មាស សុខសោភា បង្ហោះ Status មួយនៅលើបណ្ដាញសង្គមហ្វេសបុក ដើម្បីក្រើនរំលឹកដល់ស្រ្តីទាំងអស់ អោយប្រុងប្រយ័ត្ន ចំពោះជំងឺ មហារីកសុសន់
នៅថ្ងៃទី២៦ ខែតុលា ឆ្នាំ២០២០ ទំព័រហ្វេសបុកផ្លូវការ របស់កញ្ញា មាស សុខសោភា បានបង្ហោះ Status មួយ ដើម្បីក្រើនរំលឹកដល់ស្ត្រីទាំងអស់ អោយប្រុងប្រយ័ត្ន ចំពោះជំងឺមហារីកសុដន់ ។
កញ្ញា មាស សុខសោភា បានលើកឡើងថា ៖ ក្នុងនាមជាស្រ្តីម្នាក់ ការយកចិត្តទុកដាក់ចំពោះសុខភាព បានក្លាយទៅជាកត្តាចំបងសំរាប់នារីយើងនាពេលបច្ចុប្បន្ននេះ។ភាគច្រើនបញ្ហាជាទូទៅរបស់ស្រ្តីខ្មែរនៅក្នុងប្រទេសកម្ពុជា គឺជំងឺមហារីកសុដន់ ដែលស្រ្តីមួយចំនួនធំបានមើលរំលង ព្រមទាំងមិនយកចិត្តទុកដាក់ចំពោះជំងឺមហារីកមួយនេះ។
កញ្ញាបានបន្តទៀតថា ជំងឺមហារីកសុដន់បានក្លាយជាជំងឺដែលកាចសាហាវ ព្រមទាំងបានសម្លាប់ស្រ្តីខ្មែរយ៉ាងច្រើន ដូច្នេះសូមចំណាយពេលវេលាដ៏ខ្លី ក្នុងការត្រួតពិនិត្យនឹងស្វែងយល់ដោយខ្លួនឯងតាមរូបភាពខាងក្រោមនេះ
?សុដន់ផ្លាស់ប្ដូរទំហំ និង ទម្រង់
?មានសភាពរមាស់និងឡើងក្រហម នៅលើសុដន់ឬក្បាលសុដន់
?សារធាតុរាវចេញពី ក្បាលសុដន់ទាំងសងខាង ឬ តែម្ខាង
?មានដុំពក ត្រង់បរិវេន ក្លៀក ឬ ករ
?ដុំកីស ឬ ដុំទឹក វាមានលក្ខណះខុសពីសាច់សុដន់
?ពេលខ្លះសុដន់ប្រែទៅជាប៉ោង ឬ ផតចូល
?ក្បាលសុដន់លឹបចូលក្នុង ឬ ផ្លាស់ប្តូរទីតាំង ឬ ទំហំ
?មានអារម្មណ៍ថាឈឺនៅបរិវេនសុដន់ ឬ ក្លៀក
នេះគឺជាការក្រើនរំលឹកមួយ របស់កញ្ញា មាស សុខសោភា តាមរយៈបណ្ដាញសង្គមហ្វេសបុក តែប៉ុណ្ណោះ ៕
ប្រភពមកពី ទំព័រ Facebook Meas Soksophea