៨ខែប្រមូលពន្ធបានជិត២ពាន់លានដុល្លារ (Video Inside)
អគ្គនាយកដ្ឋានពន្ធដារ បានជូនដំណឹងថាគេបានប្រមូលចំណូលសម្រាប់ថវិកាជាតិបានចំនួនជិត២ពាន់លាន ដុល្លារ ក្នុងរយៈពេល៨ខែឆ្នាំ នេះ។ យោងតាមសេចក្តីប្រកាសព័ត៌មាន ចំណូលពន្ធសម្រាប់ថវិកាជាតិដែល ប្រមូលបាន១ពាន់៩០៩លានដុល្លារអាមេរិក គឺថយចុះ៨ភាគរយបើប្រៀបធៀបនឹងរយៈពេលដូចគ្នាកាលពីឆ្នាំ ២០២០។
សេចក្តីប្រកាសព័ត៌មានដដែលបានបញ្ជាក់ថា ដោយឡែកសម្រាប់ការប្រមូលចំណូលពន្ធ ក្នុងខែសីហា ឆ្នាំ ២០២១ ទទួលបានចំណូលយ៉ាងល្អប្រសើរដោយប្រមូលបានចំនួន ១៩២លានដុល្លារអាមេរិក ដែលចំនួននេះ ត្រូវបានអគ្គនាយកដ្ឋានពន្ធដារចាត់ទុកថា ជាតួលេខលើសផែនការប្រចាំខែ ដែលជាធម្មតាខែសីហា ត្រូវគេ ចាត់ទុកជាខែដែលប្រមូលចំណូលពន្ធបានកម្រិតទាប៕