តួលេខឆ្លងថ្មីនៃជម្ងឺកូវីដ១៩ ក្នុងរយៈពេល ៧២ម៉ោងចុងក្រោយនេះ មានការថយចុះតិចតួច បើប្រៀបធៀបនឹងសប្តាហ៍មុន ។ កាលពីថ្ងៃសៅរ៍ តួលេខឆ្លងមាន ២៨នាក់, នៅថ្ងៃអាទិត្យ ២៩នាក់ និងនៅថ្ងៃច័ន្ទនេះមានចំនួន ២៨នាក់ នាំឲ្យតួលេខសរុបស្មើនឹង ៨៥នាក់ ថយចុះ១២ករណី បើប្រៀបធៀបនឹងសប្តាហ៍មុន ។ កម្ពុជាក្នុងរយៈពេល ៤៨ថ្ងៃ ដែលបានរក ឃើញការឆ្លងសាជាថ្មីនេះ មានអ្នកឆ្លងសរុបចំនួន ៨៧៤នាក់ហើយ។ 

ភូមិអូរពីរនៃតំបន់ដាច់ស្រយាល ក្នុងឃុំដងក្តារ, ស្រុកស្ទឹងត្រង់ ខេត្តកំពង់ចាម បានទទួលអគារសិក្សាថ្មី១ខ្នង, ៤ បន្ទប់ដែលជាអំណោយរបស់សប្បុរសជនជប៉ុន តាមរយៈទីប្រឹក្សាផ្ទាល់ សម្តេចតេជោ ហ៊ុន សែន គឺឯកឧត្តមរដ្ឋលេខាធិការក្រសួងមហាផ្ទៃបណ្ឌិត ស៊ាង ប៊ុនលាង។ តាមរយៈការសាងសង់អគារសិក្សាថ្មីនេះ នឹងធ្វើឱ្យកុមារានិងកុមារីនៃភូមិអូរ២ និងភូមិដាច់ស្រយ៉ាលមួយចំនួនទៀត នឹងលែងធ្វើដំណើរទៅសិក្សាតាមកន្លែងឆ្ងាយដូចមុនទៀតហើយ។ អប្សរាណិតធ្វើសេចក្ដីរាយការណ៍

ក្រសួងធនធានទឹក និងឧតុនិយម បានដាស់តឿនឱ្យពលរដ្ឋត្រូវបង្កើនការប្រុងប្រយ័ត្នខ្ពស់ ខណៈការព្យាករណ៍ធ្លាក់ភ្លៀងនៅតែបន្ត និងកន្លែងខ្លះអាចច្រើនជាងសប្តាហ៍កន្លងមកនេះ ថែមទៀត។

អគ្គមេបញ្ជាការកងយោធពលខេមរភូមិន្ទនាយឧត្តមសេនីយ៍ វង្ស ពិសេន បានអនុញ្ញាតឱ្យ មន្ត្រីអនុព័ន្ធយោធាឡាវ លោកវរសេនីយ៍ឯក ភីមម៉ាក់ចាន់ វង្សបញ្ញា ដែលបញ្ចប់អាណ្ណត្តិ ការងាររបស់ខ្លួនចូលជួបសម្ដែងការគួរសម និងជំរាបលា។

សម្តេចពិជ័យសេនា ទៀ បាញ់ កំពុងបំពេញទស្សនកិច្ច៣ថ្ងៃក្នុងប្រទេសចិនដែលមានការ ជជែកពិភាក្សាលើបញ្ហាតំបន់និងការពង្រឹងកិច្ចសហប្រតិបត្តិការយោធា។ ដំណើរទស្សនកិច្ច ដែលតបតាមការអញ្ជើញរបស់រដ្ឋមន្ត្រីក្រសួងការពារជាតិចិន លោក វ៉េ ហ្វេង ហឺ នឹងបញ្ចប់ នៅថ្ងៃអង្គារ៍ទី១៦សីហានេះ។

កម្ពុជាទទួលចំណូលជាង២៥៧លានដុល្លារ ពីការនាំចេញជ័រកៅស៊ូ និងឈើកៅស៊ូ ក្នុងរយ: ពេល៧ខែឆ្នាំនេះ។ យោងតាមរបាយការណ៍ របស់អគ្គនាយកដ្ឋានកៅស៊ូថ្ងៃទី១២សីហា ចាប់ ពីខែមករាដល់ខែកក្កដា កម្ពុជាទទួលបាន ចំណូលសរុបគិតត្រឹមខែកក្កដា ឆ្នាំ២០២២ ពីការនាំ ចេញជ័រកៅស៊ូ និងឈើកៅស៊ូ មានចំនួន២៥៧លាន៤៤ម៉ឺន៩ពាន់៥៩៤ដុល្លារ ក្នុងនោះចំ ណូលពីការនាំចេញជ័រកៅស៊ូចំនួន ២៥៤លាន៨៣ម៉ឺន៨ពាន់៤៧៦ដុល្លារ និងចំណូលពីការ នាំចេញឈើកៅស៊ូ ចំនួន២លាន៦១ម៉ឺន១ពាន់១១៨ដុល្លារ។

ប្រទេសសឹង្ហបុរី គឺជាប្រទេសដែលមានការឆ្លងច្រើនជាងគេបង្អស់នៅអាស៊ានក្នុងរយៈ ពេល២៤ម៉ោងកន្លងមកនេះ ។ ករណីឆ្លងថ្មីដោយសារកូវីដ១៩ ក្នុងប្រទេសទាំង១០អាស៊ាន ថ្ងៃនេះមានចំនួន ២ម៉ឺន ៧ពាន់ ៩១៦ករណី និងការស្លាប់ថ្មីមានចំនួន ៩៥នាក់ ។ កាលពី ម្សិលមិញ ប្រទេសឥណ្ឌូនេស៊ី គឺជាប្រទេសដែលមានការឆ្លងច្រើនជាងគេ, ប៉ុន្តែនៅថ្ងៃទី១២ សីហានេះ ប្រទេសសឹង្ហបុរី គឺជាប្រទេសដែលមានតួលេខឆ្លងច្រើនជាងគេបង្អស់ ដែលការឆ្លង មានជិត ៨ពាន់ករណី។ អប្សរាណិតរាយការណ៍ជុំវិញការឆ្លងថ្មីកូវីដ១៩ ក្នុងប្រទេសអាស៊ាន ទាំង១០

តួលេខឆ្លងថ្មីនៃជម្ងឺកូវីដ១៩ ក្នុងរយៈពេល ២៤ម៉ោងកន្លងមកនេះ បានកើនឡើងចំនួន ២០ករណី បើធៀបនឹងម្សិលមិញ ។ តួលេខឆ្លង២៤ម៉ោងកន្លងមកនេះ មានចំនួន៤១នាក់ ដែលជាករណីឆ្លងនៅក្នុងសហគមន៍ទាំងអស់ ។ កម្ពុជាក្នុងរយៈពេល ៤៥ថ្ងៃ ដែលបាន រកឃើញការឆ្លងសាជាថ្មីនេះ មានអ្នកឆ្លងសរុបចំនួន ៧៨៩នាក់ ហើយ ។