តួលេខមិនឆ្លងកូវីដ-១៩ក្នុងប្រទេសកម្ពុជា មានចំនួន៤១ថ្ងៃជាប់គ្នាមកហើយដោយសារតែ នយោបាយចាក់វ៉ាក់សាំងស្រោចរបស់ប្រមុខរាជរដ្ឋាភិបាលបង្កើតបានភាពស៊ាំក្នុងសហគមន៍ ។ គិតត្រឹមថ្ងៃទី១៧ខែ មិថុនា, តួលេខឆ្លងមានចំនួនដដែលគឺ ១៣ម៉ឺន ៦ពាន់២៦២ករណី។ តួលេខស្លាប់ថ្មី ក៏ពុំមានដែរនៅថ្ងៃនេះ។ តួលេខស្លាប់សរុប មានចំនួន៣ពាន់ ៥៦នាក់ជា ដដែល។

មនី្ទរពេទ្យហ្លួងម៉ែដែលជាមន្ទីរពេទ្យឈានមុខគេក្នុងការជួយសង្គ្រោះជីវិតពលរដ្ឋក្នុងគ្រា ដែលមានការឆ្លងខ្លាំងនូវជម្ងឺកូវីដ១៩នោះ នឹងត្រូវរៀបចំជាមនី្ទរពេទ្យព្យាបាលជំងឺមហារីកវិញ ខណៈដែលកម្ពុជាមានសមត្ថភាពអាចគ្រប់គ្រងបាននូវជម្ងឺកូវីដ១៩។

ប្រទេសរុស្ស៊ីបានហៅដំណើរទស្សនកិច្ចរួមគ្នារបស់មេដឹកនាំបារាំង, អាល្លឺម៉ង់និងអ៊ីតាលី ក្នុង រដ្ឋធានីគៀវនៃប្រទេសអ៊ុយក្រែន ថាជាដំណើរទស្សនកិច្ចគ្មានបានការ។

កិច្ចប្រជុំពិសេសរដ្ឋមន្រ្តីការបរទេសអាស៊ាន-ឥណ្ឌារយៈពេល២ថ្ងៃក្នុងក្រុងញូដេល្លី បានបញ្ចប់ ហើយជាមួយភាគីចូលរួមបានទទួលស្គាល់ សមិទ្ធផលជាច្រើនដែលសម្រេចបានក្នុងកិច្ច សហប្រតិបត្តិការប្រកបដោយផ្លែផ្កាក្នុងរយៈ ពេល៣០ឆ្នាំកន្លងមក។

៤៥ឆ្នាំមុននេះ គឺនៅថ្ងៃទី២១មិថុនាឆ្នាំ១៩៧៧ ការចាប់ផ្តើមនៃរបត់ប្រវត្តិសាស្ត្ររំដោះទឹកដី និងប្រជាជន​ដោយសារតែអតីតរបបកម្ពុជាប្រជាធិបតេយ្យបានធ្វើទុក្ខបុកម្នេញ បានកើតឡើង ។

កងទ័ពជើងអាកាស បានបើកវគ្គហ្វឹកហ្វឺនបំប៉នសមត្ថភាព នាយទាហានថ្នាក់មូលដ្ឋានបញ្ជាការសេនាធិការជំនាន់ទី២ ដែលជាវគ្គហ្វឹកហ្វឺនរយៈ៣ខែ។

រដ្ឋមន្ត្រីការពារជាតិមីយ៉ាន់ម៉ា នឹងមានវត្តមានក្នុងកិច្ចប្រជុំរដ្ឋមន្ត្រីការពារជាតិអាស៊ាន ដែល កម្ពុជាធ្វើជាម្ចាស់ផ្ទះតបតាមការអញ្ជើញរបស់សម្តេចពិជ័យសេនា ទៀ បាញ់ ឧបនាយករដ្ឋមន្ត្រី និងជារដ្ឋមន្ត្រីក្រសួងការពារជាតិ។

មេបញ្ជាការកងទ័ពជើងគោកលោកឧត្តមសេនីយ៍ឯក ហ៊ុន ម៉ាណែត បានថ្លែងថាប្រតិបត្តិការ ប្រឆាំងភេរវកម្ម គឺជាប្រភេទមួយនៃប្រតិបត្តិការពិសេស ពាក់ព័ន្ធទាំងផ្នែកការទូត, ច្បាប់ និង​យុទ្ធវិធី។ ប្រសាសន៍ថ្លែងបានធ្វើ នៅថ្ងៃទី១៧មិថុនា ក្នុងពិធីបើកវគ្គហ្វឹកហ្វឺនបណ្តុះបណ្តាល ជំនាញប្រឆាំងភេរវកម្មជំនាន់ទី៥, វគ្គហ្វឹកហ្វឺនបំប៉នជំនាញបច្ចេទេសសង្គ្រោះគ្រោះមហន្ត រាយ, វគ្គហ្វឹកហ្វឺនបណ្តុះបណ្តាលជំនាញបើក-ជួសជុលអូប័រ និងរបៀបសង្គ្រោះជំនាន់ទី៦ របស់បញ្ជាការដ្ឋានទ័ពពិសេស កងទ័ពជើងគោក។ លោកឧត្តមសេនីយ៍ឯក ហ៊ុន ម៉ាណែត ដែលជាអគ្គមេបញ្ជាការរង នៃកងយោធពលខេមរភូមិន្ទ បានបញ្ជាក់ប្រាប់សិក្ខាកាមចូលរួមថា ការបើកវគ្គហ្វឹកហ្វឺនក្នុងថ្ងៃនេះ គឺជាផ្នែកមួយនៃ ការកសាងសមត្ថភាពរបស់បណ្តាយោធភូមិភាគ និងកងពលធំចំណុះកងទ័ពជើងគោក ក្នុង នាមជាកម្លាំងខ្សែត្រៀមទី១នៅតាមមូលដ្ឋានបំពេញបន្ថែមឱ្យកងកម្លាំងប្រឆាំងភេរវកម្មថ្នាក់ ជាតិ។ វគ្គហ្វឹកហ្វឺននេះ ស្របទៅនឹងការរៀបចំកែសម្រួលរចនាសម្ព័ន្ធថ្មី និងការប្រគល់ភារកិច្ច បំពេញបន្ថែម ពាក់ព័ន្ធនឹងកិច្ចការប្រឆាំងភេរវកម្ម ដែលជាកិច្ចការសំខាន់ចាំបាច់ចំពោះមុខ របស់កម្ពុជា ខណៈដែលអំពើភេរវកម្ម នៅតែជាបញ្ហាប្រឈមផ្នែកសន្តិសុខដ៏ស្រួចស្រាល់ ទាំងនៅក្នុងតំបន់ និងពិភពលោក នៅឡើយ។ លោកឧត្តមសេនីយ៍មេបញ្ជាការកងទ័ពជើងគោកបន្តថាក្រៅពីភារកិច្ចស្នូលលើការងារត្រៀមប្រយុទ្ធ, បម្រើប្រយុទ្ធនិងប្រយុទ្ធ,  កងទ័ពក៏មានតួនាទីសំខាន់ក្នុងបេសកម្មសង្គ្រោះ គ្រោះ មហន្តរាយ ដូចជាគ្រោះទឹកជំនន់ និងការបាក់រលំអគារ ជាដើម។ លោកបញ្ជាក់ថា ដូច្នេះការហ្វឹកហ្វឺនជំនាញបច្ចេកទេសសង្គ្រោះគ្រោះមហន្តរាយ និងជំនាញបើក-ជួសជុលអូប័រ…