កម្មករសំណង់៤នាក់ស្លាប់ និងម្នាក់ទៀតរងរបួស ដោយសារការដាច់ជណ្តើរយោងក្នុងការ ដ្ឋានកំពស់ ១៥ជាន់។ ហេតុការណ៍បានកើតឡើងនៅថ្ងៃទី២០ ខែឧសភា ឆ្នាំ២០២២នេះ នា ចំណុចការដ្ឋានសំណង់នៅចំណុចផ្លូវសេតេ ភូមិ២ សង្កាត់លេខ៣ នៃក្រុងព្រះសីហនុ។

កម្ពុជាត្រៀមនឹងបន្តការចាក់វ៉ាក់សាំងដូសទី៥ថែមទៀតខណៈពេលដែលពិភពលោកនៅ តែបន្តការគំរាមដោយសារជម្ងឺឆ្លងកូវីដ១៩នេះ។ សម្តេចតេជោ ហ៊ុន សែន បានបញ្ជាក់ជុំវិញការ ត្រៀមចាក់ដូសទី៥ នៅមុនពេលដែលសម្តេចត្រៀមចាកចេញពីប្រទេសកម្ពុជាក្នុងដំណើរ បំពេញទស្សនកិច្ចការងារក្នុងទ្វីបអឺរ៉ុប។

ប្រតិភូកីឡារបស់កម្ពុជាខ្លះ បានវិលត្រឡប់មកកាន់ប្រទេសវិញហើយ ក្រោយការចូលរួម ព្រឹត្តិការណ៍កីឡាស៊ីហ្គេម លើកទី៣១ នៅទីក្រុងហាណូយនៃប្រទេសវៀតណាម។ គិតត្រឹម ថ្ងៃទី១៩ឧសភា កម្ពុជាដណ្តើមបានមេដាយចំនួន៤០គ្រឿងហើយ ដែលក្នុងនោះ រួមមានមាស៦គ្រឿង, មេដាយប្រាក់៩ គ្រឿង និងសំរឹទ្ធ២៥គ្រឿង ។ កីឡាស៊ីហ្គេមក្នុងប្រទេស វៀតណាមនឹងត្រូវបិទបញ្ចប់នៅថ្ងៃទី២៣ឧសភា ដែលគិតត្រឹមថ្ងៃនេះ ការប្រកួតខ្លះនៅមិន ទាន់បានចប់ទាំងស្រុងនោះឡើយ។

បណ្ឌិត ហ៊ុន ម៉ាណែត បានថ្លែងរំលឹកនូវទិវាចងចាំ២០ឧសភា ខណៈចូលរួមក្នុងពិធីសម្ពោធ ផ្លូវក្រាលកៅស៊ូចំនួន៥ ខ្សែប្រវែងជិត២៨គីឡូម៉ែត្រនៅភូមិជ្រៃហាយ ឃុំដងក្តារ ស្រុកស្ទឹង ត្រង់ ខេត្តកំពង់ចាមនៅថ្ងៃទី២០ ខែឧសភានេះ។

រាជធានីភ្នំពេញបានប្រារព្ធទិវាចងចាំនូវអំពើកាប់សម្លាប់រង្គាលរបស់របបវាលពិឃាតកម្ពុជា ប្រជាធិបតេយ្យ។ ទិវា២០ឧសភា គឺជាទិវាដែលកម្ពុជាតែងធ្វើរៀងរាល់ឆ្នាំដើម្បីការចងចាំ ទុក មិនឱ្យរបបអតិតកាលសម្លាប់មនុស្សនេះ វិលត្រឡប់មកកម្ពុជាវិញឡើយ។ ក្នុងរបបអតីតកាល នោះ អង្គការស្លៀកខោអាវខ្មៅ បានធ្វើទុក្ខបុកម្នេញ និងកាប់សម្លាប់ពលរដ្ឋខ្មែរគ្នាឯងស្លាប់ប្រ មាណជាងបីលាននាក់។

សារជាវីដេអូសម្តែងក្តីអបអរសាទរដំណើរទស្សនកិច្ចរបស់សម្តេចតេជោហ៊ុនសែនចូលរួម ក្នុងវេទិកាសេដ្ឋកិច្ចពិភពលោកក្នុងប្រទេសស្វីស នៅតែបន្ត។ សម្តេចតេជោ និងគណៈប្រតិភូ គ្រោងចាកចេញពីកម្ពុជាវេលាម៉ោង១កន្លះរំលងអាធ្រាត ឆ្លងឈានចូលថ្ងៃទី២១ឧសភា ២០២២ នេះហើយ ប៉ុន្តែសារជាវីដេអូអបអរសាទរពីប្រជាពលរដ្ឋនៅតែបន្តឥត ឈប់ឈរ។

សង្គ្រាមឈ្លានពានរុស្ស៊ីក្នុងប្រទេសអ៊ុយក្រែនបានឈានចូលដល់ថ្ងៃទី៨៥ខណៈសង្គ្រាមលើ សមរភូមិនៅតែខ្លាំងក្លា និងសង្គ្រាមការទូតក្រៅប្រទេសកាន់តែរំលេចនូវឥទ្ធិពលរបស់អង្គការ ណាតូ។ ការប្រយុទ្ធគ្នាក្នុងតំបន់ភាគឥសាននិងភាពខាងកើតអ៊ុយក្រែន កាន់តែមានភាពសា ហាវ ប៉ុន្តែសង្គ្រាមការទូតបង្ហាញឥទ្ធិពលរីករាលដាលរបស់ណាតូ ក៏កាន់តែធ្វើឱ្យរុស្ស៊ីមានក្តី កង្វល់ខ្លាំងផងដែរ។

មេបញ្ជាការកងទ័ពជើងគោកបានអញ្ជើញចូលរួមក្នុងពិធីបើកវគ្គហ្វឹកហ្វឺនជំនាញរថក្រោះ និងរថពាសដែក ជាមួយនឹងប្រសាសន៍ថ្លែងបញ្ជាក់ថា វិស័យការពារជាតិជាឆ្អឹងខ្នងនៃកាតព្វកិច្ច និងបុព្វហេតុរួមរបស់ជាតិខ្មែរទាំងមូល គឺការការពារជាតិ សាសនា ព្រះមហាក្សត្រ និងរាជ រដ្ឋាភិបាលស្របច្បាប់។

ដំណាក់កាលឃោសនានៅមុនការបោះឆ្នោតជ្រើសរើសបេក្ខជនក្រុមប្រឹក្សាឃុំនិងសង្កាត់ នឹង ចាប់ផ្តើមនៅថ្ងៃសៅរ៍ទី២១ឧសភានេះហើយ ដែលក្រុមឃោសនិកពីបណ្តាគណបក្ស នយោបាយនានានឹងចាប់ផ្តើមសកម្មភាពរយៈពេល១៤ថ្ងៃ។ តើការឃោសនារយៈពេល១៤ ថ្ងៃមានចំណុចអ្វីដែលគជប បានហាមឃាត់ដែរឬទេ?