ខ្សែប្រយុទ្ធវៀតណាម Nguyen Cong Phuong អាចនឹងទៅលេងនៅកូរ៉េខាងត្បូង បន្ទាប់ពីក្លិបមួយ ក្នុងលីគកំពូលកូរ៉េខាងត្បូងខ្ចីជើង។ ខ្សែប្រយុទ្ធវ័យ២៤ឆ្នាំ កំពុងបង្ហាញទម្រង់លេងល្អពេលថ្មីៗនេះ ពិសេសនៅ AFC Asian Cup 2019 ដោយជួយក្លិបឡើងវគ្គពាក់កណ្ដាលផ្ដាច់ព្រ័ត្រ។ ខ្សែប្រយុទ្ធរូបនេះ ក៏បានបញ្ជាក់ថា  មានបំណងចង់អភិវឌ្ឍន៍សមត្ថភាព និងប្រកួតប្រជែងថ្មីហើយកន្លែងដែលរូបគេចង់ទៅគឺ មានកូរ៉េខាងត្បូង ជប៉ុន និងថៃ។
 
ពេលនេះ  ក្លិប Incheon United FC នៅ K- League ខិតជិតចុះកុងត្រាយក Cong Phuong ពីក្លិបវៀតណាម HAGL FC ។ Incheon United FC ឈរចំណាត់ថ្នាក់លេខ៩ ក្នុងលីគកំពូលកាលពីរដូវកាលមុន ហើយពេលនេះស្ថិតក្រោមការដឹកនាំរបស់លោក Jorn Andersen កូនកាត់អាល្លឺម៉ង់-ន័រវែស។ ក្លិបលេងនៅ K-League មួយនេះកំពុងតែបោះជំរំហ្វឹកហាត់ មុនបើករដូវកាលនៅខេត្ត ឈៀងម៉ៃ ប្រទេសថៃ ប៉ុន្មានសប្ដាហ៍រួចមកហើយ។

តាមប្រភពដដែល កិច្ចពិភាក្សារវាង Incheon United FCនិង Cong Phuong ឈានដល់ដំណាក់កាលចុងក្រោយហើយ ស្របពេលខ្សែប្រយុទ្ធរូបនេះបានទៅលេងនៅកូរ៉េខាងត្បូងខាងមុខនេះ។ កីឡាករវ័យ២៤ឆ្នាំលេងឲ្យ HAGL FC ចាប់តាំងពីឆ្នាំ២០១៥ ប៉ុន្តែរូបគេបានចាកចេញកាលពីឆ្នាំ ២០១៦ លេងខ្ចីជើងនៅ ក្លឹបលីគទី២ជប៉ុន Mito HollyHock ៕ម.ន