រដ្ឋលេខាធិការម្នាក់នៃក្រសួងទំនាក់ទំនងជាមួយរដ្ឋសភានិងព្រឹទ្ធសភានិងអធិការកិច្ច ត្រូវបានគេប្តឹងពីបទឆរ បោកជនបរទេសជាតិជប៉ុនម្នាក់ពាក់ព័ន្ធនឹងទឹកប្រាក់ចំនួន៧ម៉ឺន៥ពាន់ដុល្លារអាមេរិក។

ស្ថានីយនិងដេប៉ូលក់ប្រេងយ៉ាងហោចចំនួន១៩៧កន្លែង ដែលប្រកបអាជីវកម្មមិនសុចរិត ត្រូវបានមន្រ្តីជំនាញ រកឃើញក្នុងរយៈពេលជិត៨ខែដើមឆ្នាំនេះ។

មនុស្សយ៉ាងហោចចំនួន៣២នាក់បានស្លាប់ និងរងរបួសនៅក្នុងរយៈពេល៧ខែនៃឆ្នាំ២០២១នេះ ដោយសារ សំណល់ជាតិផ្ទុះនានាក្នុងប្រទេសកម្ពុជា។ តួលេខរងគ្រោះនេះ បានបញ្ជាក់ក្នុងសេចក្តីប្រកាសព័ត៌មានថ្ងៃទី២៦ សីហារបស់ អាជ្ញាធរមីនកម្ពុជាក្រោយកិច្ចប្រជុំក្រុមការងារបច្ចេកទេសជុំវិញផែនការសកម្មភាពការបោសសំអាត មីននិងគ្រាប់មិនទាន់ផ្ទុះនៅកម្ពុជា។ សេចក្តីប្រកាសព័ត៌មានដដែលមិនបានបញ្ជាក់ថាតើក្នុងចំនួនអ្នករងគ្រោះ ៣២នាក់នោះ, តើមានចំនួនស្លាប់និងរបួសប៉ុន្មាននាក់នោះទេ។

ស្ថានទូតកម្ពុជាប្រចាំសហរដ្ឋអាមេរិកបានចាត់វិធានការចំពោះការបន្លំស្លាកសញ្ញា «ផលិតផលគុយទាវភ្នំពេញ» និង «រូបសញ្ញាប្រាសាទអង្គរវត្ត» របស់កម្ពុជានៅទីផ្សារអាមេរិក។

ថវិកាជិត៧០ម៉ឺនដុល្លារអាមេរិក ត្រូវបានកាកបាទក្រហមកម្ពុជាផ្ដល់ជូនសមាគមអតីតយុទ្ធជនកម្ពុជា សម្រាប់ ការបន្តសាងសង់ផ្ទះជូនអតីតយុទ្ធជនកម្ពុជាក្រីក្រចំនួន៦២៨គ្រួសារនៅខេត្តពោធិ៍សាត់។

ស្ត្រីខ្មែរ១២រូបដែលរងគ្រោះដោយការជួញដូរ នៅប្រទេសចិនត្រូវបានជួយសង្គ្រោះ និងត្រៀមនាំមកជួបជុំក្រុម គ្រួសារនៅប្រទេសកម្ពុជាវិញសប្តាហ៍ក្រោយ។ ស្ត្រីខ្មែរទាំង១២រូប ត្រូវបានស្ថានអគ្គកុងស៊ុលកម្ពុជាប្រចាំទីក្រុង ឆុងឈីង ប្រទេសចិន ដែលសហការជាមួយនឹងអាជ្ញាធរចិនបានជួយសង្គ្រោះកាលពីថ្ងៃទី២៦សីហា។ មន្ត្រីនាំ ពាក្យក្រសួងការបរទេសកម្ពុជាលោក កុយ គួង បានបញ្ជាក់ថាស្ត្រីខ្មែររងគ្រោះទាំង១២រូបនោះ នឹង វិលត្រឡប់ មកដល់កម្ពុជាវិញ នៅថ្ងៃទី២កញ្ញាតាមជើងយន្តហោះ។

កម្ពុជាបានបង្ក្រាបអំពើជួញដូរមនុស្ស និងអំពើកេងប្រវ័ញ្ចបាន១៩៨ករណីក្នុងរយៈពេល៦ខែដើមឆ្នាំនេះ។  រដ្ឋលេខាធិការក្រសួងមហាផ្ទៃលោកស្រី ជូ ប៊ុនអេង បានថ្លែងនៅថ្ងៃនេះថាការបង្ក្រាបនេះ បានកើន១៣៥ករណី ប្រៀបធៀបនឹងឆ្នាំ២០២០កន្លងមក។

ខេត្តកែប បានបន្តរកឃើញ អ្នកឆ្លងជំងឺកូវីដ១៩ បន្ថែមចំនួន ២នាក់ ទៀត ក្នុងរយៈពេល ២៤ម៉ោង ចុងក្រោយ នេះ ដែលជាតួលេខដូចគ្នា បើធៀបនឹងម្សិលការរកឃើញពីម្សិលមិញ ។

ខេត្តប៉ៃលិន ក្នុងរយៈពេល ២៤ម៉ោង ចុងក្រោយនេះ បានបន្តរកឃើញអ្នកឆ្លងជំងឺកូវីដ១៩ ចំនួន ៨នាក់ ថែម ទៀត ដែលជាតួលេខឆ្លងខ្ពស់ជាងម្សិលមិញចំនួន ៦នាក់ ។ យោងតាមរដ្ឋបាលខេត្ត ការឆ្លងនៅថ្ងៃនេះ ជាករណី ឆ្លងលើពលករដែលទើបវិលត្រលប់មកពីប្រទេសថៃ មានស្រុកកំណើតនៅខេត្តបាត់ដំបងចំនួន៥នាក់, ខេត្ដតាកែវ ចំនួន២នាក់  និងខេត្តស្វាយរៀង ១នាក់ ។ ខេត្តប៉ៃលិននៅថ្ងៃនេះ បានព្យាបាលអ្នកជំងឺកូវីដ១៩ ឲ្យជាសះស្បើយ ឡើងវិញចំនួន ២៨នាក់ ផងដែរ ៕

ខេត្តកោះកុង បានបន្តរកឃើញអ្នកឆ្លងជំងឺកូវីដ១៩ ចំនួន ៤នាក់ ថែមទៀត នៅថ្ងៃនេះ ដែលជាតួលេខឆ្លងថយ ចុះចំនួន៤នាក់ បើប្រៀបធៀបនឹងការរកឃើញកាលពីម្សិលមិញ ។