មេបញ្ជាការកងទ័ពជើងគោកលោកឧត្តមសេនីយ៍ឯក ហ៊ុន ម៉ាណែត បានសម្តែងក្តីដឹងគុណ ចំពោះមន្ត្រីស៊ីម៉ាក់ និងមន្ត្រីយោធានានា ដែលបានលះបង់កាយនិងជីវិតក្នុងការជួយដោះមីន និងគ្រាប់មិនទាន់ផ្ទុះដើម្បីធ្វើឱ្យកម្ពុជាជាប្រទេសអស់មីនស្របតាមគោលដៅរបស់រាជរដ្ឋាភិបាលក្នុងឆ្នាំ២០២៥។

ប្រទេសអាស៊ានទាំង១០ បានចេញសេចក្តីថ្លែងការណ៍បញ្ជាក់ជំហរនូវគោលនយោបាយចិន តែមួយ និងអំពាវនាវភាគីពាក់ព័ន្ធត្រូវរក្សាភាពអត់ធ្មត់ជាអតិបរមា។

ក្រសួងយុត្តិធម៌ បានថ្លែងថារហូតមកទល់នឹងថ្ងៃចុងក្រោយទី៤សីហានេះហើយ គេមិនបាន ឃើញគណបក្សនយោបាយឬអង្គការក្រៅរដ្ឋាភិបាលណាដែលស្នើចង់ឱ្យពន្យល់បន្ថែមទៀត ចំពោះការធ្វើវិសោធនកម្មរដ្ឋធម្មនុញ្ញលើកទី១០ឡើយ។

ការធ្លាប់តែផ្តល់សិទ្ធិផ្តាច់មុខដល់ក្រុមហ៊ុនផ្តល់សេវាទូរស័ព្ទ និងអ៊ីធឺណិតតាមបុរី នឹងលែង មានទៀតហើយចាប់ពីថ្ងៃទី៥សីហាឆ្នាំ២០២២ទៅ។

កញ្ចប់តេស្តរកវីរុសអុតស្វា ចំនួន ៥០០ឯកតា ត្រូវបានពីរដ្ឋាភិបាលសហព័ន្ធរុស្សីប្រគល់ជូន ដល់ក្រសួងសុខាភិបាលកម្ពុជាខណៈដែលកម្ពុជាទើបមានការឆ្លងលើកដំបូងនៃជម្ងឺអុតស្វានេះតាមការឆ្លងលើជនបរទេសម្នាក់ជាតិនីហ្សេរីយ៉ា។

សម្តេចតេជោ ហ៊ុន សែន បានទទួលជួបពិភាក្សាការងារជាមួយរដ្ឋមន្រ្តីការបរទេសអាមេរិក លោកអេនថូនី ប្ល៊ីងខិន នៅវិមានសន្តិភាពនារសៀលថ្ងៃទី០៤ ខែសីហា ឆ្នាំ២០២២។ តើកិច្ច ពិភាក្សាបានផ្តោតលើអ្វីខ្លះ? អប្សរាណិតធ្វើសេចក្ដីរាយការណ៍

សម្តេចតេជោ ហ៊ុន សែន បានទទួលជួបពិភាក្សាជាមួយនឹងរដ្ឋមន្ត្រីការបរទេសរុស្ស៊ី ខណៈ ដែលលោកសៀរហ្គេឡារ៉ូហ្វកំពុងបំពេញទស្សនកិច្ចការងារក្នុងរាជធានីភ្នំពេញ។ រដ្ឋមន្ត្រីការ បរទេសរុស្ស៊ី បានអញ្ជើញមកដល់កម្ពុជាកាលពីយប់ថ្ងៃទី៣សីហាដើម្បីចូលរួមក្នុងកិច្ចប្រជុំ រដ្ឋមន្ត្រីការបរទេសអាស៊ានលើកទី៥៥ និងកិច្ចប្រជុំពាក់ព័ន្ធដែលកម្ពុជាធ្វើជាម្ចាស់ផ្ទះ។ អប្សរាណិតធ្វើសេចក្ដីរាយការណ៍

សម្តេចនាយករដ្ឋមន្រ្តីកម្ពុជា បានស្នើអនុប្រធានគណៈកម្មការអឺរ៉ុបពិនិត្យឡើងវិញអំពីការ ដាក់ទណ្ឌកម្មរុស្ស៊ី ព្រោះការដាក់ទណ្ឌកម្មមិនប៉ះពាល់តែរុស្ស៊ីទេ តែវាធ្វើឲ្យមានការប៉ះពាល់ យ៉ាងធ្ងន់ធ្ងរទាំងសេដ្ឋកិច្ច សង្គមទាំងនៅអឺរ៉ុប និងទូទាំងពិភពលោកផង។