នាយករដ្ឋមន្ត្រីអង់គ្លេសបានប្រកាសលាលែងចេញពីតំណែង ខណៈដែលចំណាត់ការ លើ ថវិកាខ្នាតតូចមួយដែលទើបបញ្ចេញដំបូងរបស់រដ្ឋាភិបាលលោកស្រី បានធ្វើទីផ្សារអង់គ្លេស រងភាពរង្គោះរង្គើ និងប៉ះពាល់ការខាតបង់ទឹកប្រាក់ច្រើនដល់៧២ពាន់លានផោន។ លុយផោន របស់អង់គ្លេស បានធ្លាក់ចុះជាខ្លាំង ដោយសារតែផែនការដាក់ចេញដោយរដ្ឋាភិបាលថ្មីរបស់ លោកស្រី Liz Truss ។ ដោយការរិះគន់មិនអាចទ្រាំទ្របាន លោកស្រី Liz Truss បានប្រកាស ការលាសុំចេញពីតំណែង។ នាយករដ្ឋមន្ត្រីថ្មីនឹងត្រូវគេប្រកាសឈ្មោះ នៅថ្ងៃទី២៨តុលាឆ្នាំ ២០២២ គ្រាដែលមានបេក្ខជនស្នើរកជំនួសកន្លែងនេះជាច្រើន ក្នុងនោះរួមមានទាំងអតីត នាយករដ្ឋមន្ត្រី លោក បូរីសចនសុន ដែលបានលាលែងចេញតំណែងមុននេះ ដោយសារតែ រងនឹងភាពអាស្រូវផ្ទាល់ខ្លួនផងដែរ។ លោក ម៉ារ យ៉ារិទ្ធិ មានសេចក្តីរាយការណ៍នេះ

តួលេខស្លាប់ដោយសារកូវីដ១៩ក្នុងប្រទេសអាស៊ានរយៈពេល២៤ម៉ោងចុងក្រោយនេះ មានចំនួន៦៧នាក់។ តួលេខឆ្លងមានចំនួន១ម៉ឺន ៦ពាន់ ៦៨៣ករណី។ ប្រទេសសឹង្ហបុរី គឺជា ប្រទេសដែលមានករណីឆ្លងកូវីដ១៩ថ្មីច្រើនជាងគេបំផុត។ អប្សរាណិតរាយការណ៍

តួលេខឆ្លងថ្មីនៃជម្ងឺកូវីដ១៩ ក្នុងរយៈពេល ២៤ម៉ោងចុងក្រោយនេះ បានកើនឡើងមកវិញ ចំនួន២ ករណី បើប្រៀបធៀបនឹងម្សិលមិញ ។ ការឆ្លងថ្មីកូវីដ-១៩ មានចំនួន ៣នាក់ ដែលជា ករណីឆ្លងនៅក្នុងសហគមន៍ទាំងអស់ ។

អ៊ុយក្រែនបាននិងកំពុងប្រឈមការលំបាកហើយលើការដាច់ចរន្តអគ្គិសនី និងថែមទាំងគ្មានទឹកទៀតដោយសារតែយុទ្ធសាស្ត្រវាយប្រហាររបស់រុស្ស៊ីក្នុងរដូវរងារមកដល់នេះ។ ការវាយ ប្រហារដោយមីស៊ីល និងដ្រូនអត្តឃាតដូចគ្រាប់ភ្លៀងប៉ុន្មានថ្ងៃមកនេះ បានធ្វើឱ្យស្ថានីយ៍ ថាមពលលើទឹកដីអ៊ុយក្រែនប្រមាណ៣០ភាគរយ បានរងការបំផ្លាញ។ លោក ម៉ារ យ៉ារិទ្ធិ រាយការណ៍ជុំវិញស្ថានការណ៍នេះ

អគ្គមេបញ្ជាការរង និងជាមេបញ្ជាការកងទ័ពជើងគោក លោកឧត្តមសេនីយ៍ឯក ហ៊ុន ម៉ាណែត បានអញ្ជើញជួបសម្តែងការគួរសមចំពោះប្រធានាធិបតីទីម័រខាងកើតលោក ហូសេ រ៉ាម៉ូស ហ័រ តា ក្នុងឱកាសបំពេញទស្សនកិច្ច៣ថ្ងៃលើទឹកដីប្រទេសកម្ពុជា។

សម្តេចតេជោ ហ៊ុន សែន បានថ្លែងបង្ហាញភាពហួសចិត្តជុំវិញទង្វើរបស់សមរង្ស៊ីដែលហ៊ានចុះ ហត្ថលេខាកាត់ទឹកដីខ្មែរ៤ខេត្តនៃភាគឥសានប្រទេសដល់ក្រុមវៀតណាមម៉ុងតាញ៉ា។

សម្តេចតេជោ ហ៊ុន សែន បានបញ្ជាក់ការមិនលើកលែងទោសដាច់ខាតដល់ទណ្ឌិត សម រង្ស៊ី ក្នុងសំណួរឆ្លើយតបមួយចំពោះក្រុមអ្នកសារព័ត៌មាន។ ទណ្ឌិតសមរង្ស៊ី ត្រូវបានសម្តេចថ្លែង ថាធ្លាប់បានលើកលែងទោសចំនួន២ដងរួចមកហើយ, និងទណ្ឌិតរូបនេះមិនត្រឹមតែមិនកែកំហុសរបស់ខ្លួននោះទេ ប៉ុន្តែថែមទាំងបានបង្កើនកំហុសដ៏ធ្ងន់ធ្ងរថែមទៀតចំពោះប្រទេសជាតិ និងប្រជាជនរបស់ខ្លួន។