នៅថ្ងៃទី២៩ ខែធ្នូ ឆ្នាំ២០២២នេះ គឺជាខួប២៤ឆ្នាំ នៃការបញ្ចប់សង្គ្រាមនៅកម្ពុជា ក្រោមនយោបាយ ឈ្នះ-ឈ្នះ (២៩ ធ្នូ ១៩៩៨-២៩ ធ្នូ ២០២២) ដែលកម្ពុជារកបាននូវសុខសន្តិភាពពេញលេញ និងមានការឯកភាពជាតិទាំងស្រុងជាប្រវត្តិសាស្ត្រ។ ការបិទបញ្ចប់សង្គ្រាម បានជោគជ័យអាស្រ័យដោយការលះបង់របស់ថ្នាក់ដឹកនាំ និងប្រតិបត្តិករឆ្នើម នៃនយោបាយឈ្នះ-ឈ្នះ។ នយោបាយ ឈ្នះ-ឈ្នះ នាំមកនូវការធានា ដល់សន្តិសុខសង្គម ការបង្រួបបង្រួមជាតិ ឯកភាពជាតិ សនិ្តភាព ការធានាដល់បូរណភាពដែនដី អធិបតេយ្យ និងការអភិវឌ្ឍសេដ្ឋកិច្ច នយោបាយសង្គមប្រកបដោយចីរភាព។ #សច្ចធម៌ប្រវត្ដិសាស្រ្ដ #ព្រះរាជាណាចក្រកម្ពុជា #រដ្ឋាភិបាល #ឯកភាពជាតិ #ប្រតិបត្តិករឆ្នើម #សុខសន្តិភាព #នយោបាយឈ្នះឈ្នះ #ការបញ្ចប់សង្គ្រាម Facebook Page: សច្ចធម៌ប្រវត្ដិសាស្រ្ដTelegram Channel

១. ថ្នាក់ដឹកនាំ៖ បេសកកម្មដែលនាំមកនូវសន្តិភាពសម្រាប់ជាតិ និងប្រជាជនកម្ពុជា នឹងមិនអាចសម្រេចបានឡើយ បើមិនមានអគ្គមគ្គុទ្ទេសក៍ឯកដឹកនាំត្រឹមត្រូវ គឺសម្តេចតេជោ ហ៊ុន សែន ២. តួនាទីរដ្ឋបាលកណ្តាល៖ ការរួបរួមសាមគ្គីជាធ្លុងមួយរបស់រដ្ឋបាលកណ្តាល រាប់ចាប់ពីស្ថាប័នព្រះមហាក្សត្រ នីតិបញ្ញត្តិ និងនីតិប្រតិបត្តិ គឺសំខាន់ខ្លាំងណាស់ ក្នុងការដឹកនាំនាវាកម្ពុជា ៣. ប្រតិបត្តិករ៖ ទន្ទឹមនឹងមានមេដឹកនាំល្អ ប្រតិបត្តិករទាំងឡាយដូចជាមហាជន និងកងយោធពលខេមរភូមិន្ទជាដើម គឺជាកម្លាំងស្នូលយ៉ាងសំខាន់ក្នុងការអនុវត្តនយោបាយឈ្នះ-ឈ្នះ ឱ្យសម្រេចបានជោគជ័យ ៤. ការកសាងទំនុកចិត្ត៖ ជំនឿទុកចិត្តរបស់ពលរដ្ឋមកលើថ្នាក់ដឹកនាំ គឺជាចលករចាំបាច់ខ្វះមិនបាន ដើម្បីរក្សាកម្លាំងគាំទ្រពេញផ្ទៃប្រទេស ៥. កត្តាមនោគមវិជ្ជានយោបាយ សេដ្ឋកិច្ច និងពាណិជ្ជកម្ម៖ បរិបទនៃការផ្លាស់ប្តូរចរន្តសេដ្ឋកិច្ចរបស់កម្ពុជា ជាបរិបទដ៏ធំក្នុងប្រវត្តិសាស្ត្រ ដោយបែរទៅរកសេដ្ឋកិច្ចទីផ្សារសេរី ដែលចរន្តបានជ្រាបដល់គ្រប់ស្រទាប់ប្រជាជាតិ ៦. កត្តាការបរទេស៖ សហគមន៍អន្តរជាតិ ក៏បានដើរតួដ៏សំខាន់ផងដែរ ជាពិសេសក្នុងកាលៈទេសៈ ដែលប្រទេសទាំងអស់នោះ បានប្តូរជំហររបស់ខ្លួន ពីការគាំទ្ររដ្ឋាភិបាលកម្ពុជាប្រជាធិបតេយ្យ មកទទួលស្គាល់រដ្ឋាភិបាលដែលដឹកនាំដោយសម្តេចតេជោវិញ ៧. ការបែកបាក់របស់ខ្មែរក្រហម៖ សសរស្តម្ភទី១ របស់យុទ្ធសាស្ត្រឌីហ្វីឌ គឺ Divide មានន័យថាបំបែក ដែលបានបំបែកកម្លាំងស្នូលរបស់ខ្មែរក្រហមជាក្រុមៗដាច់ចេញពីគ្នា តួយ៉ាងតាម៉ុកឈរជើងនៅអន្លង់វែង…