តើហេតុអ្វីបានជា តា ម៉ុក ពោលពាក្យថា “គុយទាវមួយតុ ម៉ុកចេញម្នាក់ឯង”?
ក្រោយពី ប៉ុល ពត ដែលជាបងធំទី១ នៃរបបកម្ពុជាប្រជាធិបតេយ្យបានស្លាប់ដោយឯកោគ្មានទាំងពិធីបុណ្យសពក្នុងព្រៃអន្លង់វែងរួចមក មេដឹកនាំរបស់ខ្មែរក្រហមផ្សេងទៀតបានធ្វើការដាក់អាវុធចុះចូលជាមួយរាជរដ្ឋាភិបាលជាបន្ដបន្ទាប់។ ប៉ុន្តែចំណែកឯបងធំទី ៦ តា ម៉ុក គឺជាជនតែម្នាក់គត់ដែលចចេសក្រាញននៀលនៅតំបន់ភូមិភាគខាងជើងនៃព្រះរាជាណាចក្រកម្ពុជាមិនព្រមរួបរួម ហើយវាក៏បង្កជាហេតុនាំឱ្យមានការទម្លាក់កំហុសទាំងអម្បាលម៉ានពីសំណាក់មេដឹកនាំខ្មែរក្រហមឯទៀតមកលើរូបគាត់ បានជាធ្វើឱ្យគាត់ពោលពាក្យមួយឃ្លាបែបនេះថា “គុយទាវមួយតុ ម៉ុកចេញម្នាក់ឯង”។