សម្ភារៈការពារវេជ្ជសាស្រ្តជាង២លានឈុតត្រូវបានឧបត្ថម្ភដល់កម្ពុជាដោយក្រុមហ៊ុនឯកជនមួយឈ្មោះ Oak Sourcing & Logistic,LLCដើម្បីចូលរួមប្រឆាំងនឹងជម្ងឺកូវីដ១៩។  សម្ភារៈការពារវេជ្ជសាស្រ្តជាង២លានឈុតនេះ បានផ្តល់មកតាមរយៈសមាគមគ្រូពេទ្យស្ម័គ្រចិត្តយុវជនសម្តេចតេជោ TYDA កាលពីថ្ងៃទី២៤សីហា។

ខេត្តកំពត បានរកឃើញអ្នកឆ្លងជំងឺកូវីដ១៩ ចំនួន ១២នាក់ និងមានអ្នកស្លាប់ថ្មី ម្នាក់ ថែមទៀត ក្នុងរយៈពេល ២៤ម៉ោង ចុងក្រោយនេះ ។យោងតាមរដ្ឋបាល ការឆ្លងនៅថ្ងៃនេះ បានកើតលើពលរដ្ឋមានទីលំនៅក្នុងក្រុងកំពត ៤នាក់, ស្រុកឈូក ៥នាក់,ស្រុកទឹកឈូរ ២នាក់ និងឆ្លងលើពលរដ្ឋក្នុងស្រុកអង្គរជ័យចំនួន ម្នាក់។ ចំណេកអ្នក ស្លាប់ថ្មីម្នាក់ ថែមទៀតនោះវិញគឺជា បុរស់ចំណាស់ វ័យ ៧៥ឆ្នាំ នៃក្រុងបូគោ ។

ខេត្តកោះកុង ក្នុងរយៈពេល ២៤ម៉ោង ចុងក្រោយនេះ បានបន្តរកឃើញអ្នកឆ្លងជំងឺកូវីដ១៩ ចំនួន ២១នាក់ ថែម ទៀត ដែលជាតួលេខឆ្លងកើនខ្ពស់ជាងម្សិលមិញចំនួន ១៥នាក់ ។

ខេត្តកែប បានបន្តរកឃើញអ្នកវិជ្ជមានកូវីដ១៩ ចំនួន ៤នាក់ ថែមទៀត ក្នុងរយៈពេល ២៤ម៉ោង ចុងក្រោយនេះ ដែលជាតួលេខឆ្លងថយចុះចំនួន ៣នាក់ ធៀបនឹងម្សិលមិញ ។ យោងតាមរដ្ឋបាលខេត្ត អ្នកជំងឺកូវីដ១៩ថ្មី ទាំង ៤នាក់ នោះ គឺជាពលរដ្ឋនរស់នៅក្នុងស្រុកដំណាក់ចង្អើរ ។ ខេត្តកែបគឺជាខេត្តដែលមិនទាន់មានការឆ្លងវីរុស បំប្លែងថ្មី Delta នោះឡើយ។

ខេត្តប៉ៃលិន ក្នុងរយៈពេល ២៤ម៉ោង ចុងក្រោយនេះ បានបន្តរកឃើញអ្នកឆ្លងជំងឺកូវីដ១៩ ចំនួន ៣នាក់ ថែម ទៀត ដែលជាតួលេខឆ្លងទាបជាងម្សិលមិញចំនួន ៦នាក់ ។

ខេត្តព្រះវិហារ ក្នុងរយៈពេល ២៤ម៉ោងចុងក្រោយនេះ បាន បានរកឃើញអ្នកឆ្លងជំងឺកូវីដ១៩ ចំនួន ៩នាក់ ថែម ទៀត ដែលជាតួលេខឆ្លងថយចុះចំនួន ១៦ ធៀបនឹងម្សិលមិញ ។ យោងតាមរដ្ឋបាលខេត្ត ការឆ្លងថ្មីនៅថ្ងៃនេះ បានកើតឡើងលើពលរដ្ឋនៅក្នុងស្រុកគូលែនទាំងអស់ ។

ខេត្តរតនគិរី បានបន្តរកឃើញអ្នកមានវិជ្ជមានកូវីដ១៩ ចំនួន ២៣នាក់ និងមានអ្នកស្លាប់ថ្មីម្នាក់ ក្នុងរយៈពេល ២៤ម៉ោង ចុងក្រោយនេះ ។ នេះជាតួលេខឆ្លងកើនឡើងចំនួន ៥នាក់ បើប្រៀបធៀបនឹងការរកឃើញឆ្លងកាល ពីម្សិលមិញ ។

ខេត្តមណ្ឌលគិរី បានបន្តរកឃើញអ្នកឆ្លងឆ្លងកូវីដ១៩ ចំនួន ២៩នាក់ ថែមទៀត ដែលជាតួលេខឆ្លងកើនឡើង ជាងម្សិលមិញចំនួន ២នាក់ ។

ខេត្តកំពង់ធំ បានបន្តរកឃើញអ្នកឆ្លងជំងឺកូវីដ១៩ចំនួន ៣៤នាក់ និងមានអ្នកស្លាប់ថ្មី ៣នាក់ ថែមទៀត ក្នុងរយះ ពេល២៤ម៉ោង ចុងក្រោយនេះ ។ នេះជាតួលេខឆ្លងកើនឡើងចំនួន៨នាក់ ធៀបនឹងការរកឃើញកាលពីម្សិល មិញ ។

ខេត្តកំពង់ឆ្នាំង បានរកឃើញអ្នកឆ្លងជំងឺកូវីដ១៩ ចំនួន ១៧នាក់ថែមទៀត  នៅថ្ងៃនេះ ដែលជាតួលេខឆ្លងថយ ចុះចំនួន ២០នាក់ ធៀបនឹងការរកឃើញកាលពីម្សិលមិញ ។