យុទ្ធនាការចាក់វ៉ាក់សាំងដូសទី៥ រយៈពេល ៦ថ្ងៃមកនេះ មានពលរដ្ឋទៅចាក់បានចំនួន ១២ម៉ឺន ៥ពាន់ ៧១៧នាក់ហើយ ។ កម្ពុជាដោយសារគោលនយោបាយចាក់វ៉ាក់សាំង របស់ រាជរដ្ឋាភិបាលនេះហើយ, បាននាំឲ្យតួលេខឆ្លង និងស្លាប់បានធ្លាក់ក្នុងចំណុចសូន្យ ប្រមាណ ជាង១ខែមកហើយ។

សម្តេចតេជោ ហ៊ុន សែន បានចូលរួមជាមួយឥស្សរជនល្បីល្បាញពិភពលោក ថ្លែងសុន្ទរក ថាមួយ ក្នុងកិច្ចប្រជុំកំពូលអ្នកដឹកនាំស្តីពីដំណោះស្រាយដើម្បីបញ្ចប់អំពើហិង្សាលើកុមារ។

កម្ពុជាបន្តគ្មានអ្នកឆ្លងជម្ងឺកូវីដ១៩ថែមទៀតនៅថ្ងៃនេះ ដែលនាំឱ្យ តួលេខមិនឆ្លងកូវីដ១៩ មានរយៈពេល៣៨ថ្ងៃបន្តបន្ទាប់ជាប់គ្នា។ កម្ពុជាបើទោះបីជាគ្មានអ្នកឆ្លង ប៉ុន្តែការចាក់វាក់ សាំងដូសជម្រុញបានបន្តធ្វើជារៀងរាល់ថ្ងៃដើម្បីបង្កើតភាពស៊ាំក្នុងសហគមន៍។

ទំហំពាណិជ្ជកម្មកម្ពុជា-បារាំង សម្រាប់រយៈពេល៥ខែដើមឆ្នាំ២០២២នេះ មានជាង២០០ លានដុល្លារអាមេរិក។ ទំហំនេះ បានកើនឡើង៤២.៤% ខណៈអ្នកជំនាញមើលឃើញថា ការ ធ្វើពាណិជ្ជកម្ម រវាងប្រទេសទាំង២ និងការវិនិយោគរបស់បារាំងនៅកម្ពុជា នឹងកាន់តែល្អ ជាងមុន។

អគ្គនាយកដ្ឋានពន្ធដា បានថ្លែងថាក្នុងរយៈពេល៥ខែដើមឆ្នាំ២០២២នេះ, ចំណូលពន្ធ-អាករ ដែលប្រមូលបាន មានចំនួន ៦ពាន់៩៩៤ក្បៀស០៦ ប៊ីលានរៀល។ ចំណូលដែលប្រមូលបាន នេះ មានទំហំស្មើនឹង៦១ក្បៀស២៥% នៃផែនការច្បាប់ហិរញ្ញវត្ថុប្រចាំឆ្នាំ។

ការប្រើប្រាស់អត្តសញ្ញាណបណ្ណជាតិខ្មែរដោយក្រុមជនបរទេសមួយចំនួន ត្រូវគេរកឃើញ ថាមានលក្ខណៈខុសច្បាប់។ ស្នងការដ្ឋាននគរបាលរាជធានី បានប្រញាប់ដាក់បញ្ជាដល់ មន្ត្រីក្រោមបង្គាប់ត្រូវស្រាវជ្រាវរកករណីខុសច្បាប់នេះ ដើម្បីពង្រឹងការអនុវត្តច្បាប់។

ពានបាល់ទាត់ពិភពលោក FIFA WORLD CUP អ្នកស្នេហាកីឡាបាល់ទាត់ប្រាថ្នាចង់ ឃើញគ្រប់គ្នានោះ នឹងមកដល់ប្រទេសកម្ពុជាជានៅថ្ងៃទី១៥ មិថុនានេះហើយ។

កញ្ញា សេង ធារី ត្រូវសមត្ថកិច្ចចាប់ខ្លួនហើយ បន្ទាប់ពីសាលាដំបូងរាជធានីភ្នំពេញចេញ សាលក្រមប្រកាសសម្រេចផ្តន្ទាទោសដាក់ពន្ធនាគារចំនួន៦ឆ្នាំ ។

មេធាវីតំណាងគណបក្សប្រជាជនកម្ពុជា បានដាក់ពាក្យប្តឹងអនុប្រធានគណបក្សភ្លើងទៀន លោក សុន ឆ័យ ​ដែលបានប្រើសម្តីបរិហាដាក់មកលើគណបក្សប្រជាជនកម្ពុជាជុំវិញការលួច បន្លំសន្លឹកឆ្នោត។

សង្គ្រាមដ៏កាចសាហាវនៅតែបន្តនាភាគខាងកើតអ៊ុយក្រែន ខណៈដែលរុស្ស៊ីនៅតែបន្តប្រៀប ឈ្នះលើសមរភូមិ។ អ៊ុយក្រែនចង់យកភាពឈ្នះតាមរយៈរូបភាពធ្វើសង្គ្រាមក្នុងតំបន់ដុន បាស់ ដើម្បីរកទម្ងន់បង្ខំឱ្យរុស្ស៊ីចូលតុចរចា ប៉ុន្តែតាមរយៈការធ្វើសង្គ្រាមក្នុងដំណាក់កាលទី២ នាភាគខាងកើតអ៊ុយក្រែននេះ ក្តីសង្ឃឹមយកឈ្នះលើរុស្ស៊ីដោយការធ្វើសង្គ្រាម មានក្តីសង្ឃឹម តិចតួចណាស់។