បន្ទាយមានជ័យ ៖ ឯកឧត្តម អ៊ុ រាត្រី អភិបាលខេត្តបន្ទាយមានជ័យ អញ្ជើញចូលរួមបេីកវិញ្ញាសារប្រឡងសញ្ញាប័ត្រមធ្យមសិក្សា ទុតិយភូមិឆ្នាំ២០២១ នៅវិទ្យាល័យ អូរអំបិល ក្រុងសិរីសោភ័ណ ខេត្តបន្ទាយមានជ័យ ព្រឹកថ្ងៃទី២៧ ខែធ្នូ ឆ្នាំ២០២១នេះ។

លោក ឈូ ប៊ុនរឿងប្រធានមន្ទីរអប់រំ យុវជនកីឡាខេត្តបន្ទាយមានជ័យបានអោយដឹងថា៖ ដំណើរការប្រឡងជាមួយថ្នាក់ដឹកនាំគណ:មេប្រយោគថា ប្រឡងនេះ នាឆ្នាំនេះ នឹងមានការត្រួតពិនិត្យសុខភាពជាពិសេសស។ ទោះយ៉ាងណា ប្រធានមណ្ឌលនៅតែមានសិទ្ធិអនុញ្ញាតិប្រឡងបានដដែល គ្រាន់តែស្ថិតនៅដោយឡែកបើបេក្ខជនមានអាក្ការ:ក្តៅ ខ្លួន ក្អកនិងហៀរសំបោរខ្លាំងជាដើម ។

លោកបន្តថា សម្រាប់ខេត្តបន្ទាយមានជ័យ នាឆ្នាំនេះ មានបន្ទប់ប្រឡងមានចំនួន១៩៩ និងបេក្ខជនប្រឡងក្នុងបញ្ជីសរុបរួមមានចំនួន៤.៩៤៧នាក់/ ស្រី២.៦៣៦នាក់ ។ ក្នុងនោះ ភាគច្រើនជាបេក្ខជនចំណេះទូទៅ និងក្រៅពីនោះបេក្ខជនស្វៃរិន ចំនួន២៧២នាក់/ស្រី១០៦នាក់ ។ បេក្ខជនបំពេញវិជ្ជា ៤១១នាក់ / ស្រី៩៧នាក់ ។

ចំពោះ មណ្ឌល ប្រឡង មានចំនួន ៧មណ្ឌល ក្នុងនោះមានមណ្ឌល ១/វិទ្យាល័យសិរីសោភ័ណមាន៣០បន្ទប់ ២/វិទ្យាល័យសម្តេចឪ ចំនួន៣០បន្ទប់៣/សាលាបឋមសិក្សាហ៊ុនសែនសូភី ចំនួន២៩បន្ទប់ ៤/សាកលវិទ្យាល័យគ្រប់គ្រង់និងសេដ្ឋកិច្ច ( UME)ចំនួន៣០បន្ទប់ ៥/វិទ្យាល័យហ៊ុនសែនខ្លាកូនចំនួន២៥បន្ទប់ ៦/ វិទ្យាល័យសកពនអូរអំបិលចំនួន៣០បន្ទប់ និង ៧/សាកលវិទ្យាល័យជាតិមានជ័យ ចំនួន២៥បន្ទប់ ។
ចំពោះគណៈ:មេប្រយោគសរុបរួមចំនួន៦៤៣នាក់ ស្រី១៩៨នាក់ ។ឯអង្គភាពគាំទ្រ / អ្នកសង្កេតការណ៍ ការពារ មានយុវជនសសយក ពេទ្យ កងកម្លាំង អង្គភាពប្រឆាំងអំពើពុករលួយ សរុប៧៣៩នាក់/ ២៤៥នាក់ ។

ឯកឧត្តម អ៊ុ រាត្រី អភិបាលខេត្តបានគូសបញ្ជាក់ថា ការប្រឡងឆ្នាំ២០២១នេះ យើងបានធ្វើការរៀបចំដំណើរដោយរលូតទៅតាមការណែនាំរបស់ប្រមុខរាជរដ្ឋាភិបាលកម្ពុជា សារាចរណែនាំរបស់ក្រសួងអប់រំ យុវជន និងកីឡា ដើម្បីអនុវត្តន៍វិធានការសុខាភិបា ៣ការពារ និង៣កុំ បង្ការទប់ស្កាត់ការឆ្លងជំងឺកូវីដ១៩ ដោយមានការត្រួតពិនិត្យសុខភាពជាមុន ពាក់ម៉ាស បាញ់អាល់កុលជាដើម និងរក្សាសន្តិសុខ សុវត្ថិភាព សណ្តាប់ធ្នាប់សាធារណៈ មានកម្លាំងនគរបាល អាវុធហត្ថ និងការចូលរួមសម្របសម្រួលពីយុវជនសសយកផងដែរ។

ឯកឧត្តមអភិបាលខេត្តបន្ទាយមានជ័យ ក៍បានផ្ញើសារជូនពរក្មួយៗទាំងអស់ សុខភាពល្អ សុខសុវត្ថិភាពក្នុងការធ្វើដំណើរទាំងទៅទាំងមកប្រឡង និងសូមអោយប្រឡងជាប់ ព្រមទាំងទទួលបាននិទ្ទេសល្អគ្រប់ៗគ្នា ៕ដោយ៖ឃិន គន្ធា