ក្លិប Barcelona គ្រោងយកតារាឆ្នើម Neymar មកវិញដោយថ្នូរជាមួយ Dembele
ក្លិប Barcelona កំពុងមានគម្រោងយកតារាឆ្នើម Neymar មកវិញដោយថ្នូរជាមួយ Ousmane Dembele ក្នុងកិច្ចសន្យាជាមួយ Paris Saint-Germain មកកីឡដ្ឋាន Camp Nou ។ ក្លិបយក្សដែលមានមូលដ្ឋាននៅតំបន់កាតាឡាន់ មានការខកចិត្តបន្ទាប់ពីកីឡាករសញ្ជាតិបារាំងខាងលើ ត្រូវបាន Arsenal និង Liverpool ជាក្លិបកំពុងពិចារណាផ្ទេរយករូបគេនៅខែមករាខាងមុខ។ Barca ត្រូវបានគេរាយការណ៍ថា បានទាក់ទងជាមួយអ្នកតំណាងរបស់ Neymar ពិភាក្សាពីលទ្ធភាពដើម្បីផ្ទេរត្រឡប់មកវិញ។ សូមរំលឹកថា Neymar ទើបតែចាកចេញពី Barcelona រយៈពេល១៨ខែ បន្ទាប់ពីផ្ទេរទៅកាន់ PSG ក្នុងតម្លៃកំណត់ត្រាពិភពលោក១៩៥លានផោន។ ដើម្បីជាថ្នូរចង់នាំកីឡាករប្រេស៊ីលមកវិញ Barcelona កំពុងគិតយក Dembele ដាក់ចូលជាផ្នែកមួយនៃការដោះដូរ ខណៈសាមីខ្លួនក៏បានសុំចេញពី Nou Camp ដូចគ្នា ៕ម.ន
ហេង វណ្ណា
ជាអ្នកគ្រប់គ្រងព័ត៌មានពេលព្រឹក និងព័ត៌មានថ្មីទាន់ហេតុការណ៍។ ជាមួយនឹងបទពិសោធន៍ការងារលើវិស័យព័ត៌មានរយៈពេលវែង និងទំនាក់ទំនងល្អជាមួយអង្គភាព-ស្ថាប័ននានា នឹងផ្ដល់ជូនមិត្តអ្នកអាននូវព័ត៌មានប្រកបដោយគុណភាព និងវិជ្ជាជីវៈ។