ម្ចាស់ផ្ទះកាតា ០-២ អេក្វាឌ័រ នៅថ្ងៃបើកឆាក World Cup 2022
អេក្វាឌ័រ ទទួលបាន៣ពិន្ទុពីការប្រកួតបើកឆាកព្រឹត្តិការណ៍បាល់ទាត់ពិភពលោក FIFA World Cup 2022 ក្រោយយកឈ្នះក្រុមម្ចាស់ផ្ទះកាតា ២-០ ក្នុងពូល (A) នៃវគ្គសន្សំពិន្ទុនាក្នុងកីឡដ្ឋាន Al Bayt ក្រោមក្រសែភ្នែកអ្នកទស្សនាប្រមាណ ៦ម៉ឺននាក់។
ក្រុមអេក្វាឌ័រ ធ្វើបានយ៉ាងល្អដោយរកបានគ្រាប់បាល់នាំមុខមុន ក្រុមម្ចាស់ផ្ទះកាតា ដោយបាល់ពិន័យ ១១ម៉ែត្រពីកីឡាករ Enner Valencia នៅនាទី១៦ និងបន្តរកបានគ្រាប់ទី២ នៅនាទី៣១ ក្នុងតង់ទី១ រីឯតង់ទី២ បានត្រឹមវាយសម្រុកគ្នាទៅវិញទៅមកតែមិនមានគ្រាប់ស៊ុតនោះទេ។
គួរបញ្ជាក់ផងថា វគ្គសន្សំពិន្ទុក្នុងពូល A ក្រុមអេក្វាឌ័រ រកបាន ៣ពិន្ទុនាំមុខកំពូលតារាង ខណ:ក្រុមសេណេហ្គាល់ ត្រូវប៉ះក្រុមហូឡង់ សម្រាប់ប្រកួតទី១ នាថ្ងៃទី២១ ខែវិច្ឆិកា ឆ្នាំ២០២២នេះ ចំពោះប្រកួតទី២ ក្នុងពូល A ក្រុមម្ចាស់ផ្ទះកាតា ប៉ះក្រុមសេណេហ្គាល់ ហើយក្រុមហូឡង់ ប៉ះអេក្វាឌ័រ នាថ្ងៃទី២៥ ខែវិច្ឆិកា ឆ្នាំ២០២២ សម្រាប់ព្រឹត្តការណ៍ពិភពលោក ៤ឆ្នាំម្តង ដោយមាន៣២ក្រុមចូលរួម និងមាន ៦៤ប្រកួត៕ ចាន់ វិចិត្រ