សម្តេចធិបតី ហ៊ុន ម៉ាណែត ៖ កម្ពុជាបច្ចុប្បន្ន មានសមត្ថភាពកសាងសមិទ្ធផលដោយស្នាដៃខ្មែរខ្លួនឯងបានច្រើន
តាកែវ៖ កម្ពុជាបច្ចុប្បន្ន មានសមត្ថភាពកសាងសមិទ្ធផលដោយស្នាដៃខ្មែរខ្លួនឯងបានច្រើន ។ នេះជាការគូសបញ្ជាក់របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា នៅព្រឹកថ្ងៃទី១១ ខែមេសា ឆ្នាំ២០២៤ ក្នុង ពិធីសម្ពោធកសិដ្ឋានចិញ្ចឹមគោ យកទឹកដោះ គិរីសួគ៌ ស្ថិតក្នុងភូមិឱភាសាំង ឃុំកណ្តឹង ស្រុកបាទី ខេត្តតាកែវ ។
សម្តេចធិបតី ហ៊ុន ម៉ាណែត បានបង្ហាញមោទនភាពថា សមត្ថភាពរបស់កូនខ្មែរយើងឥឡូវមានសមត្ថភាពច្រើន សំខាន់យើងត្រូវខិតខំកសាងសមត្ថភាពឲ្យកាន់តែច្រើន ដើម្បីទទួលបានឱកាស ។
សម្តេចធិបតី បានបន្តថា សំភារៈខ្លះដែលខ្មែរធ្លាប់ទិញពីគេ ឥឡូវអាចផលិតក្នុងស្រុកខ្លួនឯង។ សម្តេច ក៏បានជំរុញឲ្យខ្មែរយើងបន្តខិតខំផលិត ដោយមិនត្រូវគិតតែពីបរិមាណនោះទេ អ្វីដែលសំខាន់ក៏ត្រូវគិតគូរលើគុណភាពផងដែរ។
សម្តេចនាយករដ្ឋមន្ត្រី បានបញ្ជាក់ថា រាជរដ្ឋាភិបាល បានកំពុងយកចិត្តទុកដាក់ លើកទឹកចិត្តវិនិយោគបន្ថែមដល់វិស័យឯកជន តាមរយះរកទីផ្សារ គោលនយោបាយបង្ករភាពងាយស្រួលដល់បណ្តាវិនិយោគិនជាតិ និងអន្តរជាតិ៕
អត្ថបទ ៖ វណ្ណលុក
រូបភាព ៖ វ៉េង លិមហួត , សួង ពិសិដ្ឋ , ង៉ាន់ទិត្យ