https://www.facebook.com/blackcrowkh/posts/236281218253507

ថ្ងៃនេះ កាលពី៤៦ឆ្នាំមុន (១៧មេសា ១៩៧៥) ជាថ្ងៃជ័យជម្នះរបស់កងទ័ពរំដោះខ្មែរក្រហមលើរបបលន់ នល់ ផង និងជាថ្ងៃចាប់ផ្តើមបើកទំព័រសករាជថ្មី ដ៏ខ្មៅងងឹតនៃប្រជាជនកម្ពុជាផង ដែលខ្មែរក្រហមបានរុញច្រានប្រជាជនកម្ពុជាធ្លាក់ទៅកាន់ឋាននរកទាំងរស់។ សករាជថ្មីដែលពួកអាវខ្មៅបង្កើតឡើងនេះ បានបង្កជាវិនាសកម្មមួយយ៉ាងធ្ងន់ដែលមិនធ្លាប់មានក្នុងប្រវត្តិសាស្ត្រ ប្រជាជនកម្ពុជាត្រូវរស់នៅយ៉ាងវេទនា ព្រាត់ប្រាស់ក្រុមគ្រួសារ មនុស្សជាទីស្រឡាញ់ ហូបមិនគ្រន់គ្រាន់ ធ្វើការជាទម្ងន់ និងការសម្លាប់។ពួកអាវខ្មៅទាំងនេះ បានលុបបំបាត់នូវសិទ្ធិសេរីភាពជាពលរដ្ឋ ដោយបានជម្លៀសដោយបង្ខំឲ្យប្រជាជនរស់នៅក្រុងភ្នំពេញ ចេញទៅតាមទីជនបទចុងកាត់មាត់ញក ដើម្បីធ្វើស្រែចម្ការ។ គ្មាននរណាម្នាក់ អាចរស់នៅជួបជុំក្រុមគ្រួសារបានទេ។ ពួកអាវខ្មៅបានបំបែកសមាជិកគ្រួសារម្នាក់ៗទៅតាមភេទ និងវ័យ ឲ្យទៅធ្វើការតាមកងរៀងៗខ្លួន។ សមាជិកគ្រួសារស្ទើរតែទាំងអស់ បានបែកគ្នារហូតមកទល់នឹងពេលនេះ។ យ៉ាងហោចណាស់ ក្នុងមួយគ្រួសារមានសមាជិកម្នាក់ បានបាត់បង់ជីវិតក្នុងរបបឃោរឃៅមួយនេះ។ខ្មែរក្រហមបង្ខំឲ្យប្រជាជន ធ្វើការជាទម្ងន់លើសពី១២ម៉ោងក្នុងមួយថ្ងៃ ៧ថ្ងៃក្នុងមួយសប្តាហ៍ ដោយគ្មានពេលឈប់សម្រាក ប្តូរមកវិញជាមួយនឹងរបបបបរតែប៉ុន្មានស្លាបព្រាបាយប៉ុណ្ណោះ។ មនុស្សជាច្រើន ត្រូវបានស្លាប់ដោយការធ្វើការលើសកម្លាំង និងឈឺគ្មានថ្នាំព្យាបាល។ របបដ៏យង់ឃ្នងនេះ បានប្រែក្លាយសាលារៀន វត្តអារាម ដែលជាទីផ្តល់នូវចំណេះដឹង និងជំនឿ ឲ្យក្លាយទៅជាមន្ទីរឃុំឃាំងសួរចម្លើយ ក្រោលគោ ទ្រុងចញ្ចឹមជ្រូក ជង្រុកស្រូវ និងផ្ទះបាយ ជាដើម។ ជំនឿសាសនាគ្រប់បែបយ៉ាងត្រូវបានហាមឃាត់ ហើយអ្នកណាដែលហ៊ានបំពាន នឹងត្រូវចាប់យកទៅអប់រំ ឬសម្លាប់តែម្តង។ មរតកដែលរបបអាវខ្មៅមួយនេះ…

នៅថ្ងៃទី១៧ ខែមេសា ឆ្នាំ១៩៧៥ កងទ័ពរំដោះខ្មែរក្រហម ដណ្តើមគ្រប់គ្រងបានទីក្រុងភ្នំពេញទាំងស្រុង។ ក្រោយក្តាប់អំណាច ខ្មែរក្រហមនៅតែបន្តហៅខ្លួនឯងថា រាជរដ្ឋាភិបាលរួបរួមជាតិកម្ពុជា។ ប៉ុន្តែ អំណាចទាំងស្រុងគឺស្ថិតនៅលើបក្សកុម្មុយនីស្តកម្ពុជាដដែល។ ជាមួយគ្នានេះ ខ្មែរក្រហមក៏បានបង្កើតឲ្យមានរដ្ឋធម្មនុញ្ញ និងរចនាសម្ព័ន្ធគ្រប់គ្រងរដ្ឋថ្មីផងដែរ៕ https://www.facebook.com/blackcrowkh/posts/231654042049558

«សហករណ៍» ជាពាក្យដែលត្រូវបានឮ បន្ទាប់ពីប្រជាជនក្រុងភ្នំពេញត្រូវបានជម្លៀសទៅដល់ទីជនបទ។ ប្រជាជនម្នាក់ៗហាក់ស្រឡាំងកាំង នៅពេលដែលខ្មែរក្រហម ប្រកាសប្រាប់ឲ្យប្រមូលទ្រព្យសម្បតិ្តឯកជនទាំងអស់មកដាក់ជារួម និងបំបែកចេញពីក្រុមគ្រួសារទៅធ្វើការតាមសហករណ៍រៀងៗខ្លួន ដោយគ្មានអ្វីជាកម្មសិទ្ធិផ្ទាល់ខ្លួនទៀតឡើយ សូម្បីតែជីវិត។ https://www.facebook.com/blackcrowkh/posts/230136395534656