បើទោះបីជា Cristiano Ronaldo បានចំណាយពេលជិត១០ឆ្នាំ ឈ្នះពានយ៉ាងច្រើននៅទីនោះក៏ក្លិបយក្សរបស់អេស្ប៉ាញ មិនបានបង្ហោះសារជូនពរអតីតកីឡាកររបស់ខ្លួនដែរ ធ្វើឲ្យអ្នកគាំទ្រមានការខកចិត្តយ៉ាងខ្លាំង ហើយខ្លះបន្ទោសក្លិបនេះថា ខ្វះការគោរពដល់កីឡាករម្នាក់ដែលគ្រប់គ្នាចាត់ទុកជាវីរបុរស នៅថ្ងៃថ្ងៃខួបកំណើតគម្រប់៣៤ឆ្នាំ។ ប៉ុន្តែ Ronaldo ទទួលសារជូនពរពីមិត្តរួមក្រុម ជាពិសេសពីអ្នកគាំទ្រនៅជុំវិញពិភពលោក ខ្សែប្រយុទ្ធឆ្នើមពាក់លេខ៧រូបនេះក៏ទទួលសារជូនពរផងដែរ ពីអតីតក្លិប Sporting, Manchester United និងក្រុមជម្រើសជាតិព័រទុយហ្គាល់។ មិនខុសពីនេះ Juventus ដែលជាក្លិបបច្ចុប្បន្នរបស់គេក៏បានបង្ហោះសារជូនពរ លើបណ្ដាញសង្គមដូចគ្នា៕ម.ន