ចានតេឡេស្កូប FAST របស់ប្រទេសចិន នឹងបើកទទួលអ្នកវិទ្យាសាស្រ្តជាលក្ខណៈអន្តរជាតិនៅខែមេសា ឆ្នាំ២០២១
ចិន៖ ចានតេឡេស្កូប FAST របស់ប្រទេសចិន ដែលធំបំផុតនៅលើពិភពលោក នឹងបើកទទួលអ្នកវិទ្យាសាស្រ្តជាលក្ខណៈអន្តរជាតិ ចាប់ពីថ្ងៃទី០១ ខែមេសា ឆ្នាំ២០២១ខាងមុខ នេះបើតាមសារព័ត៌មានស៊ីនហួរនៅថ្ងៃទី០៤ខែមករាឆ្នាំ២០២១ ។
ទីភ្នាក់ងារអង្កេតតារាសាស្រ្ត នៃសភាវិទ្យាសាស្រ្តចិន ដែលជាអ្នកធ្វើប្រតិបត្តិការតេឡេស្កូបខាងលើបញ្ជាក់ថា ចាប់ពីថ្ងៃទី០១ ខែមេសា ឆ្នាំ២០២១ អ្នកវិទ្យាសាស្រ្តទាំងអស់នៅលើពិភពលោក អាចចាប់ផ្តើមដាក់ពាក្យស្នើសុំតាមអនឡាញបាន ទាក់ទងទៅនឹងការប្រើប្រាស់តេឡេស្កូប FAST សម្រាប់ការងារអង្កេតផ្សេងៗផ្នែកតារាសាស្រ្ត ។
សូមរំលឹកផងដែរថា ចានតេឡេស្កូប FAST ដែលស្ថិតនៅក្នុងខេត្ត Guizhou ភាគនិរតីប្រទេសចិន បានចាប់ផ្តើមប្រតិបត្តិការផ្លូវការកាលពីថ្ងៃទី១១ ខែមករា ឆ្នាំ២០២០ ៕