ឧបនាយករដ្ឋមន្ត្រីនិងជារដ្ឋមន្ត្រីក្រសួងមហាផ្ទៃសម្តេចក្រឡាហោម ស ខេង បានទទួលជួបពិភាក្សាតាមប្រព័ន្ធ Online ពីចម្ងាយ ជាមួយនឹងអ្នករាយការណ៍ពិសេសថ្មីរបស់អង្គការសហប្រជាជាតិទទួលបន្ទុកសិទ្ធិមនុស្សនៅ កម្ពុជា លោកវិទិត មុនតាផន។ ជំនួបពិភាក្សាតាមប្រព័ន្ធ Zoom បានធ្វើនារសៀលថ្ងៃទី២៣មិថុនា។

លោកវិទិត មុនតាផន បានលើកឡើងនូវប្រធានបទចំនួន៤ក្នុងជំនួបពិភាក្សានោះ រួមមានទី១ ទិដ្ឋភាពជារួម នៃជម្ងឺកូវីដ១៩, ស្ថានភាពនៅក្នុងពន្ធនាគារ, ទី២ លំហរប្រជាធិបតេយ្យ និងដំណើរការកែទម្រង់ច្បាប់ NGOs, ទី៣ វិធានការឆ្លើយតបបន្តបន្ទាប់ក្រោយស្ថានភាពជំងឺកូវីដ-១៩។