មេដឹកនាំអ៊ុយក្រែនលោកហ្សេឡិនស្គី បានជម្រុញការបញ្ជូនជំនួយយោធាឱ្យបានលឿន ដើម្បីបញ្ចៀសការបាត់បង់ជីវិតមនុស្ស និងការបន្តបាត់បង់ទឹកដីអ៊ុយក្រែន ក្នុងកណ្តាប់ដៃរុស្ស៊ី។ អគ្គលេខាធិការអង្កការណាតូ លោក Jens Stoltenberg បានថ្លែងថា សង្គ្រាមនៅអ៊ុយក្រែន មិនមែនជាសង្គ្រាម នៃទ្រឹស្តីនោះទេ ការពន្យាពេលលើការផ្គត់ផ្គង់គ្រាប់រំសេវ គឹជារឿងស្លាប់ និង​រស់។ អ៊ុយក្រែនបានបង្ខំចិត្តដកថយកងកម្លាំងរបស់ខ្លួន ចេញពីទីតាំងជួរមុខមួយចំនួន ដោយសារការខ្វះគ្រាប់រំសេវ និងការខ្វះកម្លាំងទាហានថែមទៀត។ តើពេលវេលាណាដែលអ៊ុយក្រែន អាចត្រៀមលក្ខណៈប្រយុទ្ធតទល់សាជាថ្មីវិញ ដោយមិនត្រូវដកកម្លាំងថយនោះ? លោក ម៉ារ យ៉ារិទ្ធិ រាយការណ៍