បញ្ហារបួសកំភួនជើង បានធ្វើអោយខ្សែបម្រើប្រយុទ្ធជួរមុខ Lionel Messi អវត្តមានក្នុងការប្រកួត Champions League ជំនួបរវាងក្រុម Paris St-Germain ជាមួយនឹង Benfica នៅយប់នេះ ។
កីឡាករវ័យ៣៥ឆ្នាំ រូបនេះ ក៏បានអវត្តមានកាលពីថ្ងៃសៅរ៍កន្លងទៅ នៅក្របខណ្ឌ Ligue 1 បន្ទាប់ពីក្រុម PSG ស្មើគ្នា ០-០ ជាមួយ Reims ។ ហើយសម្រាប់រដូវកាលនេះ កីឡាករសញ្ជាតិអាហ្សង់ មិនអាចរកគ្រាប់បាល់បាន នៅលីគ Ligue 1 ។
គួររម្លឹកថា ក្រុម PSG កំពុងឈរកំពូលតារាងពូល H មាន៧ពិន្ទុស្មើគ្នាជាមួយក្រុមលេខ២ Benfica ខណៈ Juventus នៅលេខ៣ ។ ហើយកាលពីជំនួបថ្ងៃទី៦ Benfica ស្មើរគ្នា PSG ១ទល់១ ក្រៅពី Messi កីឡាករ Presnel Kimpembe, Nuno Mendes និង Renato Sanches ក៏នឹងអវត្តមាន ដែរ៕