ស្វាកន្ទុយវែង ៤៤ក្បាលត្រូវបានសង្គ្រោះពីការលក់ នៅថៃ
សត្វស្វាកន្ទុយវែង ៤៤ក្បាលត្រូវបានសង្គ្រោះពីការប៉នប៉ងលក់ទៅឲ្យភោជនីយដ្ឋាននានា នៅក្នុងប្រទេសថៃ។ កម្លាំងនគរបាលនាយកដ្ឋានប្រឆាំងបទល្មើសធនធានធម្មជាតិនិងបរិស្ថាន នៅថ្ងៃសុក្រទី ១ ខែតុលាម្សិលមិញ បានជួយសង្គ្រោះសត្វស្វាកន្ទុយវែងចំនួន ៤៤ ក្បាលពីអ្នករត់ពន្ធនៅក្នុងស្រុកអារញ្ញប្រាថេត ខេត្តស្រះកែវ។
មន្រ្តីបានបង្ហើបថា ពួកគេទទួលបានព័ត៌មានមួយថាក្រុមរត់ពន្ធសត្វកំពុងប្រើផ្លូវហាយវ៉េលេខ ៣៥៩ នៅស្រះកែវជាផ្លូវដើម្បីរត់ពន្ធសត្វព្រៃទៅកាន់ភោជនីយដ្ឋានក្នុងស្រុក ដែលមានសត្វព្រៃធ្វើជាម្ហូបពិសេស។
នគរបាលបានរាយការណ៍ថា រកឃើញស្វាកន្ទុយស វែង ចំនួន ៤៥ ក្បាលដែលមានអាយុចាប់ពី ២ ខែដល់មួយឆ្នាំត្រូវបានជាប់នៅក្នុងថង់ប្លាស្ទិកចំនួន ២៥ ។ ប៉ុន្តែស្វាមួយក្បាលត្រូវបានគេរាយការណ៍ថាបានស្លាប់ដោយសារផលប៉ះពាល់។
មន្រ្តីកំពុងស៊ើបអង្កេតលើរថយន្តដឹកឈើនិងភស្តុតាងផ្សេងទៀតដើម្បីតាមដានក្រុមនៅពីក្រោយប្រតិបត្តិការរត់ពន្ធនេះ។ សត្វស្វាចំនួន ៤៤ ក្បាលនឹងត្រូវបញ្ជូនទៅមជ្ឈមណ្ឌលសង្គ្រោះសត្វព្រៃទី ១ ក្នុងខេត្តណានណៃណុកដើម្បីពិនិត្យរាងកាយ៕
![](https://asset.ams.com.kh/central/media/fvMcS8yOuQ7HRdEYge4v-1024x485.webp)
![](https://asset.ams.com.kh/central/media/9jz2XZuOW2rEv0rv69U4-1024x637.webp)