កម្ពុជាចាក់វ៉ាក់សាំងជូនប្រជាជនជាង១,៩លាននាក់ ខណៈអ្នកស្ម័គ្រចិត្តចាក់ជាង២លាននាក់
ភ្នំពេញៈប្រទេសកម្ពុជាគិតចាប់ពីថ្ងៃទី១០ខែកុម្ភៈមកដល់ថ្ងៃទី១២ខែឧសភានេះបានចាក់វ៉ាក់សាំងទាំងបីប្រភេទជូនប្រជាជនទូទៅ រួមទាំងក្រសួងការពារជាតិផងបានជាង១,៩លាននាក់ខណៈចំនួនអ្នកស្ម័គ្រចិត្តចាក់វ៉ាក់សាំងមានចំនួន ជាង២លាននាក់ហើយ។ចំនួននេះបង្ហាញថាមានអត្រាគ្របដណ្តប់ធៀបនឹងគោលដៅប្រជាជនសរុប(១០លាននាក់)ស្មើនឹង១៩,៤០ភាគរយ។នេះបើយោងតាមរបាយការណ៍ផ្លូវការរបស់អនុគណៈកម្មការតាមដាននិងវាយតម្លៃនៃ គណៈកម្មការចំពោះកិច្ចចាក់វ៉ាក់សាំងកូវីដ១៩ ទូទាំងប្រទេស(គ.វ.ក១៩)។អត្រានេះបានបង្ហាញថាកម្ពុជានៅតែជា ប្រទេសលំដាប់ទី២ នៅក្នុងអាស៊ានដែលបានចាក់វ៉ាក់សាំងជូនប្រជាជនបានច្រើនបន្ទាប់ពីប្រទេសព្រុយណេ ។វ៉ាក់សាំងទាំងបីប្រភេទដែលកម្ពុជា កំពុងដំណើរការចាក់មាន ៖ វ៉ាក់សាំងស៊ីណូហ្វាម(Sinophar) វ៉ាក់សាំងកូវីស៊ី Covishield (AstarZeneca)និងវ៉ាក់សាំង ស៊ីណូវ៉ាក់(Sinovac)។
សូមអានតារាងសង្ខេប