សម្តេចតេជោ ហ៊ុន សែន បានផ្ដល់មេដាយសហមេត្រីថ្នាក់មហាសេរីវឌ្ឍន៍ ជូនឯកអគ្គរដ្ឋ ទូតតួកគី លោកជំទាវ អាយដា អ៊ុនលូ ដែលបានបញ្ចប់បេសកកម្មការទូតនៅកម្ពុជា។

ពលរដ្ឋកម្ពុជានៅតែបន្តការសម្រុកចាក់វ៉ាក់សាំងប្រឆាំងកូវីដ១៩ បើទោះបីជាតួលេខបាន បង្ហាញថាជាប្រទេសដែលគ្មានអ្នកឆ្លងនិងអ្នកស្លាប់ដោយសារកូវីដ១៩ក៏ដោយ។ កម្ពុជាដោយ សារគោលនយោបាយចាក់វ៉ាក់ សាំងរបស់រាជរដ្ឋាភិបាលនេះហើយ, បាននាំឲ្យតួលេខឆ្លង និងស្លាប់បានធ្លាក់ក្នុងចំណុចសូន្យ ប្រមាណជិត ២ខែមកហើយ។

បណ្តាប្រទេសក្នុងអាស៊ាននៅតែបន្តឆ្លង និងមានករណីស្លាប់ដោយសារជម្ងឺកូវីដ១៩គួរឱ្យកត់ សម្គាល់ខណៈកម្ពុជាជាប្រទេសដែលអស់ការឆ្លងជាង៤០ថ្ងៃរួចមកហើយ។ ក្នុងរយៈពេល ២៤ម៉ោងចុងក្រោយនេះ នៅក្នុងអាស៊ាន មានចំនួនឆ្លង ១ម៉ឺន ៥ពាន់ ១៩ករណី និងការស្លាប់ ថ្មីមានចំនួន ៣៥នាក់ ។ ប្រទេសសឹង្ហបុរី គឺជាប្រទេសដែលមានតួលេខឆ្លងច្រើនជាងគេបង្អស់ ដដែល ក្នុងរយៈពេល ២៤ម៉ោងចុងក្រោយនេះ ។

តួលេខអ្នកឆ្លងជំងឺកូវីដ១៩ក្នុងប្រទេសកម្ពុជារយៈពេល២៤ម៉ោងនេះ បានស្ថិតក្នុងចំណុច សូន្យជាដដែល ដែលនាំឱ្យការមិនឆ្លងសោះមានចំនួន៤៦ថ្ងៃជាប់គ្នាជាបន្តបន្ទាប់។

ខេត្តស្ទឹងត្រែងបានប្រារព្ធខួបលើកទី១៥ឆ្នាំនៃទិវាអតីតយុទ្ធជន។ សម្តេចតេជោ ហ៊ុន សែន កាលពីម្សិលមិញបានធ្វើសារលិខិតអបអរខួបទិវាអតីតយុទ្ធជននោះផងដែរ ដោយបញ្ជាក់ថា ទិវាខួបនោះ គឺជាទិវាប្រវត្តិសាស្ត្រ រំលឹកដល់គំរូវីរភាពដ៏មោះមុតនិងគុណបំណាច់ដ៏ធំធេង របស់វីរយុទ្ធជន យុទ្ធនារីនៃកងកម្លាំងប្រដាប់ អាវុធនិងប្រជាពលរដ្ឋគ្រប់ស្រទាប់ដែល បាន ពលិកម្មយ៉ាងអង់អាចក្លាហាន បូជាសាច់ស្រស់ ឈាមស្រស់ ដើម្បីបុព្វហេតុជាតិនិងមាតុ ភូមិជាទីស្នេហា។