីសក្តានុពល​រវាង​គ្នា ធ្វើឱ្យយើងខកខានមិនទាន់បានប្រែក្លាយឱកាស និង​សក្តានុពល ទៅជាផលប្រយោជន៍ជាក់ស្តែង។” ឯកឧត្តមរដ្ឋមន្ត្រី ហែម វណ្ណឌី បានលើកឡើងថា ៖…

(ភ្នំពេញ)៖ កម្ពុជា និង អ៊ីស្រាអែល បានគូសបញ្ជាក់ពី​ទំនាក់​ទំនង​ដ៏ល្អរវាងរដ្ឋាភិបាល នៃប្រទេសទាំងពីរ និង​ពិភាក្សាអំពីការបង្កើនកិច្ចសហប្រតិបត្តិការលើវិស័យការងារ ជាពិសេស ការផ្លាស់ប្ដូរកម្លាំងពលកម្ម​ឱ្យកាន់​តែ​ល្អ​ប្រសើរ និងស៊ីជម្រៅបន្ថែមទៀត ក្នុងគោលបំណងអភិ​វឌ្ឍ​ធនធានមនុស្ស និងលើកកម្ពស់វិស័យការងារដែល​ជា​ប្រយោជន៍សម្រាប់ប្រជាពលរដ្ឋនៃប្រទេសទាំងពីរ ព្រមទាំងបំពេញតម្រូវការសកម្មភាពសេដ្ឋកិច្ចទៅវិញទៅមក។ ការគូសបញ្ជាក់ពីកិច្ចសហប្រតិបត្តិការនេះ ធ្វើឡើង​កាល​​ពីរសៀលថ្ងៃទី២៥ ខែវិច្ឆិកា ឆ្នាំ២០២៥ ខណៈ ឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះ​បណ្តាលវិជ្ជាជីវៈ បានទទួលជួបពិភាក្សាការងារជាមួយ លោកជំទាវបណ្ឌិត Alona Fisher-Kamm ឯកអគ្គ​រដ្ឋ​ទូតវិសាមញ្ញ និងពេញសមត្ថភាពនៃរដ្ឋអ៊ីស្រាអែល ប្រចាំ​ព្រះ​រាជាណាចក្រកម្ពុជា នៅទីស្តីការក្រសួង​ការ​ងារ ។ ឯកឧត្ដមរដ្ឋមន្ត្រី ហេង សួរ បានសម្ដែងនូវការស្វាគមន៍ និង​​អបអរសាទរ លោកជំទាវ ដែលត្រូវបានតែងតាំង​ជា​ ឯកអគ្គរដ្ឋទូតថ្មី ប្រចាំកម្ពុជា។ ឯកឧត្ដមរដ្ឋមន្រ្តី បាន​បង្ហាញ​នូវជំនឿជឿជាក់ថា​នៅក្នុង​អាណត្តិបេសកកម្ម​ការ​ទូតរបស់លោកជំទាវ សម្រាប់​ទំនាក់ទំនងនិងកិច្ច​សហប្រតិបត្តិការរវាងប្រទេសទាំងពីរ ក្នុងវិស័យការងារ សន្ដិសុខសង្គម និងបណ្ដុះបណ្ដាល​វិជ្ជាជីវៈ នឹងត្រូវបាន​លើក​កម្ពស់ឱ្យកាន់តែប្រសើរ​ឡើង​ថែមទៀត។ ជាការឆ្លើយតប លោកជំទាវបណ្ឌិតឯកអគ្គរដ្ឋទូត បាន​សម្តែងនូវក្តីរីករាយដែលទទួលបានការចាត់តាំងឱ្យបំពេញបេសកកម្មការទូត ប្រចាំព្រះរាជាណាចក្រកម្ពុជា និង​បាន​វាយតម្លៃខ្ពស់ចំពោះទំនាក់ទំនងរវាង អ៊ីស្រាអែល-កម្ពុជា ព្រមទាំងបានប្ដេជ្ញាចិត្តក្នុងការពង្រឹងទំនាក់ទំនង…

(ភ្នំពេញ)៖ ក្រសួងការងារ និងបណ្តុះបណ្តាលវិជ្ជាជីវៈ និង ស្រុកហុងឆុន នៃសាធារណរដ្ឋកូរ៉េ ចុះអនុស្ស​រណៈ​នៃការយោគយល់គ្នា ដើម្បីផ្តល់ឱកាសការងារជូនពល​រដ្ឋ​កម្ពុជា​ដែលមានបំណងទៅធ្វើការជាពលកររដូវកាល​នៅកូរ៉េ ។ ពិធីចុះហត្ថលេខានេះ ធ្វើឡើរវាង ឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាល​វិជ្ជា​ជីវៈ និងលោក ស៊ីន យ៉ុងជេ អភិបាលស្រុកហុងឆុន ខេត្តកាំងវ៉ុនដូ នៃសាធារណរដ្ឋកូរ៉េ កាលពីថ្ងៃទី២៥ ខែវិច្ឆិកា ឆ្នាំ២០២៥ នៅទីស្តីការក្រសួងការងារ និង​បណ្តុះបណ្តាលវិជ្ជាជីវៈ។ ឯកឧត្តម ហេង សួរ បានថ្លែងអំណរគុណដល់កូរ៉េ​ចំពោះ​ការ​ទទួល​យកពលករពីកម្ពុជា និងស្នើឱ្យរដ្ឋ​បាល​ស្រុកហុងឆុនទទួលយកពលករកម្ពុជាឱ្យបានច្រើននាពេលខាងមុខ។ ហើយកម្ពុជា នឹងបន្តកិច្ចសហប្រតិបត្តិ​ការល្អ លើការជ្រើសរើសពលករប្រកបដោយគុណភាព ស្របតាមតម្រូវការរបស់ស្រុកហុងឆុន។ លោក ស៊ីន យ៉ុងជេ បានគូសបញ្ជាក់ជូនថា ស្រុកហុង​ឆុន មានតម្រូវការកម្លាំងពលកម្មដែលជាពលករ​រដូវ​កាល​បរទេសជាង ១ ៥០០នាក់ ជារៀងរាល់ឆ្នាំ និង​បានថ្លែងអំណរគុណចំពោះ ឯកឧត្តមរដ្ឋមន្ត្រី សម្រាប់​កិច្ច​សហការប្រកបដោយទំនុកចិត្តរបស់ក្រសួង។ សូមបញ្ជាក់ថា រាល់ការបញ្ជូនពលករកម្ពុជាតាម​កម្មវិធី​ពលកររដូវកាលបរទេសទៅធ្វើការនៅសាធារណរដ្ឋកូរ៉េ គឺត្រូវឆ្លងកាត់ក្រសួងការងារ និងបណ្តុះបណ្តាលវិជ្ជាជីវៈ​តែ​មួយគត់ ដើម្បីធានានូវការទៅធ្វើការដោយស្របច្បាប់ និងទទួលបានការគាំពារសិទ្ធិរបស់ពលករ៕ ដោយ…

(ភ្នំពេញ)៖ គម្រោងចំនួន ១៩ ដែលមានទុនវិនិយោគ​ប៉ាន់ស្មានសរុប ២៧៦ លានដុល្លារអាមេរិក និង អាច​បង្កើតការងារប្រមាណ ១ ៨៤៥ កន្លែង ក្នុងនោះ គម្រោ​ងពាក់ព័ន្ធនឹងអគារកំពុងជាប់គាំង ចំនួន ៧ និង គម្រោងថ្មី ចំនួន ១២ ត្រូវបានសម្រេចជាគោលការណ៍​ផ្តល់ការលើកទឹកចិត្តពិសេសពីក្រុមការងារជំរុញការវិនិយោគក្នុងខេត្តព្រះសីហនុ ។ គម្រោងទំាងនេះ រួមមាន​គម្រោងសណ្ឋាគារ, អគារពហុមុខងារ, រោងចក្រផលិត​ឧបករណ៍ជួសជុលរថយន្ត, សិប្បកម្មផលិតក្តារបន្ទះ, រោងច្រកផលិតគ្រឿងសង្ហារឹម, រោងចក្រផលិតដំណាប់​ផ្លែ​ឈើ និង កែច្នៃគ្រាប់ធញ្ញជាតិ, និង គម្រោងរោងចក្រ​ផលិតទឹកស្អាត និង ផ្គត់ផ្គង់អគ្គិសនី ។ នេះបើយោងតាមលទ្ធផល នៃកិច្ចប្រជុំនាព្រឹកថ្ងៃទី ២៤ ខែ វិច្ឆិកា ឆ្នាំ ២០២៥ នៅទីស្តីការក្រសួងសេដ្ឋកិច្ច និង ហិរញ្ញវត្ថុ ដឹកនាំដោយ ឯកឧត្តមបណ្ឌិតសភាចារ្យ ហ៊ាន សាហ៊ីប ទីប្រឹក្សា សម្តេចធិបតីនាយករដ្ឋមន្រ្តី និង ជាប្រ​ធានក្រុមការងារជំរុញការវិនិយោគក្នុងខេត្តព្រះសីហនុ បានដឹកនាំកិច្ចប្រជុំក្រុមការងារ ដើម្បីពិនិត្យលើការស្នើ​ការ​លើកទឹកចិត្ត…

(ភ្នំពេញ)៖ ក្រុមហ៊ុនធានារ៉ាប់រងអាយុជីវិត និងសុខភាព AIA Cambodia និងធនាគារ ខេប៊ីប្រាសាក់ ម.ក បាន​ប្រកាសអំពីភាពជាដៃគូអាជីវកម្មប៊េងកាសួរេន រយៈ​ពេល ១០ឆ្នាំ ដែលជាការចាប់ផ្តើមនៃដំណើររួមគ្នាមួយ ដើម្បីពង្រឹងប្រព័ន្ធអេកូឡូស៊ីហិរញ្ញវត្ថុរបស់ប្រទេសកម្ពុជា និងលើកកម្ពស់ដល់រាប់លានគ្រួសារកម្ពុជា ឱ្យរៀបចំ​ផែនការអនាគតប្រកបដោយទំនុកចិត្ត។ ពិធីបើកសម្ពោធជាផ្លូវការ ភាពជាដៃគូ នៃស្ថាប័ន​ហិរញ្ញ​វត្ថុទាំង២នេះ បានធ្វើឡើងនាថ្ងៃទី២៤ ខែវិច្ឆិកា ឆ្នាំ២០២៥ នៅសណ្ឋាគារ Sangri-La ដែលអញ្ជើញ​ចូលរួមជាកិត្តិយសពីតំណាងនិយ័តករធានារ៉ាប់រងកម្ពុជា សមាគមធានារ៉ាប់រងកម្ពុជា និងថ្នាក់គ្រប់គ្រងជាន់​ខ្ពស់​មកពី AIA Group, AIA Cambodia និងធនាគារ ខេប៊ីប្រាសាក់។ តាមរយៈកិច្ចសហការនេះ អតិថិជនធនាគារ ខេប៊ីប្រា​សា​ក់ នឹងរីករាយជាមួយបទពិសោធន៍ហិរញ្ញវត្ថុពេញ​លេញកាន់តែសម្បូរបែប ដែលរួមបញ្ចូលគ្នានូវសេវាធនា​គារ​ដែលគួរឱ្យទុកចិត្តរបស់ធនាគារ ខេប៊ីប្រាសាក់ ជា មួយនឹងដំណោះស្រាយធានារ៉ាប់រងអាយុជីវិត និង​សុខភាព​ដែលឈានមុខគេយ៉ាងទូលំទូលាយរបស់ AIA Cambodia ដែលអតិថិជនរបស់ធនាគារ អាចពង្រឹង​ផែនការហិរញ្ញវត្ថុ និងការពារគ្រួសាររបស់ពួក​គេពី​ហេតុ​ការណ៍អកុសលណាមួយដែលមើលមិនឃើញ និងធា​នា​នូវភាពងាយស្រួលក្នុងការទទួលយក និងប្រើប្រាស់​សេវាធានារ៉ាប់រងសម្រាប់ប្រជាជនកម្ពុជា ។ នៅក្នុងពិធីនោះ លោកស្រី តាន់ លីនណា អគ្គ​នា​យិ​កា​រង នៃនិយ័តករធានារ៉ាប់រងកម្ពុជា…

(បន្ទាយមានជ័យ)៖ ពិព័រណ៍ការងារ សន្តិសុខសង្គម និង​បណ្តុះបណ្តាលវិជ្ជាជីវៈ សម្រាប់បងប្អូនអតីតពលករ​មកពីប្រទេសថៃ នៅស្រុកព្រះនេត្រព្រះ ខេត្តបន្ទាយ​មាន​ជ័យ នាំមកនូវឱកាសការងាររាប់ពាន់កន្លែង។ នៅ​ក្នុង​ពិព័រណ៍ដ៏សំខាន់នេះ មានសហគ្រាស ក្រុមហ៊ុន រោងចក្រចំនួន ១៨ បានចូលរួមសម្ភាស និងជ្រើស​រើស​បុគ្គលិកភ្លាមៗដោយផ្ទាល់ និងមានតម្រូវការកម្លាំងពល​កម្ម​ប្រមាណ ៦ពាន់នាក់។ ជាមួយគ្នានេះ បងប្អូនអតីត​ពលករ និងអ្នកចូលរួមទាំងអស់ បានទទួលការដឹក​ជញ្ជូន អាហារ ភេសជ្ជៈ និងកាហ្វេ និង​ការកាត់សក់ពី​អ្នក​ជំនាញដោយឥតគិតថ្លៃ ផងដែរ ។ ក្នុងពិធីដែលបានរៀបចំឡើង កាលពីរសៀលថ្ងៃទី២៣ ខែវិច្ឆិកា ឆ្នាំ២០២៥ នៅសាលាស្រុកព្រះនេត្រព្រះ ខេត្ត​​បន្ទាយមានជ័យ ឯកឧត្ដម ហេង សួរ រដ្ឋមន្ត្រី​ក្រ​សួង​ការងារ និង​បណ្ដុះ​បណ្ដាល​វិជ្ជាជីវៈ បានថ្លែងថា ការរៀបចំពិព័រណ៍ការងារនៅថ្ងៃនេះ គឺបាននាំយក​សហ​គ្រាស ក្រុមហ៊ុន រោងចក្រ មកដល់មូលដ្ឋានរបស់បង​ប្អូន​អតីតពលករ ក៏ដូចជាប្រជាពលរដ្ឋរស់នៅក្នុង​ស្រុក​ព្រះនេត្រព្រះ ដើម្បីកុំឱ្យបងប្អូនពិបាក បើទោះបីជា​សម្ភាស​ការងារជាប់ ឬមិនជាប់ ក៏បងប្អូនមិនចាំបាច់​ចំណាយថ្លៃធ្វើដំណើរទៅរាជធានីភ្នំពេញ ឬក៏ទៅ​ខេត្ត​ផ្សេងៗនោះឡើយ។ ឯកឧត្ដមរដ្ឋមន្ត្រី លើកឡើងថា ការទៅធ្វើការងារនៅ​ក្រៅ​ប្រទេស មិនមែនជារឿងអាក្រក់នោះទេ តែបងប្អូន​ក៏​ត្រូវ​ជ្រើសរើសដែរ…