ដើម្បីជ្រាបច្បាស់សូមតាមដានទស្សនាទាំងអស់គ្នា ប្រភព ៖ Lim Soknarith #សច្ចធម៌ប្រវត្ដិសាស្រ្ដ #ព្រះរាជាណាចក្រកម្ពុជា #ដំណើរកម្ពុជា #អតីតកាល #ព្រះសីហនុ Facebook Page: សច្ចធម៌ប្រវត្ដិសាស្រ្ដTo all social media

ប្រវត្តិទំនាក់ទំនងកម្ពុជា-ចិនបានពន្លាតយ៉ាងវែងឆ្ងាយតាំងពីប្រមាណជាង២ពាន់ឆ្នាំមកហើយ ពោលគឺតាំងពីសម័យនគរភ្នំ ដែលចិនហៅថា «នគរហ្វូណន», នេះបើតាមសៀវភៅប្រវត្តិទំនាក់ទំនងកម្ពុជា-ចិន។ ប៉ុន្តែបើតាមសៀវភៅប្រវត្តិសាស្ត្រខ្មែររបស់សាស្ត្រាចារ្យ ត្រឹង ងា បានពន្យល់ថា ថ្វីដ្បិតទំនាក់ទំនងរវាងរាជការខ្មែរនិងរាជការចិនបានចាប់ផ្ដើមចាប់ពីសម័យនគរភ្នំក៏ពិតមែន ប៉ុន្តែទំនាក់ទំនងរវាងប្រជាជននៃប្រទេសទាំងពីរ គឺកើតមានតាំងពីមុនសម័យនគរភ្នំមកម្ល៉េះ ដោយគេបានស្រាវជ្រាវដឹងថាជនជាតិចិនបានមកដល់ទឹកដីអាស៉ីអាគ្នេយ៍ ធ្វើជំនួញជួញដូរជាមួយអ្នកស្រុកនេះជាយូរមកហើយ នេះក៏ព្រោះតែជនជាតិចិនមានអារ្យធម៌យូរលង់ អាចធ្វើសំពៅបរជិះតាមសមុទ្របានឆ្ងាយ។ យោងតាមសៀវភៅប្រវត្តិទំនាក់ទំនងកម្ពុជា-ចិន នៅសម័យរាជវង្សហាន (Han dynasty 202 BC-220 AD) ពិសេសគឺសម័យហានខាងកើត (Eastern Han (25–220 AD) ទំនាក់ទំនងរវាងរាជការខ្មែរនិងរាជការចិនក៏បានផ្ដើមជាលើកដំបូងបង្អស់។ #សច្ចធម៌ប្រវត្ដិសាស្រ្ដ #ព្រះរាជាណាចក្រកម្ពុជា #ភ្ជាប់ទំនាក់ទំនងដំបូងបង្អស់ #ប្រវត្តិទំនាក់ទំនងកម្ពុជានិងចិន Facebook Page: សច្ចធម៌ប្រវត្ដិសាស្រ្ដTo all social media

លក្ខណៈពិសេសរបស់ជនជាតិខ្មែរ គឺពូកែធ្វើសំយោគទស្សនវិជ្ជារបស់ប្រទេសដែលមានអរិយធម៌ចំណាស់ជាមួយទស្សនវិជ្ជាក្នុងស្រុកដែលមានស្រាប់ ហើយបង្កើតបានជាទស្សនវិជ្ជាពិសេសមួយដែលត្រូវនឹងស្ថានភាពនៅក្នុងស្រុក។ ពិតណាស់ ខ្មែរគឺមានជំនឿដើមរបស់ខ្លួនស្រាប់ដែលហៅថា ជំនឿតូទឹម ឬជំនឿបែបនិមិត្តរូប កាលណាខ្មែរមានជំនឿទៅលើអ្វីមួយ ខ្មែរតែងតែនិមិត្តរបស់នោះឱ្យទៅជារបស់ដែលមាននាមនិងរូប ដូច្នេះគោលការណ៍របស់ខ្មែរ គឺសំយោគ ហើយគោលការណ៍ធំបំផុតនៃទស្សនវិជ្ជារបស់ខ្មែរ គឺនាមនិងរូប។ សតវត្សទី១ចាប់ផ្ដើមមានព្រហ្មញ្ញសាសនា ហើយមកដល់សតវត្សទី៣ក៏ចាប់មានពុទ្ធសាសនា។ ការមកដល់កម្ពុជានូវសាសនាពីឥណ្ឌាក៏បាននាំមកជាមួយនូវទស្សនវិជ្ជាផងដែរ ហើយដូនតាខ្មែរទទួលយកសាសនាទាំងពីរនេះដូចគ្នា ប៉ុន្តែភាពអស្ចារ្យរបស់ខ្មែរ គឺមិនទទួលយកអ្វីដែលមិនល្អទេ ហើយអ្វីដែលល្អខ្មែរទទួលយក និងសំយោគជាមួយអ្វីដែលមានស្រាប់ ចំណុចដែលមិនសមស្របជាមួយឥរិយាបថ ឬគំនិត គឺខ្មែរមិនទទួលយកទេ។ ភាពអស្ចារ្យរបស់ទស្សនវិទូខ្មែរ គឺការសំយោគឱ្យជំនឿ សាសនា ទស្សនវិជ្ជាទាំងអស់នោះបាននៅជាមួយគ្នា ដោយរួមរស់ជាមួយគ្នា មិនមាននូវជម្លោះ។ #សច្ចធម៌ប្រវត្ដិសាស្រ្ដ #ព្រះរាជាណាចក្រកម្ពុជា #វប្បធម៌ #ទស្សនវិជ្ជាខ្មែរ #ទស្សនវិទូខ្មែរ #សាសនា Facebook Page: សច្ចធម៌ប្រវត្ដិសាស្រ្ដTo all social media

#សច្ចធម៌ប្រវត្ដិសាស្រ្ដ #ព្រះរាជាណាចក្រកម្ពុជា #ដំណើរកម្ពុជា #រាជរដ្ឋាភិបាល #នាយករដ្ឋមន្រ្តី #រដ្ឋមន្រ្តី Facebook Page: សច្ចធម៌ប្រវត្ដិសាស្រ្ដTo all social media

ប្រាក់បែបថ្មីក្នុងសម័យទំនើបរបស់កម្ពុជា គឺមានតែប្រាក់រៀលនេះឯង ដែលត្រូវបានបោះពុម្ភឡើងជាមួយនឹងការបង្កើតធនាគារជាតិនៃកម្ពុជា តាំងពីឆ្នាំ១៩៥៥ ពោលគឺភ្លាមៗក្រោយពេលកម្ពុជាទាមទារឯករាជ្យបានពីប្រទេសបារាំង ក្រោមព្រះរាជបូជនីយកិច្ចរបស់ព្រះបាទសម្ដេចព្រះបរមនាថ សីហនុ «ព្រះបរមរតនកោដ្ឋ» ព្រះវររាជបិតាជាតិខ្មែរ។ ប្រាក់រៀល ត្រូវបានបិទលែងឱ្យប្រើប្រាស់ក្នុងសម័យកម្ពុជាប្រជាធិបតេយ្យ ប៉ុល ពត និងកាត់ផ្ដាច់ប្រព័ន្ធសេដ្ឋកិច្ច បំផ្លិចបំផ្លាញសមិទ្ធផលជាតិទាំងស្រុង។ ឆ្នាំ១៩៧៩ ជាឆ្នាំរំដោះប្រទេសនិងប្រជាជនកម្ពុជាចេញពីរបបប្រល័យពូជសាសន៍ ទើបមានការបើកដំណើរការធនាគារជាតិនៃកម្ពុជាឡើងវិញ ហើយនៅឆ្នាំ១៩៨០ ទើបមានការដាក់ឱ្យចរាចរណ៍ប្រាក់រៀលសាជាថ្មី។ មុនមានប្រាក់រៀល អាណានិគមបារាំងបាននាំយកប្រាក់ព្យាស (Piastre) មកដាក់ឱ្យចរាចរណ៍ចាយវាយទូទាំងតំបន់ឥណ្ឌូចិន ដែលមានទាំងកម្ពុជា លាវ តុងកឹង អណ្ណាម និងកូសាំងស៊ីន (កម្ពុជាក្រោម)៕ #សច្ចធម៌ប្រវត្ដិសាស្រ្ដ #ព្រះរាជាណាចក្រកម្ពុជា #សមាគមប្រជាជាតិអាស៊ីអាគ្នេយ៍ #សមាជិកអាស៊ាន #ដំណើរកម្ពុជា Facebook Page: សច្ចធម៌ប្រវត្ដិសាស្រ្ដTo all social media

ប្រាសាទបាយ័ន្ត នៅចំកណ្ដាលក្រុងអង្គរធំ ដែលត្រូវបានសាងសង់ឡើងដើម្បីឧទ្ទិសថ្វាយព្រះពុទ្ធសាសនាមហាយាន «ព្រះពោធិសត្វអវលោកេស្វរៈ» និងសម្រាប់ជាប្រាសាទរាជ្យរបស់ព្រះបាទជយវម៌្មទី៧ផង។ ១. ព្រះភក្ត្រព្រះពោធិសត្វ ព្រះបាទជយវម៌្មទី៧ មានជំនឿយ៉ាងមុតមាំទៅលើព្រះពុទ្ធសាសនាមហាយាន ហើយបានគោរពបូជាចំពោះព្រះពុទ្ធអង្គព្រះនាម «ព្រះពោធិសត្វអវលោកេស្វរៈ»។ អត្ថន័យនៃពាក្យ «ព្រះពោធិសត្វ» មានន័យថាជាអ្នកដែលប្រាថ្នាជាប់ជានិច្ចនូវពោធិញាណ គឺជាអ្នកដែលកំពុងខំប្រឹងបំពេញបារមី ព្រោះចង់ត្រាស់ដឹងជាព្រះសម្មាសម្ពុទ្ធ។ ២. ព្រះភក្ត្រព្រះបាទជយវម៌្មទី៧ មុខទាំង៤នេះក៏តំណាងឱ្យព្រហ្មវិហារធម៌ទាំងបួនរបស់ព្រះបាទជយវម៌្មទី៧ដែលមានចំពោះប្រជារាស្ត្រ នោះគឺមេត្តា ករុណា មុទិតា និងឧបេក្ខា ដែលព្រះអង្គរមែងយកព្រះទ័យទុកដាក់ជាប់ជានិច្ចលើសុខទុក្ខរបស់ប្រជារាស្ត្រជាងព្រះកាយរបស់ព្រះអង្គទៅទៀត។ #សច្ចធម៌ប្រវត្ដិសាស្រ្ដ #ព្រះរាជាណាចក្រកម្ពុជា #ដំណើរកម្ពុជា #ប្រាសាទបាយ័ន្ត #ព្រះភក្ត្រ Facebook Page: សច្ចធម៌ប្រវត្ដិសាស្រ្ដTo all social media

#សច្ចធម៌ប្រវត្ដិសាស្រ្ដ #ព្រះរាជាណាចក្រកម្ពុជា #ដំណើរកម្ពុជា #រាជធានី #ភ្នំពេញ Facebook Page: សច្ចធម៌ប្រវត្ដិសាស្រ្ដTo all social media