ករណីឆ្លង និងស្លាប់ដោយសារកូវីដ១៩ ក្នុងប្រទេសអាស៊ាន នៅតែបន្តមាន លើកលែងតែ ប្រទេសកម្ពុជា ដែលអត្រាស្លាប់ និងឆ្លងបានស្ថិតក្នុងចំណុចសូន្យជាង ១ខែទៅហើយ។ ក្នុងរយៈពេល ២៤ម៉ោងចុងក្រោយនេះ តួលេខឆ្លងកូវីដ១៩ ក្នុងប្រទេសអាស៊ានមានចំនួន ១ម៉ឺន ១ពាន់ ៨៩៧ករណី និងការស្លាប់ថ្មីមានចំនួន ៣៥នាក់ ។ ប្រទេសសឹង្ហបុរី គឺជាប្រ ទេសដែលមានតួលេខឆ្លងច្រើនជាងគេបង្អស់ដដែល ក្នុងរយៈពេល ២៤ម៉ោងចុងក្រោយនេះ ។

យុទ្ធនាការចាក់វ៉ាក់សាំងដូសទី៥ រយៈពេល ១សប្តាហ៍មកនេះ មានពលរដ្ឋទៅចាក់បាន ចំនួន ១៤ម៉ឺន ៨ពាន់ ៧៣៤នាក់ហើយ ។ កម្ពុជាដោយសារគោលនយោបាយចាក់វ៉ាក់សាំង របស់រាជរដ្ឋាភិបាលនេះហើយ, បាននាំឲ្យតួលេខឆ្លង និងស្លាប់បានធ្លាក់ក្នុងចំណុចសូន្យ ប្រមាណជាង១ខែមកហើយ។

កម្ពុជាបន្តគ្មានអ្នកឆ្លងជម្ងឺកូវីដ១៩ថែមទៀតនៅថ្ងៃនេះ ដែលនាំឱ្យ តួលេខមិនឆ្លងកូវីដ១៩ មានរយៈពេល៣៩ថ្ងៃបន្តបន្ទាប់ជាប់គ្នា។ កម្ពុជាបើទោះបីជាគ្មានអ្នកឆ្លង ប៉ុន្តែការចាក់វាក់ សាំងដូសជម្រុញបានបន្តធ្វើជារៀងរាល់ថ្ងៃដើម្បីបង្កើតភាពស៊ាំក្នុងសហគមន៍។

រដ្ឋបាលជលផលទើបបានព្រលែងត្រីបបែលទឹកសាបយក្ស១ក្បាលទៀតក្រោយអ្នកនេសាទចាប់បាននៅដែនទឹកទន្លេមេគង្គក្នុងខេត្តស្ទឹងត្រែង។ ត្រីបបែលយក្សញីដែលចាប់បាន នៅចំណុចភូមិកោះព្រះ, ឃុំកោះព្រះ នៃស្រុកសៀមបូក គឺជាត្រីដេលមានទម្ងន់៣០០គីឡូក្រាម, មានប្រវែងពីក្បាលដល់ចុងកន្ទុយ៣ម៉ែត្រ៩៨ និងមានទទឺងដងខ្លួនប្រវែង ២ម៉ែត្រ២០។

ការបោះឆ្នោតក្រុមប្រឹក្សាឃុំសង្កាត់ឆ្នាំ២០២២របស់កម្ពុជា ត្រូវក្រុមអ្នកសង្កេតការណ៍អន្តរជាតិ បានចាត់ទុកជាការបោះឆ្នោតដោយរលូន, មានតម្លាភាព, សេរីនិងយុត្តិធម៌តាមគន្លង ប្រជាធិបតេយ្យ។ តើជោគជ័យនៃដំណើរការបោះឆ្នោតកន្លងមកនេះ បានឆ្លុះបញ្ចាំងអ្វីខ្លះ?

លោកឧត្តមសេនីយ៍ឯក ហ៊ុន ម៉ាណែត បានទទួលជួបសំណេះសំណាល និងពិភាក្សាការ ងារជាមួយមន្ត្រីជាន់ខ្ពស់បារាំងដើម្បីរឹតចំណងមិត្តភាពរវាងប្រទេសទាំង២។

ទាហានរុស្ស៊ីបានដាក់ឱសានវាទឱ្យទាហានអ៊ុយក្រែនក្នុងក្រុងស៊ីវៀរ៉ូដូណេតស៍ត្រូវដាក់អាវុធ ចុះចាញ់ ឬបើពុំដូច្នោះទេ ពូកគេនឹងត្រូវស្លាប់។ ការដាក់ឱសានវាទនេះ បានទន្ទឹមនឹងសេចក្តី រាយការណ៍ថា សហរដ្ឋអាមេរិកត្រៀមនឹងប្រកាសការផ្តល់អាវុធនិងកញ្ចប់ជំនួយយោធា ជា ច្រើនទៀតចំពោះអ៊ុយក្រែនដែលកំពុងខ្វះអាវុធតស៊ូជាមួយនឹងទាហានរុស្ស៊ី។

កម្ពុជានិងបង់ក្លាដែស បានជជែកលើការពង្រឹងកិច្ចសហប្រតិបត្តិការវិស័យយោធានៃប្រទេសទាំង២ និងការគ្រោងចុះហត្ថលេខារួមគ្នាលើអនុស្សារណៈនៃការយោគយល់ទ្វេភាគី ជាមួយគ្នាថែមទៀត ដើម្បីជាការបើកច្រកឱ្យមានកិច្ចសហប្រតិបត្តិការកាន់តែទូលំទូលាយ។