តារាឆ្នើម Ronaldo ជួយឲ្យក្លិបសេះបង្កង់ Juventus 2:0 Spal ក្នុងសប្តាហ៍ទី១៣
តារាឆ្នើម Christiano Ronaldo រកបាន១គ្រាប់ ឲ្យ Juventus ឈ្នះ SPAL ដោយលទ្ធផល ២-០ នៅក្នុងសប្តាហ៍ទី១៣នេះ។ ជាមួយនឹងជ័យជម្នះនេះដែរ គេសង្កេតឃើញថាលើផ្ទៃមុខរបស់តារាឆ្នើមសញ្ជាតិព័រទុយហ្គាល់មានប្រឡាក់ពណ៌ក្រហម នៅអំឡុងពេលអបអរជាមួយមិត្តរួមក្រុម។ មែនទែនទៅមិនមែនតែ Ronaldo មួយទេដែលមានពណ៌នេះជាក់ស្ដែង គឺកីឡាករទាំងអស់នៅក្របខណ្ឌ Serie A សុទ្ធតែមានពណ៌ក្រហមលើមុខទាំងអស់។ សូមបញ្ជាក់ថា មូលហេតុគឺដោយសារក្របខណ្ឌកំពូលអ៊ីតាលីចូលរួមយុទ្ធនាការ ទប់ស្កាត់អំពើហិង្សាលើស្ត្រីទើបកីឡាករគ្រប់រូបតម្រូវឲ្យលាបពណ៌ក្រហមលើមុខ។ ឆ្នូតក្រហមគឺជានិមិត្តសញ្ញាដែលប្រើសម្រាប់ចលនាដែលដឹកនាំដោយអង្គការមនុស្សធម៌មួយនៅអ៊ីតាលីឈ្មោះថា WeWorld Onlus៕ម.ន
ហេង វណ្ណា
ជាអ្នកគ្រប់គ្រងព័ត៌មានពេលព្រឹក និងព័ត៌មានថ្មីទាន់ហេតុការណ៍។ ជាមួយនឹងបទពិសោធន៍ការងារលើវិស័យព័ត៌មានរយៈពេលវែង និងទំនាក់ទំនងល្អជាមួយអង្គភាព-ស្ថាប័ននានា នឹងផ្ដល់ជូនមិត្តអ្នកអាននូវព័ត៌មានប្រកបដោយគុណភាព និងវិជ្ជាជីវៈ។
