ថ្ងៃទី១៤ មករា ឆ្នាំ២០២៣សប្តាហ៍នេះ គឺជាថ្ងៃគំរប់៣៨ឆ្នាំនៃការកាន់អំណាចជានាយករដ្ឋមន្ត្រី របស់សម្តេចតេជោ ហ៊ុន សែន។ សម្តេចតេជោ ហ៊ុន សែន ត្រូវបានរដ្ឋសភាក្នុងជំនាន់ឆ្នាំ១៩៨៥ បោះឆ្នោតក្លាយជាប្រធានក្រុមប្រឹក្សារដ្ឋមន្ត្រី ដែលមានឋានៈស្មើនឹងនាយករដ្ឋមន្ត្រី។ រយៈពេល៣៨ឆ្នាំនៃការគ្រប់គ្រងដឹកនាំប្រទេសនេះ សម្តេចបានប្រឹងប្រែងជាខ្លាំងក្នុងការធ្វើឱ្យប្រទេសអស់សង្គ្រាមផង, ស្តារមុខមាត់កម្ពុជាលើឆាកអន្តរជាតិផង, និងជំនះលើឧបសគ្គធំៗជាច្រើន ដើម្បីធ្វើឱ្យប្រទេសមានការអភិវឌ្ឍ និងពលរដ្ឋមានជីវភាពរស់នៅល្អជាមួយ ចំណូលសេដ្ឋកិច្ចកាន់តែខ្ពស់។ អប្សរាណិតថ្ងៃនេះ មានបទវិចារណកថាមួយក្រោមចំណង ជើងថា«ជីវិតនយោបាយសម្តេចតេជោ ហ៊ុន សែន ផ្សារភ្ជាប់ជាមួយប្រវត្តិសាស្ត្រទំនើបនៃកម្ពុជា»