ភ្នំពេញ៖ តារាចម្រៀងជួរមុខដែលជ្រកក្រោមដំបូលផលិតកម្មសាន់ដេ កញ្ញា សុខ ពិសី បានថ្លែងថា ក្នុងឆ្នាំ២០២៤នេះរូបនាងហាក់ឃ្លាតឆ្ងាយខ្លាំងពីវិស័យសម្តែងភាពយន្ត ព្រោះតែនាងជាប់មមាញឹកខ្លាំងទទួលច្រៀងតាមការប្រគុំតន្រ្តីតាមបណ្តាខេត្ត និងថតប្រម៉ូតឲ្យផលិតផលតាមបណ្តាក្រុមហ៊ុននានា ក្នុងនាមជាទូតសុច្ឆនៈ។

ការថ្លែងលើកឡើងរបស់តារាងចម្រៀងផលិតកម្មសាន់ដេរូបនេះ បានធ្វើឡើង ក្រោយបញ្ចប់ ពិធីកិច្ចព្រមព្រៀងជាទូតសុច្ឆនៈភេសជ្ជៈបំពេញជាតិទឹក 100PLUS កាលពីពេលថ្មីៗនេះ។

តារាងចម្រៀងជួរមុខខាងលើ បានអះអាងទៀតថា បើទោះជាការងារជាប់មមាញឹក ខ្លាំងយ៉ាង ណាក្តី ក៏នាងនូវតែមានបទចម្រៀងជាចំណងដែលនឹងចេញ ក្នុងពិធីបុណ្យចូលថ្មីប្រពៃណី ជាតិ ចូលមកដល់នៅពេលឆាប់ៗខាងមុខនេះប្រមាណជា១០បទ ដែលក្នុងនោះមាន បទមនោ សញ្ចេតនា ជាក់ និងប្រណៃណីផងដែរ។

គួរឲ្យដឹងដែរថា បើតាមការបញ្ជាក់ របស់ កញ្ញា សុខ ពិសី តារាចម្រៀងជួរមុខ ក្នុងឆ្នាំ ២០២៤នេះ គឺនាងជាប់រវល់ខ្លាំងលើការងារច្រៀងតាមការប្រគុំតន្ត្រីតាមបណ្តាខេត្ត ដែលរៀបចំដោយក្រុមហ៊ុនឯកជន ខណៈក្រៅពីចម្រៀងនាងក៏ជាប់មមាញឹកថតប្រម៉ូត ផ្សេងៗ ក្នុងនាមជាទូតសុច្ឆនៈតំណាងផលិតផងដែរ។

សូមបញ្ជាក់ថា តារាចម្រៀងសុខ ពិសី កាលពីពេលថ្មីៗនេះ ទើបតែចុះ កិច្ចព្រមព្រៀងជាទូតសុច្ឆៈជាមួយភេសជ្ជៈបំពេញជាតិទឹក 100Plus ដែលក្នុងកិច្ចព្រមព្រៀងនោះ កញ្ញា សុខ ពិសី គឺជាអ្នកផ្សព្វផ្សាយ តាមរយៈវីដេអូអប់រំសុខភាព អំពីការជ្រើសរើសភេសជ្ជៈនិងអារូបបត្ថម្ភ ជាសារៈប្រយោជន៍ជួយដល់សុខភាពប្រជាជន៕

រូបភាព ៖ ជីម ភារ៉ា អត្ថបទ ៖ ជាវ ចន្ធូ