តួលេខឆ្លងកូវីដ១៩ ក្នុងប្រទេសអាស៊ាន ក្នុងរយៈពេល ២៤ម៉ោងចុងក្រោយនេះ មានចំនួន ១ម៉ឺន ៣ពាន់ ៦៥១ករណី និងការស្លាប់ថ្មីមានចំនួន ៥២នាក់ ។ តួលេខឆ្លងនៅថ្ងៃនេះ មាន ការថយចុះចំនួន ១ពាន់ ១១៩ករណី ប៉ុន្តែការស្លាប់មានក៏មានការកើនឡើងចំនួន ២នាក់ បើប្រៀបធៀបនិងម្សិលមិញ ។ ប្រទេសថៃ គឺជាប្រទេសដែលមានតួលេខឆ្លងច្រើនជាង គេបង្អស់នៅថ្ងៃនេះ។ ដោយឡែកប្រទេសកម្ពុជា គឺជាប្រទេសដែលមិនមានករណីឆ្លង ថ្មីនោះឡើយ ។

កម្ពុជាបានបន្តសម្រុកការចាក់វ៉ាក់សាំងបើទោះបីជាកម្ពុជាគ្មានការឆ្លងកូវីដ១៩ រយៈពេល ១៩ថ្ងៃ ជាប់គ្នាមកនេះក៏ដោយ ។ យោងតាមក្រសួងសុខាភិបាល តួលេខអ្នកចាក់វ៉ាក់សាំង ដូសមូលដ្ឋានទូទាំងប្រទេសគិតត្រឹមថ្ងៃនេះ បានកើនដល់ចំនួន ១៥លាន ២ម៉ឺន ៨ពាន់ ៤៧៩ នាក់ ដែលស្មើនឹង ៩៣,៩៣ភាគរយ ។

តួលេខអ្នកឆ្លងជំងឺកូវីដ១៩ក្នុងប្រទេសកម្ពុជារយៈពេល២៤ម៉ោងនេះ បានស្ថិតក្នុងចំណុច សូន្យជាដដែល ដែលនាំឱ្យការមិនឆ្លងសោះមានចំនួន១៩ថ្ងៃជាប់គ្នាជាបន្តបន្ទាប់។

សារធាតុញៀនជាង១ពាន់៤០០គីឡូក្រាម និងសារធាតុគីមីជាង១១តោន ត្រូវបានបង្ក្រាប នៅក្នុងរាជធានីភ្នំពេញនិងខេត្តកំពង់ស្ពឺ។

មេបញ្ជាការកងទ័ពជើងគោក បានថ្លែងដាស់តឿនថា គេត្រូវតែបន្តការត្រៀមប្រុងប្រយ័ត្ន ចំពោះជម្ងឺឆ្លងរាតត្បាតកូវីដ១៩ ខណៈជម្ងឺនេះនៅតែបន្តការគំរាមដល់ប្រទេសលើពិភពលោកនេះនៅឡើយទេ បើទោះជាកម្ពុជាអាចគ្រប់គ្រងការឆ្លងរាលដាលនេះ បានដោយ ជោគជ័យក៏ដោយ។

ផលិតផលសុខភាពមកពីបណ្តាប្រទេសអឺរ៉ុប ចំនួនប្រមាណជាង ៤ពាន់មុខ ត្រូវបានចុះ បញ្ជីកានៅក្រសួងសុខាភិបាល និងបានចរាចរនៅលើទីផ្សារកម្ពុជា។

គណៈប្រតិភូយោធាកម្ពុជានៃខេត្តព្រះវិហារ បានចូលរួមក្នុងពិធីបញ្ចុះអដ្ឋិធាតុកងទ័ពស្ម័គ្រ ចិត្តវៀតណាម ដែលបានពលីជីវិតក្នុងសម័យអតីតកាលសង្គ្រាមក្នុងប្រទេសកម្ពុជា។ ពិធី បញ្ចុះអដ្ឋិធាតុនោះ បានធ្វើនៅខេត្តយ៉ាឡាយ នៃប្រទេសវៀតណាម ។ ក្នុងអតីតកាល សង្គ្រាមស៊ីវិលក្នុងប្រទេសកម្ពុជា មានកងទ័ពស្ម័គ្រចិត្តវៀតណាមបានស្លាប់លើទឹកដីកម្ពុជា ច្រើនម៉ឺននាក់។

តុលាការបើកសវនាការលើកដំបូងកាត់ទោសអតីតប្រធានបក្សខ្មែរក្រោក លោក សុខ សុវណ្ណវឌ្ឍនាសាប៊ុង ហៅ William Guang និងបក្ខពួក១២នាក់ នៅថ្ងៃទី២៦ឧសភានេះ ទាក់ទងនឹងអំពើប្លន់ប្រដាប់ អាវុធក្នុង ផ្ទះអ្នកលក់ឡេម្នាក់ឈ្មោះ អ៊ាន សៀវម៉ី។

អង្គការស៊ីម៉ាក់ CMAC បានចុះMOUនូវទំហំទឹកប្រាក់ ២៨ម៉ឺន៤ពាន់៤២២ ដុល្លារអាមេរិក សម្រាប់សកម្មភាពបោសសម្អាតគ្រាប់មីនរយៈពេលពីរឆ្នាំ។

ធនាគារពិភពលោក World Bank បានផ្ដល់ហិរញ្ញប្បទាន១៦៩លានដុល្លារដល់រាជរដ្ឋាភិបាល កម្ពុជាសម្រាប់ទ្រទ្រង់ដល់ការងារសុវត្ថិភាពផ្លូវ និងភាពធន់ទៅនឹងកត្តាអាកាសធាតុនៅ កម្ពុជា។