ផ្សារបឹងត្របែកផ្លាហ្សា ក្នុងខណ្ឌចំការមន ត្រូវបានបិទបណ្តោះអាសន្នរយ:ពេល២សប្តាហ៍ ចាប់ពីថ្ងៃទី១៩មេសា នេះហើយក្រោយការរកឃើញមានមនុស្សឆ្លងកូវីដ១៩។ រដ្ឋបាលខណ្ឌចំការមន បានអំពាវនាវអ្នកជាប់ពាក់ព័ន្ធ នឹងការចេញផ្សារបឹងត្របែកនេះចាប់តាំងពីថ្ងៃទី៣មេសានោះមក ត្រូវប្រញាប់ទៅធ្វើតេស្តរកកូវីដ១៩ជាបន្ទាន់។ យោងតាមរដ្ឋបាលខណ្ឌចំការមន ផ្សារបឹងត្របែកផ្លាហ្សា នឹងត្រូវបិទបណ្តោះអាសន្នរហូតដល់ថ្ងៃទី២ឧសភា។