២៩ ធ្នូ ជាថ្ងៃបិទបញ្ចប់សង្រ្គាមសុីវិលនៅកម្ពុជា “អបអរសាទរ ខួបទី២២ នៃទិវានយោបាយ ឈ្នះ ឈ្នះ “
ថ្ងៃទី២៩ ខែធ្នូ ត្រូវបានកំណត់ជាទិវានយោបាយឈ្នះ ឈ្នះ សម្រាប់កម្ពុជា ចាប់តាំងពីឆ្នាំ១៩៩៨ រហូតដល់បច្ចុប្បន្ន គឺមានរយៈកាល២២ឆ្នាំហេីយ។ ២២ឆ្នាំ នៃការបញ្ចប់សង្រ្គាមសុីវិលនៅកម្ពុជា ២២ឆ្នាំនៃការបង្រួបបង្រួមជាតិ និង២២ឆ្នាំនៃការអភិវឌ្ឍន៍ជាតិ មាតុភូមិ និងប្រជាជន ។ កម្ពុជា ទំរាំដណ្តេីមបាននូវសន្តិភាពពេញលេញដេញពីសមរភូមិនៃការបង្ហូរឈាម ខ្មែរ គឺកម្ពុជាខ្លួនឯង បានអនុវត្តនូវគោលនយោបាយជាយុទ្ធសាស្ត្រ “នយោបាយឈ្នះ ឈ្នះ” ដែលមានយុទ្ធសាស្រ្ត ចំនួន ៣ រួមមាន៖ទី១. ការធានារូបកាយ និងអាយុជីវិតទី២. ធានាអាជីព និងមុខរបរ និងទី៣. ការធានាកម្មសិទ្ធិ និងទ្រព្យសម្បត្តិ ទាំងចលនទ្រព្យ និងអចលនទ្រព្យ។
