ញូវដេលី៖ ការអនុម័តសេចក្តីប្រកាសរបស់ក្រុមប្រទេស G20 បរាជ័យ ខណៈដែលលោកខាងលិចព្យាយាមជំរុញបញ្ហាអ៊ុយក្រែន ឲ្យលង់ជ្រៅ កាន់តែខ្លាំង នេះបើតាមប្រមុខកាទូតរុស្ស៊ី កាលពីថ្ងៃព្រហស្បតិ៍ សប្តាហ៍នេះ។

ក្នុងពេលមានវត្តមាននៅទីក្រុង ញូវ ដេលី ប្រទេសឥណ្ឌា ជាទីមានរៀបចំកិច្ចប្រជុំ G20 លោក ឡា វ៉ារ៉ូវ (Lavrov) អ្នកការទូតកំពូលរុស្ស៊ីក៏បានចង្អុលបង្ហាញថា បណ្តាប្រទេសលោកខាងលិចមិនអើពើទាំងស្រុងចំពោះការសារភាពដោយស្មោះត្រង់របស់អ្នកនយោបាយលោកខាងលិច អំពីកិច្ចព្រមព្រៀងទីក្រុង មីនស៍ (Minsk) នៅប្រទេស បេឡារុស នោះឡើយ។

រដ្ឋមន្ត្រីការបរទេសរុស្ស៊ី លោក សឺហ្គេ ឡាវ៉ារ៉ូវ (Sergey Lavrov) បាននិយាយថា រដ្ឋមន្ត្រីការបរទេសនៃបណ្តាប្រទេសមានសេដ្ឋកិច្ចរីកចម្រើនទាំង២០ ហៅកាត់ថា G20 បានបរាជ័យក្នុងការអនុម័តសេចក្តីប្រកាសរួមមួយ ខណៈដែលលោកខាងលិចព្យាយាមនាំយកស្ថានភាពជុំវិញអ៊ុយក្រែន លង់ទៅមុខកាន់តែខ្លាំង។

លោក សឺហ្គេថា ៖ «ជាអកុសល សេចក្តីប្រកាសក្នុងនាមរដ្ឋមន្ត្រី G20 ទាំងអស់មិនអាចអនុម័តបានទេ ….ដៃគូសហការលោកខាងលិចរបស់យើង ដូចដែលពួកគេបានធ្វើ កាលពីមួយឆ្នាំមុន ក្រោមការដឹកនាំរបស់ប្រធានាធិបតីឥណ្ឌូនេស៊ី បានព្យាយាមគ្រប់មធ្យោបាយ ដោយការទំពក់ ឬដោយល្បិចកល ដោយប្រើសេចក្តីថ្លែងការណ៍វោហាសាស្ត្រផ្សេងៗ ដើម្បីនាំយកមកនូវ អំពីស្ថានភាពជុំវិញអ៊ុយក្រែន ដែលជាការពិត ពួកគេមានវត្តមាននៅក្រោមទឹកជ្រលក់ នៃអ្វីដែលហៅថា ការឈ្លានពានរបស់រុស្ស៊ី” គាត់បាននិយាយថា “គ្មានអ្វីល្អទេ ពីរឿងនេះ ជាការពិភាក្សាយ៉ាងហោចណាស់ នៅក្នុងសុន្ទរកថាមួយចំនួន ដោយលោកខាងលិច។»

លោកបញ្ជាក់បន្តថា «លោកខាងលិចបានទទូចឱ្យផលិតឡើងវិញនូវអត្ថបទស្តីពីស្ថានភាពជុំវិញអ៊ុយក្រែន ដែលត្រូវបានព្រមព្រៀងនៅក្នុងកិច្ចប្រជុំកំពូល G20 កាលពីឆ្នាំមុន នៅកោះបាលី ដោយព្រងើយកន្តើយទាំងស្រុងនូវអំណះអំណាងរបស់យើងដែលបានកើតឡើងជាច្រើន ចាប់តាំងពីពេលនោះមក រួមទាំងការទទួលយកដោយបើកចំហពីលោកស្រី អតីតអធិការបតីអាល្លឺម៉ង់ អេនជេឡា មឺកែល (Angela Merkel)។ លោក អតីតប្រធានាធិបតីបារាំង លោក ហូឡង់ (Hollande) លោក អតីតប្រធានាធិបតីអ៊ុយក្រែន ប៉ូរ៉ូឈិនកូ (Poroshenko) និង លោក ប្រធានាធិបតីអ៊ុយក្រែនបច្ចុប្បន្ន ហ្សេឡែនស្គី (Zelensky) ផ្ទាល់ ថា គ្មាននរណាម្នាក់ក្នុងចំណោមពួកគេ នឹងអនុវត្តតាមកិច្ចព្រមព្រៀង មីនស៍ (Minsk) និងគោលបំណងនៃការចុះហត្ថលេខាលើ មីនស៍ នោះទេ»។

លោករដ្ឋមន្ត្រីការបរទេសរុស្ស៊ីបានបន្ថែមថា «កិច្ចព្រមព្រៀងតាមទស្សនៈនៃផលប្រយោជន៍លោកខាងលិច គឺដើម្បីទិញពេលវេលា ដើម្បីបូមអ៊ុយក្រែនជាមួយនឹងអាវុធ និងរៀបចំវា សម្រាប់សង្គ្រាមប្រឆាំងនឹងរុស្ស៊ី»។

លោក ឡាវ៉ារ៉ូវ (Lavrov) បានចង្អុលបង្ហាញទៀតថា «ពួកគេបានបដិសេធយ៉ាងដាច់អហង្ការក្នុងការលើកឡើងពីការពិតនេះ ជាអ្វីដែលមនុស្សធម្មតា មិនអាចប្រកែកបាន» ៕ ប្រភពពី Tass ប្រែសម្រួលដោយ៖ សារ៉ាត