ខ្សែបម្រើស្លាបរបស់ Liverpool កីឡាករ Luis Diaz បានទាមទារឱ្យមានការកែលម្អក្រុម បន្ទាប់ពីចាញ់ក្រុម Napoli ដោយលទ្ធផល ៤-១ កាលពីថ្ងៃពុធ នៅ Champions League ។
Diaz និយាយថា គ្រាប់បាល់នៅតង់ទី២ របស់គាត់គឺ “គ្មានតម្លៃ” ខណៈដែលហង្សក្រហមត្រូវបាន ក្រុម Napoli នាំមុខច្រើនគ្រាប់ នៅទីក្រុង Naples។

Diaz បានប្រាប់ ESPN តាមរយៈ Gol Caracol ថា “គ្រាប់បាល់ដែលខ្ញុំបានស៊ុតបញ្ចូលទី គឺមិនមានតម្លៃទេ ។ វានឹងមានសារៈសំខាន់ប្រសិនបើវាជួយក្រុមអោយឈ្នះ ។ «យើងត្រូវតែកែលម្អ សម្រាប់ប្រកួតសំខាន់បន្ទាប់ទៀត ដើម្បីផ្លាស់ប្តូរស្វែងរកជ័យជំនះមកវិញ ។
គួរបញ្ជាក់ថា ប្រកួតបន្ទាប់ ក្រុមហង្សក្រហម Liverpool ត្រូវប៉ះ ក្រុម Ajax , ក្រុម Napoli ត្រូវប៉ះម្ចាស់ Rangers នៅថ្ងៃទី១៤ ខែកញ្ញា ឆ្នាំ២០២២ ៕ ចាន់ វិចិត្រ