ខ្សែបម្រើប្រយុទ្ធអាល្លឺម៉ង់កីឡាករ Andre Schurrle ត្រូវបានក្រុមចំណូលថ្មីនៅលីគកំពូលអង់គ្លេស Fulham តាមប្រម៉ាញ ហើយរំពឹងថា ផ្លាស់ជាផ្លូវការនៅថ្ងៃពុធ ទី២៥ កក្កដា នេះ។ ខ្សែបម្រើប្រយុទ្ធអាល្លឺម៉ង់វ័យ ២៧ឆ្នាំ ម្នាក់នេះត្រូវបានក្លឹប Borussia Dortmund ដាក់លក់ ហើយក្លឹបជាច្រើនកំពុងចាប់អារម្មណ៍លើរូបគេដូចជា Everton . Crystal Palace និង Lazio ជាដើម។ ជាមួយគ្នានេះ ក្រុមលោក Slavisa Jokanovic ក៏បង្ហាញចំណាប់អារម្មណ៍លើខ្សែប្រយុទ្ធ Alesandar Mitrovic របស់ Newcastle ផងដែរ ។

គួររំលឹកថា សមាជិកក្រុមជើងឯកអាល្លឺម៉ង់ លើកពានកាលពីរ World Cup 2014 ធ្លាប់លេងឲ្យ Chelsea ដោយស៊ុត បញ្ចូលទីបាន១១គ្រាប់ និង បង្ហាញខ្លួន៤៤លើកនៅ Premier League មុនចាកចេញនៅឆ្នាំ២០១៥៕