ស្ថានទូតអាមេរិកប្រចាំអ៊ុយក្រែន «ស្នើការដកបុគ្គលិក» ខណៈព្រួយបារម្ភអំពីការផ្ទុះសង្គ្រាម
ទូរទស្សន៍អាមេរិក CNN បានរាយការណ៍កាលពីថ្ងៃសៅរ៍សប្ដាហ៌មុន ថាស្ថានទូតអាមេរិកប្រចាំប្រទេសអ៊ុយក្រែនបានស្នើការដកបុគ្គលិកមិនសូវសំខាន់ចេញពីប្រទេសនេះ ខណៈពេលដែលមានការព្រួយបារម្ភអំពីការផ្ទុះសង្គ្រាមជាមួយប្រទេសរុស្សី និងចំពេលនៃការមកដល់នៃជំនួយអាវុធរបស់អាមេរិក។
ដោយផ្អែកលើប្រភពក្នុងរដ្ឋាភិបាលអ៊ុយក្រែន សារពត៌មានCNN បន្ថែមថាការជម្លៀសបុគ្គលិកស្ថានទូតអាមេរិកអាចនឹងចាប់ផ្ដើមនៅសប្ដាហ៍ក្រោយ។ រឿងនេះបានកើតឡើងបន្ទាប់ប្រធានាធិបតីអាមេរិកលោកចូ បៃដិនបានលើកឡើងកាលពីថ្ងៃពុធ ថាលោកជឿជាក់ថារុស្សីនឹង«ធ្វើសកម្មភាពចូលក្នុង» ប្រទេសអ៊ុយក្រែន។
ស្ថានទូតអាមេរិកក៏បានបង្ហោះសារនៅលើបណ្ដាញសង្គម Twitter ថាកញ្ចប់ជំនួយថ្មីរបស់អាមេរិកដំបូងបានមកដល់អ៊ុយក្រែន ដែលរួមមានសព្វាវុធដែលពួកគេបានពិពណ៌នាថាជា «ជំនួយបង្កការស្លាប់ចំនួន ២០០.០០០ ផោន រួមទាំងគ្រាប់រំសេវសម្រាប់អ្នកការពារជួរមុខរបស់អ៊ុយក្រែន»។
សារព័ត៌មាន Reutersក៏បានរាយការណ៍នៅថ្ងៃសៅរ៍ផងថាទីប្រឹក្សានយោបាយមកពីរុស្ស៊ី អ៊ុយក្រែន បារាំង និងអាល្លឺម៉ង់នឹងធ្វើកិច្ចពិភាក្សា «ទម្រង់ន័រម៉ង់ឌី» នៅទីក្រុងប៉ារីសនៅថ្ងៃទី ២៥ ខែមករា ដើម្បីពិភាក្សាបញ្ហានៅអ៊ុយក្រែន៕
ប្រភព៖ The Guardian
