ខេត្តព្រៃវែងនៅថ្ងៃនេះ បានរាយការណ៍ជុំវិញមានអ្នកឆ្លងជំងឺកូវីដ១៩ ចំនួន ៥៦នាក់ និងករណី មនុស្សម្នាក់ បានស្លាប់ដោយសារគ្រោះថ្នាក់សង្គម។

យោងតាមរបាយការណ៍របស់រដ្ឋបាលខេត្ត ការឆ្លងកូវីដ១៩ នៅថ្ងៃនេះ បានកើតលើពលរដ្ឋនៅក្នុងក្រុងព្រៃវែង ៧នាក់, ស្រុកកញ្ជ្រៀច ១១នាក់, ស្រុកមេសាង ២នាក់, ស្រុកពាមជរ ៥នាក់, ស្រុកពាមរក៍ ៣នាក់, ស្រុកពារាំង ម្នាក់, ស្រុកព្រះស្តេច ៨នាក់, ស្រុកស្វាយអន្ទរ ១៧នាក់ និងនៅ ស្រុកពោធិ៍រៀងចំនួន ២នាក់ ។ ខេត្តព្រៃវែងគិតត្រឹមថ្ងៃនេះ មានអ្នកឆ្លងកូវីដ១៩ ចំនួន ៦ពាន់ ២៥១ នាក់ និង មានអ្នកស្លាប់ចំនួន ១២២នាក់ ។

របាយការណ៍ខេត្តនៅថ្ងៃនេះផងដែរ នៅបានបញ្ជាក់ជុំវិញមនុស្ស ស្លាប់ម្នាក់ ដែលគេចាត់ទុកថាជាករណី បាត់ បង់ជីវិតដោយសារករណីសន្តិសុខសង្គម។ ការស្លាប់មនុស្សម្នាក់នោះ គឺក្នុងហេតុការណ៍ឡានបុកជាមួយនឹងអ្នក ដំណើរថ្មើរជើង នៅចំនុចភូមិព្រៃជ្រាំង, ឃុំពានរោង នៃស្រុកស្វាយអន្ទរ។ ស្រ្តីដែលបានបាត់បង់ជីវិតនោះឈ្មោះ ជួប សារិន អាយុ ៥៦ឆ្នាំ៕