ជនសង្ស័យម្នាក់ឆក់កាបូបនិស្សិតស្រី បានសម្រេចតែគេចមិនផុតពីសមត្ថកិច្ចខណ្ឌទួលគោក
ភ្នំពេញ៖ នៅវេលាម៉ោង ២១ និង៣០នាទីថ្ងៃទី១៤ ខែធ្នូ ឆ្នាំ២០១៨ កម្លាំងនគរបាលប៉ុស្តិ៍ទឹកល្អក់ទី១ បានធ្វើការឃាត់ខ្លួនជនសង្ស័យម្នាក់ ជាក់ស្តែងនៅចំណុច ខាងមុខសាលាសង្កាត់ទឹកល្អក់ទី១ ផ្លូវលេខ259 សង្កាត់ទឹកល្អក់ទី1 ខណ្ឌទួលគោក ពីបទ:ឆក់កាបូបយួរពីនិស្សិតស្រី ខណ:ពេលដែលជនរងគ្រោះកំពុងជិះម៉ូតូតាមផ្លូវដោយដាក់កាបូបព្យួរលើម៉ូតូ ក៏ត្រូវជនសង្ស័យធ្វើសកម្មភាពឆក់យកបានសម្រេច ហើយជិះម៉ូតូបំណងគេចខ្លួន ប៉ុន្តែត្រូវបានកម្លាំងល្បាតរបស់ប៉ុស្តិ៍អន្តរាគមន៍ ទាន់ពេលនិងឃាត់បានជនសង្ស័យជាក់ស្តែងតែម្តង។
ប្រភពព័ត៌មានពីសមត្ថកិច្ចបានឱ្យដឹងថាបានឃាត់ខ្លួន ជនសង្ស័យម្នាក់ ឈ្មោះ ណុប សាមុត ភេទប្រុស អាយុ15ឆ្នាំ ជនជាតិខ្មែរ មុខរបរ សិស្ស វិទ្យាល័យសន្ធរម៉ុក ថ្នាក់ទី11D1 ស្នាក់នៅ ផ្ទះជួលលេខ226 ផ្លូវលេខ 598 សង្កាត់ទឹកថ្លា ខណ្ឌសែនសុខ។
វត្ថុតាងចាប់យករួមមាន ៖-កាបូបយួរ01 ក្នុងនោះមាន .ប្រាក់ដុល្លា = 40ដុល្លា .ប្រាក់រៀល = 170.000រៀល .ទូរស័ព្ទដៃ 01គ្រឿង Iphone6plus -ម៉ូតូ01គ្រឿងម៉ាក HondaC125 ពណ៍មាស ស៊េរី 2018 គ្មានស្លាកលេខ (ម៉ូតូជិះធ្វើសកម្មភាព)។
បច្ចុប្បន្ន ជនសង្ស័យខាងលើកំពុងឃាត់ខ្លួននៅអធិការដ្ឋាននគរបាលខណ្ឌទួលគោក ដើម្បីកសាងសំណុំរឿង បញ្ជូទៅតុលាការចាត់ការបន្តតាមផ្លូវច្បាប់ ៕