Tiger Street Football Festival 2019 រកឃើញជើងខ្លាំង៧ក្រុម នៅមណ្ឌល កំពង់ចាម ខណៈក្រុម Inter KCPនៅជាជើងឯកដដែល
Tiger Street Football Festival 2019 រកឃើញក្រុមខ្លាំងទាំង៧តំណាងអោយខេត្ត ខណៈក្រុម Inter KCP ដែលជើងឯក៤ជំនាន់ នៅបន្តរក្សាជើងឯកដដែល ប្រចាំមណ្ឌលខេត្តកំពង់ចាម ដើម្បីបន្តទៅវគ្គផ្តាច់ព្រ័ត្រទូទាំងប្រទេស នៅរាជធានីភ្នំពេញ ថ្ងៃទី១៦ និងទី១៧ មីនា ២០១៩ ខាងមុខនេះ ។
ចំណែកក្រុមជើងឯក៤លើក Inter KCP បានយកឈ្នះលើ ក្រុមដីឡូត៍អានវេងស្រ៊ុន ២:០ នៅវគ្គផ្តាច់ព្រ័ត្រ នៅទីលានកោះពេជ្រជិតមាត់ទន្លេ ខេត្តកំពង់ចាម ដោយឡែកលេខ៣ ក្រុមកុកសរ ឈ្នះលើក្រុម Black Eagle FC ៤:២ និង៣ក្រុមទៀត រួមមាន ក្រុម King Lion ក្រុម MY05 និងក្រុម The Wolf ក៏បន្តទៅវគ្គផ្តាច់ព្រាត់នៅរាជធានីភ្នំពេញដែរ ជាពិសេសមានឱកាសជួបផ្ទាល់ជាមួយកំពូលតារាបាល់ទាត់ពិភពលោកលោក Ronaldinho ។
សម្រាប់រង្វាន់វិញក្រុមជើងឯកប្រចាំមណ្ឌលខេត្តកំពង់ចាម Inter KCP ទទួលបានប្រាក់រង្វាន់១៥០០ដុល្លារ ក្រុមជើងឯករង ក្រុមដីឡូត៍អានវេងស្រ៊ុន ប្រាក់រង្វាន់១០០០ដុល្លារ លេខ៣ក្រុមកុកសរ ប្រាក់រង្វាន់៥០០ដុល្លារ លេខ៤ ក្រុម Black Eagle FC ប្រាក់រង្វាន់២០០ ដុល្លារ និងស្រាបៀរថៃហ្គ័រ ។
សូមបញ្ជាក់ថា បន្ទាប់ពីមណ្ឌលកំពង់ចាម Tiger Street Football Festival 2019 នឹងបន្តទៅខេត្តកណ្តាល ដែលជាមណ្ដលទី៨ ដើម្បីស្វែងរកក្រុមខ្លាំង ចំនួន៤ ក្នុងចំណោម៤០ក្រុម ដែលចុះឈ្មោះចូលរួមប្រកួត ៕ធ.ដ