៥៤ឆ្នាំមុននេះ សន្តិភាពបានហោះចេញពីទឹកដីកម្ពុជា ដោយសារការផ្ទុះសង្គ្រាមផ្ទៃក្នុងមួយ ក្រោមការរៀបចំរដ្ឋប្រហារទម្លាក់សម្តេចព្រះ នរោត្តម សីហនុ ចេញពីតំណែងព្រះប្រមុខរដ្ឋ។ ថ្ងៃទី១៨ មីនា ឆ្នាំ១៩៧០ រដ្ឋប្រហារមួយ តាមបញ្ជារបស់សហរដ្ឋអាមេរិក ត្រូវបានធ្វើឡើងដោយបានទម្លាក់អតីតព្រះប្រមុខរដ្ឋសម្តេចព្រះ នរោត្តម សីហនុ ដែលពេលនោះព្រះអង្គ និងព្រះជាយា កំពុងស្ថិតក្នុងអតីតសហភាពសូវៀត ក្នុងដំណើរទស្សនកិច្ចនៅក្រៅប្រទេស។ សន្តិភាពបានឃ្លាតចេញពីកម្ពុជា រយៈពេលជិត ៣០ឆ្នាំ។ បើគ្មាននយោបាយឈ្នះឈ្នះ ដាក់ចេញដោយសម្តេចតេជោ ហ៊ុន សែន នោះទេ កម្ពុជាក៏មិនមានភាពលេចធ្លោដូចបច្ចុប្បន្នដែរ។ អប្សរាណិតមានអត្ថបទវិចារណកថា ក្រោមចំណងជើងថា «សោកនាដកម្មបង្កដោយថ្ងៃទី១៨មីនា ៥៤ឆ្នាំមុន ដែលយើងមិនត្រូវបំភ្លេចឡើយ»