លោក Jose Mourinho គ្រូបង្វឹកក្លិបបិសាចក្រហម Mancherster United កំពុងតែរងសម្ពាធដោយឈ្នះតែ៣ប្រកួត ក្នុងចំណោម៩ប្រកួតក្នុងដីរដូវកាលនេះ។ ការបរាជ័យនេះហើយបានធ្វើឲ្យអ្នកគាំទ្រមិនសូវសប្បាយចិត្ត លើក្រុម និងការដឹកនាំរបស់លោក។

យ៉ាងណាមិញ អ្នកចាត់ការសញ្ជាតិព័រទុយហ្គាល់បានប្រាប់ឲ្យកូនក្រុមត្រូវចេះទទួលសម្ពាធជុំវិញខ្លួនដើម្បីកែលម្អ។ យប់នេះ Man Utd ត្រៀមទទួលក្រុម Young Boys នៅជើងទីពីរវគ្គសន្សំពិន្ទុ ក្របខណ្ឌ Uefa Champion league ។ ដោយជើងទី១ Young Boys 0:3 Man Utd ។ ជាមួយគ្នានេះ លោក Mourinho បានប្រាប់ទៅកូនក្រុម បើរងអារម្មណ៍មានសម្ពាធនៅផ្ទះទៅ។

គួរបញ្ជាក់ថា យប់នេះ Man Utd ត្រូវការឈ្នះ Young Boys ហើយ Valencia ចាញ់ Juventus នោះនឹងមានឱកាសឡើងទៅវគ្គ១៦ក្រុមចុងក្រោយ Champions League ដោយស្វ័យប្រវត្តិ ទោះសល់មួយប្រកួតទៀតក៏ដោយ៕